THUPHUANG 15:8 - Bawm Common Language Bible Version

⁸ Chun, biakin chu Pathian rokualnâk leh thiltikhonâk khû hen a khat phak le, vânmifial pasarih tla rêpnâk pasarih chu a len lânlo chu biakin ah chun âukhawm an lût kho lo.

THUPHUANG 15:8 ပူးပေါင်းရင်းမြစ်များ

SAM 29:9

LALPA aw-hâu nih oak thing tla a ninh, thing nah tla chu a thlawngh. A Biakin ah um mi tla nih chun “Pathian sinah rokualnâk um seh!” ti hen an âu.

EXODUS 19:18

Sinai Tlâng pumpi chu meikhû nih a tuam pang, LALPA chu mei hen a hawng ṭum ruangah. Meikhû chu meialhpî lakah mi meikhû hâwi hen a kâi le, zapi minung tla chu thungâi an thir.

ISAI 6:4

An hâu nih Biakin lungphûm a tlirh, Biakin khawm meikhû hen a khat.

JEREMIA 15:1

Churawhchun, LALPA nih ka sinah, “Mosi leh Samuel men hinah dîr hen hawng ka ngiar na khawmsele, hi minung tla lakah khua ka ruat kho awtlo. Kaltir ving na le; ka mitmuh ah mi suah ving na.

LUNGFÂKNÂK 3:44

Thinthawknâk vândâwm a sah tuktarâi ruangah kan thlachamnâk nih a tâwn kho lo.

LEVITICUS 16:2

“Na unaupa Aron chu tuhin Mun Thenhlimh Chem ah puanzâr pîn leiah a kal ding hen a tik tak ah a kal ding asi ti simh, Thudântuk Bâwm sinh tlûnah sûm lakah ka langh ruangah. A ngâilo chun thah asi lai.

ROM 11:33

Pathian finghnâk leh theihnâk tam zia chu a thûk a! A lâirêlnâk tla chu theih kho lo leh a lampi tla chu zâwt kho mi zât asi lo chiam e!

2 THESALONIKA 1:9

Chu ni ah chun, a mi thenhlimh tla lakah chawnglawmh a um ding leh lungtu zawzawng tla lakah chun chu thu kan theihtir na mi kha nan lung ruangah chê ti ding hen a hawng kal tik chun chubang Pathian theihlo mi leh kan Lalpa Jisu Thâwngthâng Ṭha lunglo mi tla nih chun rêp an tuar lai, Lalpa sin thawk leh a chaknâk rokualnâk thawk hen zungzâl veihnâk chu.

THUPHUANG 15:1

Chun vân ah chun singsiahnâk dang rokual tak leh chê tak ka muh le, vânmifial pasarih, rêpnâk pasarih puttu tla chu, chu chu rêpnâk madung chem chu asi, chu ri rawh chun Pathian thinthawknâk chu a dawng rawh.

THUPHUANG 21:11

A chêu zia chu lungmantam, jaspar lung hâwi hi asi, kristal lung hâwi hen a lek.