THUPHUANG 17:9 - Bawm Common Language Bible Version

⁹ “Hinah hin theihthiamnâk thinlung nei a herh asi. Lû pasarih chu nunau tonâk tlâng pasarih chu asi. Lal pasarih tla khawm kha an si;

THUPHUANG 17:9 ပူးပေါင်းရင်းမြစ်များ

DANIAL 12:4

Anih nih chun ka sinah, “Tuah, Danial, lasuibu kha zual le, laikulh dawngh tiang hen singsiahnâk siam. Chu liau chir chun mi tam tak nih thil hawng um mi theih ding hen anna ṭang lai le, sikhawmsele anna ṭangnâk chu a thawt asi lai,” a ti.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

MATHAI 13:11

Chun, anih nih chun a sâng le, an sinah, “Vân Ram thuthup tla chu nannih theih lam chu siang asi, annih theih lam chu siang asi lo.

MATHAI 24:15

“Chuvachun, Ṭhiautu Fihnungkâi khuavâng Danial sim mi kha, mun thenhlimh ah dîr hen nan muh tikah (a rêl mi zawng nih a umzia theih seh),

THUPHUANG 13:1

Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

THUPHUANG 13:18

Hinah hin finghnâk langh khonâk a um. Theih khonâk nei mi nih chun sarâng nambar chu zâwt set seh; chu nambar chu minung ruangrûl ah asi le, chu chu zaruk leh sâwmruk leh paruk asi.

THUPHUANG 17:18

Chun, “Nunau na muh mi kha khua rokual tak, tual ah lal tla tlûnah lâirêltu chu a si,” a ti.

THUPHUANG 17:3

Thlarau hen ka hawng um le, vânmifial nih ramkaro ah a hawng ka kalpi. Chun, sualnâk min hen a khat mi sarâng sen lû pasarih leh ki parâ a nei mi tlûnah nunau a to mi ka muh.

THUPHUANG 17:7

Chun, vânmifial nih chun ka sinah, “Zei rangah chê na ti? Nunau leh a phurhtu sarâng, lû pasarih leh ki parâ a nei mi thuthup chu ka nan simh lai.