THUPHUANG 17:12 - Bawm Common Language Bible Version

¹² “Chun, ki parâ na muh mi tla kha lal parâ ram a nei lo rih mi tla an si le, sikhawmsele, dârkar khat ding cho sarâng hen lal hâwi hen lâi an rêl lai.

THUPHUANG 17:12 ပူးပေါင်းရင်းမြစ်များ

DANIAL 7:20

Chun, a lû ah mi ki parâ leh a nehnûnah ki khat a hawng chawrh mi nih ki thum a thlawngh. Mit leh kâ a nei le, zûm tak hen â khâwng. A dang zawzawng ngâk hen ṭihnung a kâi.

DANIAL 7:24

Ki parâ chu lal parâ, chu lalram lakah lâirêltu ding chu an si. Churawhchun, lal dang pakhat a hawng lang lai le; a tîr a mi tla hen anna dang ving lai le, anih nih lal pathum tla a neh na lai.

THUPHUANG 10:11

Chun, “Mi tam tak tla, phun tam tak tla, hawlh tam tak tla, lal tam tak tla sinah Pathian thuchah na phuang nawlh ding asi,” a hawng ka ti.

THUPHUANG 12:3

Chun, thilchê dang vân ah a hawng lang nawlh le, rûlrêu sen lianpi, lû pasarih leh ki parâ a nei mi, lallukhuh pasarih â khuh mi a hawng um.

THUPHUANG 13:1

Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

THUPHUANG 17:16

Chun, ki parâ leh sarâng na muh mi nih khan nunau â zuar mi chu an hua lai le, a thilneih tla an lâk piak lai le, takkaro hen an mâk lai le, a sa khawm an ei lai le, mei hen an duah hep lai.

THUPHUANG 18:10

a rêpnâk ṭih ruangah lât takah an dîr mi tla nih chun, “Babulon khua rokual tak chu ṭihnung a kâi hen a tlûn a pit! Dârkar khat lak ko ah hi Babulon khua rokual tlûnah hin rêpnâk a hawng tlung ngâk chu!” an ti.

THUPHUANG 18:17

“Dârkar khat ko ah chu zawng neih leh siah a thlâu rawh,” ti hen amah sûn hen an ṭap rawh. Chun, lawng hotu tla, lawng ah kal tâwntu tla, lawng ah mi tla leh tisumsumriat ah rianṭuantu tla chu lâtpi ah dîr hen,

THUPHUANG 18:19

Chun, an lû ah valeidip an phulh le, ngaihsia tak a ṭap bû hen, “Khuapi rokual tak chu a tlûn a pit! A neihnâk ruangah minei si mi tla leh tisumsumriat ah lawng neitu tla chu dârkar khat lak ko ah a tlâu rawh hi,” an ti.