THUPHUANG 18:4 - Bawm Common Language Bible Version

⁴ Chun, vân thawk hen aw-hâu dang nih a sim mi ka theih le, “Ka mi le tla, a sinah mi hawng suak u, a sualnâk lakah a tel lah u, a rêpnâk lak khawm ah nanna tel ding si lo.

THUPHUANG 18:4 ပူးပေါင်းရင်းမြစ်များ

GENESIS 19:14

Chun, Lot chu a fanu tla umpi nâtu ding mi tla sinah a va kal le, “Hi thawk hen suak ding a nam u; LALPA nih hi mun hi a râwk awt,” a ti. Sikhawmsele, a deh na mi hen an ruat.

SAM 50:18

Mifîr na muh chun na bawp le, ṭangdang pawmtu tla umzia na châwng.

ISAI 48:20

Suak u, Babulon ah mi hawng suak u! Thâwngthâng lâwm tak hen âupi ule; mun kip ah theihtir u: “LALPA nih a to-aw Israel chu a hum rawh,” ti hen.

ISAI 52:11

Nannih Babulon kaltâktu tla, Biakin thuamthil zawzawng puttu tla, theih u! Khap mi thil tham lah ule; thenhlimh tak hen um ule, suak u.

JEREMIA 50:8

“Israel mi tla, Babulon mi tla thawk hen tek u! Ram mâk thlap u! Kaltâk masa chemnâk si seh!

JEREMIA 51:45

Israel mi tla, chunah mi chu tek u! Ka thinthawknâk fâk tak lakah mi him ding hen tek u.

JEREMIA 51:50

LALPA nih Babulon ram ah mi a mi tla sinah thu a sim le: “Thihnâk ah mi nan suak rawh! Tuah kal u! Ngâk lah u! Nan in thawk hen lât takah um menza khawm ule, Kei, nan LALPA hi hawng ka dawn thlir ule, Jerusalem khawm theihkumza u.

JEREMIA 51:6

Babulon mi tla lakah mi chu tek u! Nan nungnâk hum ding hen tek u! Babulon mi tla sual ruangah a thahtir lah u. Tuah lehrûl ka sam lai le, amah hen dêng cho hen ka rêp awt.

JEREMIA 51:9

Chunah ramdang minung um mi tla nih, ‘Babulon mi tla chu ṭangpi kan tum le, sikhawmsele a tlâi tuk rawh. Churuangah tuah kan mâk thlap lai le, in leiah kan kîr lai. Pathian nih Babulon mi tla chu a chaknâk zawzawng hen a rêp le a veih rawh,’ ” a ti.

MATHAI 23:30

‘Kan pu tla dam liau khan um menza bâk khawmsele an thahnâk ah chun kanna tel lai lo, nan ti tâwn.

2 KORIN 6:17

Churuangah, Pathian nih chun, “An lakah mi hawng suak ule, a dang hen um u. Thil nâwmtâm rerêng khawm tawngh lah u; churawhchun ka nan lawmh na lai.

1 TIMOTHE 5:22

Âu tlûn khawm ah kut thâng set sut lah, midang sualnâk tla lakah telnâk nei ber lah, a thenhlimhtir kumza rawh.

2 JOHAN 1:11

hawlhkâ ṭha hen thlahtu chu a thilsual ti lakah chun â tel bâk asi.