THUPHUANG 17:14 - Bawm Common Language Bible Version

¹⁴ Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 17:14 ပူးပေါင်းရင်းမြစ်များ

SAM 110:5

LALPA chu na kiangah a um lai le; a thinrun tikah lal tla chu a neh na lai.

JEREMIA 1:15

siatnâk a tlawk mi chu marlei thawk hen hi ram lakah a um mi tla tlûnah a hawng liam awt. An lalchem tla nih Jerusalem kulh kawtkâ tla ah leh a kulh kiangkam tla ah, Juda ram khuapi dang kiangkam tla khawm ah an laltophah an toh lai.

JEREMIA 50:44

“Chakeibaknei thing mun thawk hen a hawng suak le, Jordan va dung zawh hen ram ningno leiah a kal mi hâwi asi. Kei LALPA, ka hawng kal lai le, Babulon mi tla an khuapi ah mi chu lâkkhatko ah ka tektir phin na awt. Churawhchun, ruitu ka thîm mi nih phun lakah lâi a rêl lai. Âu hen nan hawng ka tahkhiat kho awt? Âunih hawng ka zuam ngam awt? Zei lâirêltu nih hawng ka do kho awt?

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

DANIAL 2:47

Lal nih, “Na Pathian chu pathian zawzawng lakah a rokual chem le, lal tla tlûnah Lal asi le, thilthup tla langhtu asi. Thilthup na simhfiang ruangah chu chu ka theih mi asi,” a ti.

DANIAL 7:21

Ka zauh ko liauah chu ki nih chun Pathian mi tla a do le, a neh na.

ZEKARIA 2:8

Nannih vuaktu chu ka thil neih sung chem vuaktu asi,” a ti. LALPA Zeizawng tikho nih chun a mi tla rûntu phun tla sinah hi thuchah hi sim ding hen hawng ka fial.

MATHAI 22:14

“Sâwm tla chu tam tak an si le, thîm tla lam chu tâwmtê an si,” a ti.

MATHAI 25:40

Chun, Lalchem nih chun an sinah, ‘Thungâi tak hen ka nan simh na, hi bang ka unau mê chem mi tla lakah pakhat tlûnah nan ti mi chu ka tlûnah ti nan si, ti hen,’ a sâng na lai.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

JOHAN 15:16

Nannih nih nan hawng ka thîm lo, keimah nih ka nan thîm dauh na, va rah ding leh nan rah um kumza ding hen ka nan ruat na asi; ka min hen Pa sinah nan deih mi zawng a nan pêk na ding hen.

ROM 1:6

Chubang tla lakah chun nannih Rom khua ah um mi tla khawm Jisu Krist ah kawh mi tla nan si.

ROM 8:30

Chun, a ruatkan mi tla chu a kawh na le; chun, a kawh mi tla chu amah repnak ruangah mirep a ruat hen an um; chun, mirep ah a ruat mi tla chu a chawnglawmh na.

ROM 8:37

Ṭhen lah e, chubang zawzawng lakah chun hawng kan dâwttu ruangah rokual tak hen nehtu kan si.

1 KORIN 15:24

Chu tikah chun dawnghnâk a hawng tlung teh lai, chu nûnah chun lâirêlnâk zawzawng tla leh thuneihnâk leh thiltikhonâk zawzawng tla a veih ver nûnah Pathian sinah Pa sin takah chun Ram chu a pêk lai.

DEUTERONOMY 10:17

LALPA nan Pathian chu pathian zawzawng lâirêltu leh thiltikhonâk lakah Chungnungchem asi. Anih chu a chak hen a rokual le, ṭih ding mi tak asi. Mi thliar leh dang a nei lo le, nawhnâk khawm a lâk lo.

1 TIMOTHE 6:15

Chu langhnâk a tik takah sawrtlâk Pathian tak cho, lalchem tla Lalchem, lalpa tla Lalpa nih chun a zauhtir lai.

2 TIMOTHE 2:4

Kawrsen ah um ding hen thîmtu chu a lawmhtir khonâk ding hen, kawrsen âukhawm râltuk liauah tuliau damsung khuasaknâk tla ah a nawktir dah loh.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 16:14

Chun, chu tla chu khuri thlarau thilche titu tla an si. Hi thlarau pathum tla hi Zeizawng tikho Pathian ni rokual ah râltuknâk ah kalpi na ding leh laikulh lal zawzawng tla pumh na ding hen an suak rawh.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.