THUPHUANG 17:17 - Bawm Common Language Bible Version

¹⁷ Pathian thutiam chu a tling lânlo chu a duhzia an tinâk ding leh, anna thurual hen an ram chu lâirêl ding hen an thiltikhonâk sarâng sinah an pêknâk ding hen Pathian nih an thinlung ah a duhtir na asi.

THUPHUANG 17:17 ပူးပေါင်းရင်းမြစ်များ

THUPHUANG 10:7

sikhawmsele, vânmifial pasarihnâk nih a tâwtawrâwt chu a tum tikah Pathian thuthup chu a tling lai rawh, a to-aw khuavâng tla sinah a phuang rawh hâwi khan,” a ti.

2 KORIN 8:16

Chun, nan rangah kan ṭhanemsemsê ngaihnâk hâwi hen Tita thinlung ah pêk tâwntu Pathian sinah chun lâwmthu um seh.

JOHAN 13:2

Jisu leh a ṭhiruai tla chu zânriah an dûm. Diabol nih Juda Iskariot Simon fapa chu Jisu tleihtir ding hen a ruat ving rawh.

JEREMIA 32:40

Anmah hen zungzâl thudântuk ka siam lai. Ka lakah mi an hawng ka hertâk lo rawhnâk ding hen an rangah thil ṭha ti ka bâng lai lo, an thinlung zawzawng hen hawng ka ṭihtu ding ah ka siam na lai.

THUFING LASUIBU 21:1

LALPA nih tiva duh duh hen a luangtir mi hâwi hen lal thinlung khawm a siam kho.

Ezra lasuibu 7:27

Ezra nih, “Hawng kan thlâktu LALPA Pathian chu sawr hen um seh! Anih nih Jerusalem ah LALPA Biakin zah ding hen lal chu hi hâwi hen a siam ruangah.

THUPHUANG 17:13

Chun, chu parâ tla nih chun thurual hen sarâng chu an thiltikhonâk leh thuneihnâk an pêk rawh.

JOHAN 13:18

“Nan ektê thu ka sim lo; ka thîm mi tla chu ka theih, sikhawmsele chu chu, ‘Ka sang eitu nih a hawng ka leido rawh,’ ti Pathian lasui thu kha a hawng tlung khonâk ding asi.

LUK 22:22

Minung Fapa hi an ruat hâwi hen a um awt asi; sikhawmsele, a tleihtirtu ding mi minung tlûn chu a pit!” a ti.

SAM 105:25

A mi tla chu Aigupta mi a huatir na le, a to-aw tla chu zauhnawmh hen a nehsawhtir na.

THUPHUANG 15:1

Chun vân ah chun singsiahnâk dang rokual tak leh chê tak ka muh le, vânmifial pasarih, rêpnâk pasarih puttu tla chu, chu chu rêpnâk madung chem chu asi, chu ri rawh chun Pathian thinthawknâk chu a dawng rawh.

JOHAN 19:28

Chu nûnah chun, Jisu nih thil zeizawng tu ah a rangtling rawh ti a theih le, Pathian lasui thu kha a tlungnâk ding hen, “Ka tî a hâl,” a ti.

JOHAN 19:24

Churuangah annih nih chun, “Kan thlêk lai loh, âu tâ ding si lai kan chamchawh lai,” an ti. Pathian lasui thu, “Ka nipuan tla anna ṭhen le, ka kawrdawh chu an chamchawh,” ti, a tlungnâk ding hen. Chubang thil chu kawrsen tla nih an ti.

JOHAN 10:35

Pathian lasui thu nih a sim mi chu zungzâl rangah a dik asi ti kan theih; chun Pathian thupêk hen an um mi tla chu Pathian nih pathian tla a ti na.

LUK 22:37

Ka nan simh na hi, ‘Anih chu misual lakah an rêlsih rawh,’ ti rîn kha ka tlûnah a hawng tlung ding asi; ka thâwngthâng thu tla kha a tlung dih awt rawh,” a ti.

LUK 22:3

Chun, leinih tla lakah mi Juda Iskariot an ti mi sungah chun Setan a lût.

DANIAL 12:7

Chu vânmifial nih chun a kut vân leiah zangh bû hen zungzâl Pathian min hen thu bir tak hen a tiam. A thusim ka theih mi chu, “Kum thum leh a khing asi lai. Pathian mi tla nehsawhnâk a dawng tikah chubang thil zawzawng tla hi a hawng tlung lai,” a ti.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

THUFING LASUIBU 19:21

Mi nih thil zeizawng ti ding hen tumnâk an nei kho, sikhawmsele LALPA duhzia hâwi hen ti asi lai.

THUPHUANG 6:11

Chun, an sinah puanvâr an pêk chiau na le, an to-aw hâwi tla leh an unau tla, anmah hâwi ber hen thah ding mi tla kha an kim ver lânlo chu anna dîn rih ding asi ti hen an simh.

THUPHUANG 19:9

Chun, vânmifial nih ka sinah, “Dawrâ Fa nupi neihnâk puai ah an sâwm mi tla chu an thaw a suak, ti hen rîn rawh,” a hawng ka ti. Chun, vânmifial ber nih, ‘Hi bang thu hi Pathian thudik chu asi,’ a ti nawlh.