THUPHUANG 18:9 - Bawm Common Language Bible Version

⁹ Chun, tual ah lal tla amah pung tâwntu leh, a nuamsabut chenhpitu tla nih chun a kâng mi khû chu an zauh tikah,

THUPHUANG 18:9 ပူးပေါင်းရင်းမြစ်များ

GENESIS 19:28

Sodom leh Gomorah leh tivakuam zawzawng chu a chuanh le, chu ram thawk hen meikhû meialh fâk tak thawk hen a hawng suak mi hâwi hen a muh.

SAM 58:10

Mirep tla nih misual rêp hen a um mi an muh tikah anna lâwm lai, misual tla thisen hen a kê chu a ṭâwl lai.

ISAI 13:19

Babulon chu lalram zawzawng lakah â dawh chem mi asi; a minung tla khawm anna zûm phah. Sikhawmsele Kei, LALPA nih Sodom leh Gomorah tlûnah ka ti mi hâwi hen Babulon chu ka nautir lai.

ISAI 30:33

A lân thawk hen Asiria lal lianchem duahnâk mun mei humpi chu timhtuah asi rawh. A thûk hen a kâu le, thing châr sâng tak an pawng tung. LALPA nih kâng ding hen a kâ mi meialh a thaw hen a hawng suah lai.

JEREMIA 50:40

Sodom leh Gomorah leh a kiangkam ah khuapi tla ka râwk na liau mi hâwitê hen Babulon lakah a hawng tlung lai. Âukhawm chunah chun an um nawlh lai lo rawh. Kei, LALPA nih ka sim asi.

JEREMIA 50:46

Babulon a tlûk tik chun an hâu nih tual pumpi a tlirh lai le, ṭap hâu chu phun dang tla nih an theih lai,” a ti.

JEREMIA 51:8

Babulon chu a tlû sâwm le, a vei rawh! Lungfâkpi u! Turpang hâwl piak u, a dam kekkawk lai mawh.

EZEKIEL 27:35

“Tiva kap mi zawzawng tla nih na thi mi theih hen an thinlung a purh khit. An lal tla tiang khawm an lâu le, an mêl ah lâu mêl an put.

DANIAL 4:14

Chu nih chun hâu fâk tak hen thu a sim le, “Thing kha hâu ule, a ngê tla thlangh ule, a nah thlawngh ule, a rah tla vawrh phin u, a tangah mi ramsa tla leh a ṭeng lakah mi va tla dâwi phin na u.

DEUTERONOMY 29:23

Phâisen tla chu a karo hen a um lai le, kât leh chitê nih a tuam lai; zeikhawm chîng asi lai lo le, belh tiang a kho lai lo. Nan khuapi tla chu Sodom leh Gomorah, Admah leh Zeboim a thinthawk fâk liauah LALPA nih a râwk mi hâwi asi lai.

1 TIMOTHE 5:11

Sikhawmsele, numei a nungâk dauh mi chu telh lah; pasal nei an duh tikah Krist chu hawitâk hen,

THUPHUANG 14:11

Chu minung tla rêpnâk meikhû chu zungzâl hen a kâi lai le, sarâng leh a lem mâimûktu tla, a min singsiahnâk neitu tla vial chu anmah rêpnâk, a sûn a zân hen dinh ni an nei lai lo,” ti hen a âu.

THUPHUANG 17:2

Tual ah lal tla nih chun anih chu an pung tâwn le, tual ah mipi tla chu duh a mangnâk uain chu dinh hen a rîttir na asi,” a ti.

THUPHUANG 18:18

a kâng mi khû chu an muh le “Hi hâwi tluk hen khua rokual chu a um nawlh lai lo rawh,” ti hen an âu.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 18:3

a hurnâk uain rât tak chu phun zawzawng tla nih an din rawh. Tual ah lal tla nih anih chu an pung tâwn le, laikulh sawlehtu tla nih chun a duhnâk sual chu nei phahnâk ah an mang tâwn,” ti hen a âu.

THUPHUANG 18:7

A rokualtir hen nuam a chenh zia hâwitê hen, tuarnâk leh lawksawngnâk pêkrûl bâk u. A thinlung hen chun, Lalnu kasi, numei kasi lo, lawksawngnâk rerêng ka tawng lai lo, a ti asi.

THUPHUANG 19:3

Chun, an âu nawlh le, “Halleluia’’ (Pathian sawr u), khuapi a kâng mi khû chu zungzâl hen kâi seh,” ti hen.

THUPHUANG 2:22

Chuvachun, anih chu ṭângdang pawmtu tla hen an sualnâk ihkhun ah chun fâk tak tuar ding hen ka lawnh na asi. Chu nunau hen an thilsual ti chu an rim lo chun tuah ka ti awt asi.