THUPHUANG 17:8 - Bawm Common Language Bible Version

⁸ Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 17:8 ပူးပေါင်းရင်းမြစ်များ

SAM 69:28

Nungnâk bu ah mi an min chu râwk hen um seh, na mi le rînnâk bu ah telh an silonâk ding hen.

DANIAL 11:45

A lal puanin tla khawm Biakin tlâng leh tipi karah a zâr lai. Sikhawmsele chunah âukhawm ṭangpitu umlo hen a thi lai,” a ti.

DANIAL 7:11

Ka zauh ko liauah chu keitê chu â sawr hen â khâwng lemang rih, ka zauh ko liauah sarâng palinâk chu thah hen a um le, a ruak chu meialh lakah an lawnh le, a vei dep.

DANIAL 7:26

Churawhchun, vân ah mi lâirêlnâk a hawng um lai le, chu nih chun a thiltikhonâk chu a lâk piak lai le, a veih dep lai.

DANIAL 7:3

Tisumsumriat thawk hen sarâng lianpi pali an hawng suak le, anna bang lo hep.

DANIAL 7:7

Ka zauh ko liauah sarâng palinâk a hawng lang, thungâi thil a ti kho le, ṭihnung a kâi, a thîr hâ lian tak hen a sa seh tla a sâm dep le, a lamhbêk, a dang tla bang lo tak hen ki parâ a nei.

MATHAI 25:34

Chu tikah chun Lalchem nih chun a vawrhlei ah mi tla sinah, ‘Ka Pa malsâwm mi tla, hawng ule, laikulh siam tîr thawk hen nan rangah Ram timhtuah mi chu a ting u.

LUK 10:20

Sikhawmsele, khuri tla nan thu thu hen an um ruangah a lâwm lah u; vân ah nan min rîn asi ruangah a lâwm dauh u,” a ti.

LUK 8:31

Chun, khur dawng nei lo ah kal ding thu pêk lo ding hen Jisu sinah an ngiar.

JOHAN 17:24

“Pa, nangnih na ka pêk mi tla hi ka umnâk ah ka sinah um ding hen ka duh; nangnih na ka pêk mi ka rokualnâk kha an muh khonâk ding hen; laikulh um lânah nangnih na ka dâwt rawh ruangah.

THILTI 15:18

Laikulh siam tîr thawk hen hi bang thu theihtir tâwntu Lalpa nih chun a ti,’ ti rîn hi.

EPHESI 1:4

zângfahnâk ah thenhlimh leh simsâwi kawplo hen a mâika ah kan um khonâk ding hen tual tuah lânah Krist ah a tâ siding hen a hawng kan thîm hâwi khan.

TITA 1:2

chu zungzâl nungnâk chu Pathian âwkrâwl sim kho lo nih chun laikulh um lânah a tiamh le,

1 PETER 1:20

Anih chu tual leh vân siam lânah Pathian thîm hen a um le, ni dawnghnâk ah chun nanmah ruangah langh hen a um.

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 17:11

Chun, sarâng a hawng um duak le, a um lo nawlh mi tak kha lal pariatnâk asi le, pasarih lakah pakhat kha a vei ding mi chu asi.

THUPHUANG 17:2

Tual ah lal tla nih chun anih chu an pung tâwn le, tual ah mipi tla chu duh a mangnâk uain chu dinh hen a rîttir na asi,” a ti.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.