THUPHUANG 18:2 - Bawm Common Language Bible Version

² Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;

THUPHUANG 18:2 ပူးပေါင်းရင်းမြစ်များ

ISAI 14:23

Babulon chu nêngthû ah ka siam lai le, chunah chun sûmbuh tla an um lai. Zeizawng phiat pengnâk munphiah hen Babulon chu ka phiat awt. Kei, LALPA Zeizawng tikhotu nih ka sim asi,” a ti.

JEREMIA 25:30

“Jeremia, thu ka sim mi zawzawng na va phuang ding asi. Mi tla chu na simh na ding asi: ‘LALPA chu vân thawk hen a hâu a suah lai le, vân sâng thawk hen khua a hawng rî lai. A mi tla tlûnah a hâu a suah lai le; grep sûrtu tla hâwi hen a âu lai. Tual tlûnah mi zawzawng nih an theih lai,

JEREMIA 51:37

Chu ram chu thilsia nâwm pawngnâk leh ramsa umnâk mun asi lai. Zauh hen ṭihnungkâi tak asi lai le, chunah chun âukhawm an um lai lo le, a muhtu zawng chu an lâu lai.

JEREMIA 51:8

Babulon chu a tlû sâwm le, a vei rawh! Lungfâkpi u! Turpang hâwl piak u, a dam kekkawk lai mawh.

JOEL 3:16

LALPA nih Zion thawk hen hâu a suah le, Jerusalem thawk hen khuarît hâwi hen hâu a suah le, tual leh vân a thir. Sikhawmsele a mi tla lam chu a vêng na lai.

ZEPHANIAH 2:14

Ranrual tla, ran tla, ramsa chi kip an bawk lai. Chu râwknâk mun ah chun sûmbuh tla an um lai le, langawtkawt lakah an âwn lai. Kawtkâ kâinâk bak ah langâk tla an âwn lai. Sidar thing hen sak mi in tla chu râwk dep hen a um lai.

THUPHUANG 1:15

a kezaphah tla chu dâr a tlêu mi hâwi asi le, mei ah êr mi hâwi asi, a hâu chu tî tam tak khâwk hâu hâwi asi.

THUPHUANG 10:3

chun, chakeibaknei hûk hâwi hen hâu fâk tak hen a hûk rawh, chun a hûk dih rawh chun (chu mi rual hen khuarît hâu pasarih nih a zulh) khuarît pasarih tla nih a aw-hâu chu an sang bâk rawh.

THUPHUANG 11:8

Chun, an ruak chu an Lalpa an khenhbêk mi khua rokual zâwllâi ah an siah lai le, chu khua rokual zauhtirnâk ah chun Sodom, mawh Aigupta ti asi.

THUPHUANG 14:15

Chun, vânmifial dang Pathian biakin thawk hen a hawng suak le, sûm tlûnah a to mi sinah chun hâu fâk tak hen, “A ât a zâ rawh ruangah na favah kha mang le, ât rawh, tual ah mi fâng a min rawh asi,” a ti.

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 16:13

Chun, rûlrêu leh sarâng leh khuavâng telê kâ thawk hen thlarau nâwmtâm pathum chu-uh hâwi an hawng suak mi ka muh.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 17:18

Chun, “Nunau na muh mi kha khua rokual tak, tual ah lal tla tlûnah lâirêltu chu a si,” a ti.

THUPHUANG 17:5

A chal ah thuthup, “Babulon khua rokual, â zuar mi zawzawng tla nu leh laikulh ruisualtu,” ti hen a min â rîn.

THUPHUANG 18:10

a rêpnâk ṭih ruangah lât takah an dîr mi tla nih chun, “Babulon khua rokual tak chu ṭihnung a kâi hen a tlûn a pit! Dârkar khat lak ko ah hi Babulon khua rokual tlûnah hin rêpnâk a hawng tlung ngâk chu!” an ti.

THUPHUANG 18:21

Chun, vânmifial rokual tak nih lung lianpi, fângrialnâk tî ah mi a sar le, tisumsumriat ah a lawnh le “Babulon khua rokual chu hi hâwi hen fâk tak hen lawnh asi lai le, âukhawm nih an muh nawlh lai lo rawh,” a ti.

THUPHUANG 5:2

Chun, vânmifial chak tak, aw-hâu fâk tak hen, “Âu me lasuibuzual hi kêu hen a singsiahnâk tla samh tlâktu um?” ti hen a âu mi ka muh.