THUPHUANG 17:4 - Bawm Common Language Bible Version

⁴ Nunau nih chun puan senduk leh sen lâr â aih le, ngûn leh lungmantam leh aitikep lung hen â thuam le, ngûn hâi, pungmangnâk thil nâwmtâm hen a khat mi a put.

THUPHUANG 17:4 ပူးပေါင်းရင်းမြစ်များ

1 Lal 14:24

Zeizawng ngâk hen a sia chem mi chu lunglo tla pathian sawnhnâk mun ah mipa nunau tla anna zuar. Israel tla kalnâk mun kip ah LALPA nih a nar na mi thilti ningzakkâi mi zawzawng tla chu Juda mi tla nih an châwng.

2 Lal 21:2

Manaseh nih LALPA mi tla kalnâk zawng ah a nar piak na mi phun ti dân fihnungkâi chu zûl hen LALPA lakah thilsual a ti.

Ezra lasuibu 9:11

Na to-aw khuavâng tla mang hen thu na kan pêk mi tla khawm kan ngâilo fâwn rawh, kan luah ding mi ram chu a luahtu minung tla thil nâwmtâm leh fihnungkâi titu tla nih khatlei dawng thawk hen khatlei tiang an luah ti hawng kan simh ruangah.

ISAI 66:3

“Zapi tla chu anmah duhzia hen thil an ti. Bâwlnâk ah chaw thahtu mawh, minung thahtu mawh, bâwlnâk ah dawrâ fa thahtu mawh, ui ngâwng merhtu mawh; sangvut aptu mawh, vawk thî aptu mawh; rimthâw ap hen milem sinah thlachamtu chu anna bang hep. Fihnungkâi tak hen sawnh chu an duhzia asi.

JEREMIA 51:7

Babulon chu ka kut lakah ngûn hâi hâwi asi, laikulh pumpi rîttirtu asi. Phun tla nih uain chu an din le an thinlung a vei thlo.

LUNGFÂKNÂK 1:9

A nâwmtâmnâk chu awldek hen muh hen a um le, A vânduai ding mi khawm a ruat lo. Niamtir hen a um mi chu thungâi ṭihnung a kâi le; Pakhat khawm nih thla an ngamh kho lo. A mêlma tla nih an neh le, khuaruatnâk ngiar hen LALPA sinah a ṭap.

EZEKIEL 20:30

Tuah Israel mi tla chu, kei LALPA Zahkâi nih ka sim mi hi simh na: Nan pa tla nih thilsual an ti mi hâwi chu ti hen zei rangah an milem tla chu nan zûl awt êu?

EZEKIEL 24:11

Tuah meiṭil lakah dârbêl karo toh ule, sen rê hen linh u. Churawhchun, bêl chu a dân hâwitê hen a rêt a kâng phin rawh chun a tliang lai le,

EZEKIEL 24:13

Jerusalem, na hurnâk thilti nih a nan nawmh. Thiangtir ding ka nan tum khawm ah na nâwm nget rih. Ka thinthawknâk zawzawng na theih lânlo chu na thiang ding asi lo rawh.

EZEKIEL 28:13

Pathian dûm Eden ah na va um le, lungsung chikip na awih: rubi, diamon, topaz, beril, karnelian, leh jasper, saphir leh emeral leh garnet tla hen. Ngûn hen mi thuam na nei. Siam hen na um ni ah nangmah rangah an siam mi asi.

EZEKIEL 36:25

Tî thiang ka nan theh na lai le, nan milem zawzawng leh thil dang a nan nawmhtir natu zawzawng lakah mi ka nan thiangtir na awt.

DANIAL 11:38

Chu hâwi um ngâk hen kulh humtu pathian rangah a zah lai. Amah thlâktu tla nih an sawnh dahlo mi pathian sinah thilpêk ngûn, tangka, lungsung leh thil dang neih leh siahnâk a pêk lai.

HOSEA 9:10

LALPA nih, “Israel tla chu ramkaro ah grep a kho mi hâwl ding mi hâwi hen a tîrah chun ka muh na. An thlâk natu chu ka muh tîr chun a tikah theipi a min masa chem mi hâwi hen ka muh na. Sikhawmsele Peor tlângah an hawng le, Baal an sawnh le, an duh mi pathian tla hâwi hen fihnungkâi hen an hawng um sawm.

DEUTERONOMY 29:17

An milem thing, lung, tangkasa leh ngûn hen an siam mi fihnungkâi tla nan muh asi.

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 18:12

an thil tla chu, ngûn tla, tangkarua tla, lungmantam tla âitikep lung tla, puan mangṭhia tla, puan senduk tla, mâimaw puan tla, puan senlâr tla, thing man tam chi kip tla, sâihâ hen siam mi thil leh thing man tam hen siam mi tla, dâr leh thîr hen siam mi tla, lungvâr hen siam mi tla hen;

THUPHUANG 18:16

‘’Khua rokual, puan mangṭhia leh puan senduk leh sen lâr aih hen, ngûn leh lungmantam leh âitikep lung hen â thuam mi chu a tlûn a pit!

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.

THUPHUANG 21:21

Chun, kawtkâ leinih chu âitikep lung leinih asi, kawtkâ zawzawng chu âitikep lung pakhat chiau hen siam asi. Chun, khua tualmâi chu ngûn thenhlimh asi le, thlalang hâwi hen lan dak muh kho asi.

THUPHUANG 9:21

Mi an thah mi tla leh dâwi an mang mi tla, pung leh lêng an mangnâk leh fîr an mangnâk khawm an thlah lêm lo.