THUPHUANG 18:6 - Bawm Common Language Bible Version

⁶ Amah nih a nan ti na mi hâwi hen va tirûl bâk u, amah thilti lehnih hen rulh bâk u. A nan dintir na mi lehnih ngâk a chak hen, a hâi lakah tleng piak bâk u.

THUPHUANG 18:6 ပူးပေါင်းရင်းမြစ်များ

SAM 137:8

Babulon, nang khawm râwk hen na um lai. Kan lakah thil na ti mi ruangah lehrûl sam hen,

SAM 28:4

Thil an ti mi leh an thilsual ti ruangah rêp na. An thilti zawzawng ruangah anmah hen â dêng tâwk ding hen rêp na!

ISAI 40:2

Jerusalem mi tla chu fawrh na u. An tuar khawm a sâwt tâwk rawh, tu chun an sual khawm ngaihdam asi rawh ti simh na u. An sualnâk ruangah tling zat hen ka rep na rawh,” a ti.

ISAI 61:7

Nan mualphonâk leh ningzaknâk a dawng rawh. Nanmah ram takah nan um lai le, Nan neih chu a leh khat hen a pung lai le, Nan a lâwmnâk chu zungzâl tiang asi lai.

JEREMIA 16:18

Ka ram chu ruak hâwi hen a nung lo mi milem hen an nâwmtir hen an pathian diklo tla hen an khattir ruangah an ṭhatlonâk leh an sual man chu a lehnih hen ka pêk na awt,” a ti.

JEREMIA 17:18

Hawng ka nehsawhtu chu ningzak saih na le, LALPA, kei lam chu hawng ka zuah rawh. Annih chu ningṭih hen khattir na le, sikhawmsele kei lam chu hawng ka lâutir lah. An lakah siatnâk tlungtir le, sâm dip na.

JEREMIA 50:15

Khuapi hêl dak hen râltuk hâu suah u! Tu chun Babulon â pêk rawh. A kulh tla chu â râwk hen a chim rawh. Babulon mi tla rangah lehrûl ka sam rawh. Churuangah an lakah nan phû lam ule, midang an nehsawh na mi hâwi hen nehsawh bâk na u.

JEREMIA 50:29

“Chanhtiang mangtu tla chu Babulon do ding hen simh na u. Chanhtiang fung leh thalzum mang thiamtu tla chu fial na u. Khuapi hual ule, pakhat khawm suaktir lah na u! Kei, Israel Mi Thenhlimh tlûnah zûm tak hen thil a ti ruangah, thil a ti mi hâwi hen a lakah ti ule, midang a ti na mi hâwi hen ti bâk u.

JEREMIA 51:24

LALPA nih, “Babulon leh a mi tla chu Jerusalem ah an thilsual ti zawzawng ruangah lehrûl ka sam na mi nan ka muh lai.

JEREMIA 51:49

Babulon nih laikulh pumpi thihnâk a tlungtir le, tu lam chun Israel mi tam tak a thihtir na ruangah Babulon chu a tlû lai rawh. Kei, LALPA nih ka sim asi,” a ti.

LUNGFÂKNÂK 3:64

“LALPA, an thilti ruangah rêp na le,

ZEKARIA 9:12

Nannih saltâng, tuah lungumnâk neitu tla, nan mun ah him tak hen hawng kîr u. Nan tuar mi ruangrûl ah a lehnih ngâk a tam malsâwmnâk kan pêk na ding mi tuah kan simh na lai.

2 TIMOTHE 4:14

Alekzandar, dâr êr thiam mi kha, ka lakah thungâi a sual tâwn asi, Lalpa nih chun a thilti zia vima hen lehrûl a sam lai.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 17:2

Tual ah lal tla nih chun anih chu an pung tâwn le, tual ah mipi tla chu duh a mangnâk uain chu dinh hen a rîttir na asi,” a ti.

THUPHUANG 17:4

Nunau nih chun puan senduk leh sen lâr â aih le, ngûn leh lungmantam leh aitikep lung hen â thuam le, ngûn hâi, pungmangnâk thil nâwmtâm hen a khat mi a put.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.