THUPHUANG 17:2 - Bawm Common Language Bible Version

² Tual ah lal tla nih chun anih chu an pung tâwn le, tual ah mipi tla chu duh a mangnâk uain chu dinh hen a rîttir na asi,” a ti.

THUPHUANG 17:2 ပူးပေါင်းရင်းမြစ်များ

JEREMIA 51:7

Babulon chu ka kut lakah ngûn hâi hâwi asi, laikulh pumpi rîttirtu asi. Phun tla nih uain chu an din le an thinlung a vei thlo.

NAHUM 3:4

Ninevi, â zuar mi chu rêp asi rawh. Mi muisung thih phah rê hen duhrim kâi, anih chu phun tla dâwi hen sal ah siamtu asi.

JOHAN 2:10

a sinah, “Mi kip nih a tîrah uain ṭha an suah tâwn; chun, an din ual nûnah a ṭhalo dauh mi chu an suah tâwn; nang lam nih chun tutiang hen uain ṭha na kil,” a ti.

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 17:13

Chun, chu parâ tla nih chun thurual hen sarâng chu an thiltikhonâk leh thuneihnâk an pêk rawh.

THUPHUANG 17:17

Pathian thutiam chu a tling lânlo chu a duhzia an tinâk ding leh, anna thurual hen an ram chu lâirêl ding hen an thiltikhonâk sarâng sinah an pêknâk ding hen Pathian nih an thinlung ah a duhtir na asi.

THUPHUANG 17:5

A chal ah thuthup, “Babulon khua rokual, â zuar mi zawzawng tla nu leh laikulh ruisualtu,” ti hen a min â rîn.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 18:23

khâwnvâr khawm na sungah a chêu lai lo rawh le, pasal leh mo hâu khawm na sungah an theih nawlh lai lo, na sawlehtu tla chu tual ah mi lian tla an si le, na dâwi hen phun zawzawng na perpet na kha.

THUPHUANG 18:3

a hurnâk uain rât tak chu phun zawzawng tla nih an din rawh. Tual ah lal tla nih anih chu an pung tâwn le, laikulh sawlehtu tla nih chun a duhnâk sual chu nei phahnâk ah an mang tâwn,” ti hen a âu.

THUPHUANG 18:9

Chun, tual ah lal tla amah pung tâwntu leh, a nuamsabut chenhpitu tla nih chun a kâng mi khû chu an zauh tikah,

THUPHUANG 2:22

Chuvachun, anih chu ṭângdang pawmtu tla hen an sualnâk ihkhun ah chun fâk tak tuar ding hen ka lawnh na asi. Chu nunau hen an thilsual ti chu an rim lo chun tuah ka ti awt asi.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.

THUPHUANG 9:21

Mi an thah mi tla leh dâwi an mang mi tla, pung leh lêng an mangnâk leh fîr an mangnâk khawm an thlah lêm lo.