THUPHUANG 18:10 - Bawm Common Language Bible Version

¹⁰ a rêpnâk ṭih ruangah lât takah an dîr mi tla nih chun, “Babulon khua rokual tak chu ṭihnung a kâi hen a tlûn a pit! Dârkar khat lak ko ah hi Babulon khua rokual tlûnah hin rêpnâk a hawng tlung ngâk chu!” an ti.

THUPHUANG 18:10 ပူးပေါင်းရင်းမြစ်များ

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

ISAI 47:9

Sikhawmsele ni khat kar ko ah hi bang thil tla hi a hawng tlung vevê awt. Na dâwithiamnâk zawzawng mang khawm le, na pasal leh na fa tla chu na thlâu ding nget.

JEREMIA 30:7

Ni ṭihnungkâi tak; ni dang hen tahkhiat kho lo rê mi ka mi le tla rangah hamhnâk tik a hawng tlung rawh, sikhawmsele, a thibang chu an um lai,” a ti.

EZEKIEL 32:9

“Na theih dahlo mi nangmah siatnâk thu ram lakah ka thangtir tikah chun phun tam tak an lawk a sawng lai.

JOEL 1:15

LALPA ni chu a nâi rawh, Zeizawng tikho nih siatnâk a hawng tlungtir ding mi ni chu: Chu ni ah thil a hawng tlung ding mi chu ṭihnung a kâi a!

AMOS 5:16

Churuangah LALPA Pathian, Zeizawng tikho nih, “Khuapi sungah ngaihsia hen âunâk leh lungfâknâk a um lai. Phâisen tuahtu tla chu a thi mi ruangah ulhtu tla sinah kawh an si lai.

NUMBER 16:34

Israel mi chun ah um mi tla zawzawng nih an râk hâu an theih le an tek. “Tek u! Tual nih hawng kan dawlh bâk lai!” ti hen an âu.

THUPHUANG 11:8

Chun, an ruak chu an Lalpa an khenhbêk mi khua rokual zâwllâi ah an siah lai le, chu khua rokual zauhtirnâk ah chun Sodom, mawh Aigupta ti asi.

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 17:12

“Chun, ki parâ na muh mi tla kha lal parâ ram a nei lo rih mi tla an si le, sikhawmsele, dârkar khat ding cho sarâng hen lal hâwi hen lâi an rêl lai.

THUPHUANG 18:18

a kâng mi khû chu an muh le “Hi hâwi tluk hen khua rokual chu a um nawlh lai lo rawh,” ti hen an âu.

THUPHUANG 18:19

Chun, an lû ah valeidip an phulh le, ngaihsia tak a ṭap bû hen, “Khuapi rokual tak chu a tlûn a pit! A neihnâk ruangah minei si mi tla leh tisumsumriat ah lawng neitu tla chu dârkar khat lak ko ah a tlâu rawh hi,” an ti.

THUPHUANG 18:21

Chun, vânmifial rokual tak nih lung lianpi, fângrialnâk tî ah mi a sar le, tisumsumriat ah a lawnh le “Babulon khua rokual chu hi hâwi hen fâk tak hen lawnh asi lai le, âukhawm nih an muh nawlh lai lo rawh,” a ti.

THUPHUANG 18:8

Churuangah ni khat lakah amah rêpnâk chu a hawng tlung lai le, amah lâirêl piaktu, Lalpa Pathian chu a rokual ruangah, anih chu râi tla, ngaihsiatnâk leh pâm nih a tlunh lai le,