THUPHUANG 16:7 - Bawm Common Language Bible Version

⁷ Chun, mâichâm thawk hen aw-hâu nih chun “Lalpa Pathian Zeizawng tikho, na lâirêl tla chu a dik hen â rep asi,” a ti mi ka theih.

THUPHUANG 16:7 ပူးပေါင်းရင်းမြစ်များ

ISAI 6:6

Churawhchun, Seraphims (Thilsiam) lakah mi pakhat chu ka sinah a hawng zuang le, Mâichâm thawk hen meiṭil châicheh hen cheh bû hen a hawng put.

EZEKIEL 10:2

Pathian nih puannêm aihtu sinah, “Khi thilnung tangah mi kari kê karah kal le, meiṭil na kut khat phak hen rût. Churawhchun, chu meiṭil chu khuapi tlûnah vawrh,” a ti. A kal mi chu ka zauh ko.

EZEKIEL 10:7

Thilnung tla lakah pakhat nih chun anmah sinah mei a um mi lakah a kut a siah le, meiṭil chu a lâk le, puannêm aihtu kut ah a siah rawh. Chu minung nih chun meiṭil chu a lâk le, a kal rawh.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.

THUPHUANG 14:18

Chun, vânmifial dang mei tlûnah thuneitu chu mâichâm thawk hen a hawng sim nawlh le; anih nih chun hâu fâk tak hen, vânmifial favah hâr tak a put mi sinah chun “Na favah hâr tak kha mang le, tual ah grep rah sûr tla khi va ât rawh, grep rah tla a min ver rawh khi,” ti hen a âu.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.

THUPHUANG 6:9

Chun, Dawrâ Fa nih chun singsiahnâk panganâk chu a samh kâ hen mâichâm tangah chun theihtirnâk thu zumhkâi tak hen an pawm mi ruangah leh Pathian ruangah an thah na mi thlarau tla ka muh.