THUPHUANG 18:18 - Bawm Common Language Bible Version

¹⁸ a kâng mi khû chu an muh le “Hi hâwi tluk hen khua rokual chu a um nawlh lai lo rawh,” ti hen an âu.

THUPHUANG 18:18 ပူးပေါင်းရင်းမြစ်များ

JEREMIA 51:37

Chu ram chu thilsia nâwm pawngnâk leh ramsa umnâk mun asi lai. Zauh hen ṭihnungkâi tak asi lai le, chunah chun âukhawm an um lai lo le, a muhtu zawng chu an lâu lai.

THUPHUANG 13:4

Chun, sarâng sinah rûlrêu nih a thuneihnâk a pêk ruangah rûlrêu chu mi zapi nih an sawnh rawh, “Sarâng hâwi hi âu an um? Âu a do khotu um?” ti hen sarâng khawm chu an mâimûk.

THUPHUANG 14:11

Chu minung tla rêpnâk meikhû chu zungzâl hen a kâi lai le, sarâng leh a lem mâimûktu tla, a min singsiahnâk neitu tla vial chu anmah rêpnâk, a sûn a zân hen dinh ni an nei lai lo,” ti hen a âu.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 18:16

‘’Khua rokual, puan mangṭhia leh puan senduk leh sen lâr aih hen, ngûn leh lungmantam leh âitikep lung hen â thuam mi chu a tlûn a pit!