THUPHUANG 16:1 - Bawm Common Language Bible Version

¹ Chun, Pathian biakin thawk hen hâu fâk tak hen vânmifial pasarih tla sinah, “Kal ule, Pathian thinthawknâk berhbu tla chu tual ah thlêt u,” a ti mi ka theih.

THUPHUANG 16:1 ပူးပေါင်းရင်းမြစ်များ

SAM 79:6

Nangmah a nan sawnh lotu phun leiah na thinrunhnâk suah le, nangmah sinah thlacham lotu minung tla tlûnah chun.

JEREMIA 10:25

Nangmah a nan sawnh lotu leh a nan duhlotu phun tla tlûnah na thinthawknâk tlungtir. Na mi tla chu an thah na le, hawng kan veih dep le, kan ram khawm râwk dep hen an mâk thlap.

EZEKIEL 10:2

Pathian nih puannêm aihtu sinah, “Khi thilnung tangah mi kari kê karah kal le, meiṭil na kut khat phak hen rût. Churawhchun, chu meiṭil chu khuapi tlûnah vawrh,” a ti. A kal mi chu ka zauh ko.

EZEKIEL 22:31

Churuangah an tlûnah ka thinthawknâk ka thlah thlap lai le, an thilti ruangah mei hâwi hen ka veih na awt,” a ti. LALPA Zahkâi nih a sim.

ZEPHANIAH 3:8

LALPA nih, “Ngâk râm rih le, phun tla ka phiar na ding ni chu ngâk ko rih. Ka thinthawknâk theihtir na ding hen phun tla leh lalram tla pumh na ding ka tum. Ka thinrunhnâk mei hen tual pumpi ka veih awt.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 14:15

Chun, vânmifial dang Pathian biakin thawk hen a hawng suak le, sûm tlûnah a to mi sinah chun hâu fâk tak hen, “A ât a zâ rawh ruangah na favah kha mang le, ât rawh, tual ah mi fâng a min rawh asi,” a ti.

THUPHUANG 14:18

Chun, vânmifial dang mei tlûnah thuneitu chu mâichâm thawk hen a hawng sim nawlh le; anih nih chun hâu fâk tak hen, vânmifial favah hâr tak a put mi sinah chun “Na favah hâr tak kha mang le, tual ah grep rah sûr tla khi va ât rawh, grep rah tla a min ver rawh khi,” ti hen a âu.

THUPHUANG 15:1

Chun vân ah chun singsiahnâk dang rokual tak leh chê tak ka muh le, vânmifial pasarih, rêpnâk pasarih puttu tla chu, chu chu rêpnâk madung chem chu asi, chu ri rawh chun Pathian thinthawknâk chu a dawng rawh.

THUPHUANG 16:17

Chun, vânmifial pasarihnâk nih chun a berhbu chu boruak ah a thlêt le, chun, Pathian biakin ah laltophah thawk hen, “Â lîm rawh,” ti hen aw-hâu fâk tak a hawng suak.

1 SAMUEL 15:18

Amalek misual tla chu veih hep ding hen thupêk hen an fial mi na si. Thah hep tiang do na ding hen simh na si.

1 SAMUEL 15:3

Kal le, Amalek mi tla chu do na le, an neih zawzawng râwk piak phin na. Zei thil khawm zuah lah le, mipa tla, nunau tla, ngâksia tla, fasêm tla, ranrual tla, sangâwngsâu tla, sanatung tla an ektê hen thah hep na,” a ti.