THUPHUANG 16:10 - Bawm Common Language Bible Version

¹⁰ Chun, vânmifial panganâk nih a berhbu chu sarâng laltophah ah a thlêt le, sarang ram zawzawng chu a hawng mui hep le, an nganfâk tuk ruangah an lei tla an seh le,

THUPHUANG 16:10 ပူးပေါင်းရင်းမြစ်များ

SAM 78:49

A thinthawknâk leh a thinrunhnâk fâk tak a hawng fial mi nih chun hamhnâk fâk tak a pêk na.

MATHAI 13:42

meipi ah an lawnh na lai; chunah chun ṭap leh hachang rial chu a um lai.

MATHAI 13:50

meipi lakah an lawnh lai; chunah chun ṭap leh hachang rial chu a um lai,” a ti.

MATHAI 22:13

Chun, lalchem nih chun a to-aw tla sinah, ‘A kut leh kê phuar ule, lênglei ah mûi ah lawnh u; chunah chun ṭap leh hachang rial chu a um lai,” a ti.

MATHAI 24:51

tan nih hen a hawng suah lai le, mi perpê tla tingvo hâwi a tingtir lai. Chunah chun ṭap leh hachang rial chu a um lai.

MATHAI 8:12

Ram fa tla lam chu lênglei mûi ah chun suah hen an um lai le, chun ah chun ṭap leh hachang rial chu a um lai,” a ti.

LUK 13:28

Abraham, Isak leh Jakob leh khuavâng zawzawng tla chu Pathian Ram ah um mi nan muh hen, nannih lênglei ah suah nan si tikah, chunah chun ṭap leh hachang rial a um lai.

1 PETER 2:17

Mi zawzawng chawnglawmh u, na unau lungtu tla dâwt na le, Pathian ṭih u, chun Lalchem chu chawnglawmh u.

THUPHUANG 11:10

Hi mi panih an thi ruangah, tual ah mi zapi tla chu anna lâwm lai le, lâwmnâk an siam lai le, thilpêk tla anna kuat lai, hi khuavâng panih tla nih tual ah mi zapi tla chu an hamhtir na ruangah.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.

THUPHUANG 11:8

Chun, an ruak chu an Lalpa an khenhbêk mi khua rokual zâwllâi ah an siah lai le, chu khua rokual zauhtirnâk ah chun Sodom, mawh Aigupta ti asi.

THUPHUANG 17:17

Pathian thutiam chu a tling lânlo chu a duhzia an tinâk ding leh, anna thurual hen an ram chu lâirêl ding hen an thiltikhonâk sarâng sinah an pêknâk ding hen Pathian nih an thinlung ah a duhtir na asi.

THUPHUANG 17:9

“Hinah hin theihthiamnâk thinlung nei a herh asi. Lû pasarih chu nunau tonâk tlâng pasarih chu asi. Lal pasarih tla khawm kha an si;

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;

THUPHUANG 18:21

Chun, vânmifial rokual tak nih lung lianpi, fângrialnâk tî ah mi a sar le, tisumsumriat ah a lawnh le “Babulon khua rokual chu hi hâwi hen fâk tak hen lawnh asi lai le, âukhawm nih an muh nawlh lai lo rawh,” a ti.

THUPHUANG 18:23

khâwnvâr khawm na sungah a chêu lai lo rawh le, pasal leh mo hâu khawm na sungah an theih nawlh lai lo, na sawlehtu tla chu tual ah mi lian tla an si le, na dâwi hen phun zawzawng na perpet na kha.

THUPHUANG 8:12

Chun, vânmifial panihnâk nih chun a tum le, nî mun thum ṭhen hen mun khat leh thlâ mun thum ṭhen hen mun khat leh ârfi tla khawm mun thum ṭhen hen mun khat chu â râwk hep rawh; an chêunâk tla leh sûn khawm mun thum ṭhen hen mun khat a tlâu le, zân khawm chu hâwi ber hen a um.

THUPHUANG 9:2

Chun, anih nih chun khurtawdawnglo chu a awng le, chun khurtawdawnglo thawk hen meialh fâk tak khû hâwi a hawng suak le, chu mei khû ruang chun nî leh boruak chu a hawng mûitir rawh.