THUPHUANG 16:6 - Bawm Common Language Bible Version

⁶ annih nih chun mi thenhlimh leh khuavâng tla thisen an suah le, an din ding ah thisen na pêk na mi hi anna dêng cho asi,” a ti mi ka theih.

THUPHUANG 16:6 ပူးပေါင်းရင်းမြစ်များ

2 Lal 24:4

Lalchem Manaseh nih thilsual tam tak a ti ruangah leh a bîk hen thilsual tilotu tla a thah na ruangah LALPA nih a ngaihdam kho lo le, Juda tla chu a mitkâ thawk hen veih dep ding hen hi hi LALPA thupêk a hawng tlung mi asi.

EXODUS 21:24

mit ruangrûl ah mit, ha ruangrûl ah ha, kut ruangrûl ah kut, kezaphah ruangrûl ah kezaphah,

EXODUS 7:17

Tuah, Bâwipa, LALPA nih âu asi ti thil a ti ding mi chu na muh lai. Zauhnik, hi ṭhianṭhunh hen tî ka hawng vuak lai le, tî chu thisen ah a hawng a chang lai.

ISAI 49:26

An nehsawhtu tla chu anmah leh anmah ka thahtir na lai; mi thah duhnâk leh thinthawknâk thinlung an put lai. Churawhchun, minung zawzawng nih Kei LALPA kasi mi leh a nan humtu leh thawsuak tak hen a nan suahtu kasi ti an theih lai. Israel Pathian thiltikho tak kasi zia an theih lai rawh,” ti hen a sâng.

JEREMIA 2:30

Ka nan rêp le, zeikhawm a ṭhavak lo; nun a nan simh ding khawm na ka duh lo. Chakeibaknei a râng mi hâwi hen na khuavâng tla na thah na.

JEREMIA 26:11

Churawhchun, bâwlpu leh khuavâng tla nih ruitu tla leh zapi tla sinah, “Hi minung nih hin kan khuapi râwk ding hen a sim ruangah thi tlâk asi. Nanmah nâ ngelchel hen nan theih,” an ti.

JEREMIA 26:16

Churawhchun, ruitu leh zapi tla nih, bâwlpu leh khuavâng tla sinah, “Hi minung hi LALPA kan Pathian min hen kan sinah thu a sim ruangah thah ding asi lo,” an ti.

LUNGFÂKNÂK 4:13

Sikhawmsele a khuavâng tla leh a bâwlpu tla sual ruang chun sual nei lo mi tla thihnâk a hawng tlungtir.

EZEKIEL 32:6

Na thî chu tlâng tla ah ka thektham lai le, tiva tla ka khattir lai.

MATHAI 7:2

Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

LUK 12:48

sikhawmsele, a pu duhzia khawm theihlo hen, vuak tlâk rê hen thil titu chu vei tâwmtê vuak asi lai. Âuzawng tam tak an pêk mi sinah chun tam tak an êng lai; âuzawng tam tak an kiltir mi sinah chun tam dauh an êng lai.

HEBRAI 10:29

Pathian Fapa zei siarlo hen, thudântuk thisen amah thenhlimhtirnâk chu thil salam a ruat hen zângfahnâk thlarau vûirâmtirtu tla chu zei hâwi tluk rêpnâk fâk dauh tuar tlâk siding hen me nan ruat?

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 13:15

Chun, sarâng masa chem lem chu hawlh kho ding hen leh amah sawnh lotu vial thah kho ding hen sarâng panihnâk nih nungnâk thaw pêk ding hen siang asi.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 18:24

Khuapi sungah khuavâng tla leh Pathian mithenhlimh tla thah hen an um mi thisen zawzawng chu muh asi ruangah Babulon chu rêp asi rawh,” a ti.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.