THUPHUANG 15:3 - Bawm Common Language Bible Version

³ Chun, Pathian to-aw Mosi la leh Dawrâ Fa la chu an sak le, Lalpa Pathian zeizawng tikho, na thilti tla chu a rokual hen a chê le! Nang phun kip Lalchem, na lampi tla chu a dik hen â rep asi!

THUPHUANG 15:3 ပူးပေါင်းရင်းမြစ်များ

GENESIS 17:1

Abram chu kum sâwmkua leh kum kua asi liauah LALPA chu a sinah â langh le, “Kei Pathian zeizawng tikho kasi. Ka thu ngâi le, thil dik ti kumza rawh.

1 CHRONICLES 6:49

Aron leh a thlâk tla chu mâichâm ah bâwlnâk leh rimthâw duah mi aptu an si. Israel sualnâk tla Pathian nih ngaihdam na ding hen Mun Thenhlimh Chem ah bâwlnâk lakah mawhphurhnâk pêk an si. Pathian to-aw Mosi nih sîntirnâk pêk mi zûl hen zeizawng an ti.

2 CHRONICLES 24:6

churawhchun lal nih an hotu Jehoiada a kawh le, thu a pêk na le, “LALPA to-aw Mosi nih LALPA umnâk Puanin mi zapi rangah a herh mi rangah Levi tla nih Jerusalem leh Juda ram ah siah an khawlh mi tla chu zei rangah theih asi dahlo rih?” a ti.

NEHEMIAH 9:14

Na Dinhni chu thenhlimh tak hen mang ding hen na sîntir na le, na to-aw Mosi mang hen dân tla na pêk na.

JOB LASUIBU 36:24

A thilti ruangah mi nih an sawr kumza le; nang khawm nih anih chu na sawr bâk ding asi.

JOB LASUIBU 5:9

Thil rokual a ti mi tla chu kan theihthiam kho lo, a thilchê ti khawm nih dawngh a nei lo.

SAM 100:5

LALPA chu a ṭha; a dâwtnâk chu zungzâl hen a um, zumh a kâinâk chu zungzâl tiang asi.

SAM 105:5

Nannih a to-aw, Abraham thlâk tla; A thîm mi Jakob thlâk tla: thilchê a timhtuah mi leh lâirêlnâk a pêk mi chu theihkumza u.

SAM 111:2

LALPA nih thil a ti mi chu a chê a! An lakah lâwmtu tla nih chun theihthiam ding an duh.

SAM 111:7

A ti mi zawzawng lakah zumh a kâi hen â rep, a thupêk zawzawng chu rinhsanh tlâk asi.

SAM 139:14

Ṭih ding mi na si ruangah chun ka nan sawr, na thilti zawzawng tla chu â dang hen a chê asi. Ka thinlung zawzawng hen ka theih.

SAM 145:17

LALPA chu a thilti zawzawngah â rep le, a thilti zawzawngah khua a ruat.

SAM 145:6

Mi tla nih na thilti chak tla an sim lai le, kei nih na rokualnâk ka phuang lai.

SAM 18:30

Hi Pathian hi a thilti lakah a rangtling a! A thu tla chu zumh a kâi a! Amah humnâk hâwltu zawzawng rangah chun phaw hâwi asi.

SAM 78:12

An thlâktu tla nih an chawnh liauah Aigupta ram ah Zoan phâi ah Pathian nih thilchê a ti.

SAM 92:5

LALPA! na thilti chu a rokual hen, na thinlung dawn chu a thûk a!

SAM 99:4

Lalchem Chak tak, diknâk chu na lawmh; Israel tla lakah diknâk chu na birhtir le; repnâk leh ṭhatnâk na tlungtir.

ISAI 33:22

Chubang meilawng tla lakah ri rêngnâk tung chu zeikhawm asi lai lo; a zawhtu tla khawm nih puanzâr an pharh kho lai lo! Mêlma kawrsen neihnâk zawzawng chu kan tleih lai le, a tam dân chu mi khêng tla men nih tingvo an nei kho lai. LALPA amah tak chu kan lalchem asi lai le; kan tlûnah lâi a rêl lai le, hawng kan hum lai,

ISAI 45:21

Lâirêlnâkah hawng ule, nan thunawk hawng put u; a dotu ding mi tla chu thu a deih tawnh na seh. Tuan liau khawm ah thil a hawng tlung ding mi simkantu âu a um? Kei, LALPA a mi tla ruangsuahtu kasi lo ma? Pathian dang a um lo.

DANIAL 6:20

Chunah a va tleng rawh chun, siherh tak hen, “Danial Pathian nung to-aw! Zumhkâi tak hen a rian na ṭuan mi Pathian nih chakeibaknei lakah a nan hum kho ma?” ti hen a auh.

DANIAL 9:11

Israel tla zawzawng nih na dân tla an buar le, na thusim an ngâi duh lo, na lakah thilsual kan ti le, churuangah na to-aw Mosi dân ah rîn mi tla siat chu kan lakah na tlungtir.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

MIKAH 7:20

A lânah hawng kan thlâktu sinah thu na tiamh mi hâwi hen zumh na kâinâk leh na dâwtnâk dawnglo Abraham leh Jakob thlâk na mi tla sinah na langh lai.

ZEPHANIAH 3:5

Sikhawmsele LALPA chu khuapi sungah a um ko le, thildik a ti le, thil diklo chu a ti dahlo. Zîng siar hen a mi le tla sinah thildik a ti, sikhawmsele chunah mireplo tla nih thil diklo an ti kumza.

ZEKARIA 9:9

Zion mi tla, a lâwm u, a lâwm u! Jerusalem mi tla, lâwm hen âu u! Zauhnik! Nan lal chu nan sinah neh hen leh nehtu si hen a hawng kal le, nâu tak hen sanatung fa tlûnah â chuan.

JOHAN 1:17

Dân Mosi nih a pêk, zângfahnâk leh thudik Jisu Krist ruangah a hawng um.

DEUTERONOMY 31:30

Churawhchun, Mosi nih la zawzawng chu Israel mi tla ngâi ding hen a sim piak na rawh.

DEUTERONOMY 32:3

LALPA min chu ka sawr lai le, a rokualnâk chu a mi tla nih an sim lai.

DEUTERONOMY 34:5

Churawhchun, LALPA to-aw Mosi chu LALPA nih a sim rawh hâwi hen Moab ram ah chun a thi rawh.

1 TIMOTHE 1:17

Lalchem, zungzâl hen um mi, râwk kho lo, muh kho lo, Pathian tak cho chu zungzâl chawnglawmh leh rokual hen um seh! Amen.

HEBRAI 3:5

Pathian in ah Mosi chu to-aw hâwi hen zumh a kâi le, Pathian nih mâilei ah a sim ding mi thil tla thusimtu asi.

JOSUA 22:5

Mosi nih dân a nan pêk na mi chu zûl ding hen theihkumza ule; LALPA, nan Pathian chu dâwt ule, a duhzia hen thil ti u, a thupêk tla zûl ule, a lakah zumhkâi hen um u, nan thinlung leh nan thlarau zawzawng hen a nâwl zulh u,” a ti.

THUPHUANG 1:8

“Kei Alpha leh Omega kasi,” Lalpa Pathian, um liau leh um rawh leh hawng um ding mi, zeizawng tikho nih chun a ti asi.

THUPHUANG 11:17

“Zeizawng tikhotu, Lalpa Pathian, um liau leh um rawh mi, na thiltikhonâk rokual tak chu lâk hen, lâirêl na dawmh rawh ruangah ka nan sawr asi!

THUPHUANG 14:3

Laltophah mâika ah leh thilnung pali tla leh upa tla mâika ah chun la thar an sak le, chu la thar chu âukhawm nih tual a mi tlanh chia tla mi nuai khat leh sîng li leh sâng li tla cho lo nih chun anna sîn kho lo.

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 19:16

Chun, a puan leh a kê ah min rîn, “lal tla Lal leh hotu tla Hotu,” ti hen a um.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.

THUPHUANG 4:8

Chun, thilnung pali nih chun thla paruk chiau an nei le, an sunglei leh lênglei mit hen a khat phak, sûn leh zân hen la sak an bâng lo; “Lalpa Pathian zeizawng tikhotu, a um rawh mi leh, a um liau mi leh a hawng um ding mi chu, a thenhlimh, a thenhlimh, a thenhlimh,” ti hen.