THUPHUANG 19:6 - Bawm Common Language Bible Version

⁶ Chun, mi zapi cherkhet aw-hâu hâwi leh, tî tam tak â khâwk mi rihâu hâwi leh khuarît fâk tak hâwi hen, “Halleluia’’ (Pathian chu sawr u), kan Lalpa, Pathian Zeizawng tikho chu lalchem asi,

THUPHUANG 19:6 ပူးပေါင်းရင်းမြစ်များ

JOB LASUIBU 40:9

Kei hâwi hen na chak ma? Keimah hâwi hen khua a rî mi hâwi hen hâu na suah kho ma?

SAM 47:2

LALPA, Chungnungchem, laikulh zawzawngah lâirêltu, Lal rokual chu ṭih ding asi.

SAM 47:7

Pathian chu laikulh pumpi lal asi; amah chu la hen sawr u!

SAM 77:18

Na khuarît nih chun a ṭawl le, mîmthlalek nih laikûlh a cherh; tual a thir le, â nîn.

SAM 93:1

LALPA chu lalchem asi. Lalnâk leh chaknâk hen â thuam. Tual chu a mun ah siah asi le, ninh kho asi lo.

SAM 97:1

LALPA chu lalchem asi! Tual, a lâwm rawh! Tipi ah tikulh tla, a lâwm u!

SAM 97:12

LALPA nih thil a ti mi ruangah nannih mirep zawzawng tla a lâwm u. Pathian thenhlimh thilti chu theih kumza ule, a sinah lâwmthu sim u.

SAM 99:1

LALPA chu lalchem asi; mi tla an thir. Thilnung thla tlûnlei ah a laltophah tlûnah a to le, tual â nîn.

ISAI 52:7

Tlâng sâng tla tan hen thâwngthâng ṭha thlangamnâk thu puttu mifial hawng mi muh ding chu a chê awt a! Nehnâk thu a sim le, Zion sinah, “Na Pathian chu lalchem asi!” a ti.

JEREMIA 51:48

Mârlei thawk hen amah veihtu ding mi kut ah Babulon chu a tlû tikah tual tlûnah thil zawzawng leh vân ah mi tla lâwm hen an âu lai.

EZEKIEL 1:24

An zuang liauah an zuang hâu ka theih le; tipi hâu hâwi mawh, kawrsen murui hâu hâwi mawh, Pathian Zeizawng tikho hâu hâwi a put. An zuang mi anna dîn chun an thlâ an tawm le,

EZEKIEL 43:2

chunah chun Israel Pathian umpinâk chêu chu mitser rê mi saklei thawk hen a hawng kal mi ka muh. Pathian hâu chu tipi hâu hâwi hen a suak le, mit ser rê mi chêu nih tual chu a cherh.

MATHAI 6:13

Sual ding hen lêmnâk ah hawng kan ruai lah le, Misual lakah thawk hen ruang hawng kan suah rawh. Ram leh thiltikhonâk leh rokualnâk, zungzâl hen na tâ asi, Amen.

THUPHUANG 1:15

a kezaphah tla chu dâr a tlêu mi hâwi asi le, mei ah êr mi hâwi asi, a hâu chu tî tam tak khâwk hâu hâwi asi.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 12:10

Chun, vân ah aw-hâu fâk tak ka theih mi nih chun, ‘Tuah chun kan Pathian ruangsuahnâk leh a thiltikhonâk leh Lal a sizia chu a langhtir le, tuah a Mesia thuneihnâk chu a langhtir rawh! Kan unau tla phiar hen Pathian mâika ah a sûn a zân hen a dîr tâwn mi chu vân thawk hen lawnh asi rawh,” a ti.

THUPHUANG 14:2

chun, vân thawk hen zeilo hâu, tî tam tak sâitâr ah â khâwk mi hâu hâwi leh khuarît fâk tak hâu hâwi ka theih le, chun, ka hâu theih chu ṭingṭang tumtu tla nih an ṭingṭang an tum mi hâu hâwi asi.

THUPHUANG 19:1

Chu nûn chun, vân ah mi zapi aw-hâu fak tak hâwi hen, “Halleluia’’ (Pathian chu sawr u), ruangsuahnâk tla, rokualnâk tla, thiltikhonâk tla, kan Pathian tâ asi;

THUPHUANG 19:4

Chun, upa kulpali leh thilnung pali tla chu an bawkbukhup le, Pathian laltophah ah a to mi chu an mâimûk le, “Amen! ‘’Halleluia’’ (Pathian chu sawr u!’’) an ti.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

THUPHUANG 4:5

Chun laltophah thawk hen chun, mîmthlalek tla, aw-hâu tla, khuari tla chu ri urmar hen a hawng suak. Chun, meifâr pasarih laltophah mâika ah chun a alh le, chu tla chu Pathian thlarau pasarih tla chu an si.

THUPHUANG 6:1

Chun, Dawrâ Fa nih chun singsiahnâk pasarih lakah pakhat chu a samh liau ka muh le, chun thilnung pali lakah pakhat nih chun khuari mi hâu hâwi hen, “Hawng rawh,” a ti mi ka theih.

THUPHUANG 8:5

Chun, vânmifial nih chun zeilo rimthâw duahnâk bâwm chu a lâk le, mâichâm mi mei hen a khattir le, tual ah a lawnh rawh. Chun, khuarît tla, aw-hâu dang tla, mîmthlalek tla, lînîn tla a hawng um sawm rawh.