THUPHUANG 15:1 - Bawm Common Language Bible Version

¹ Chun vân ah chun singsiahnâk dang rokual tak leh chê tak ka muh le, vânmifial pasarih, rêpnâk pasarih puttu tla chu, chu chu rêpnâk madung chem chu asi, chu ri rawh chun Pathian thinthawknâk chu a dawng rawh.

THUPHUANG 15:1 ပူးပေါင်းရင်းမြစ်များ

DANIAL 6:27

A hum hen ruang a suah, vân ah leh tual tlûnah a thilchê rokual a ti. Danial khawm chakeibaknei nih thah lo hen a hum,” a ti.

LEVITICUS 26:21

“Nan ka do nget hen ka thu nan ngâilo chun, kan rêp na nâk chu leh sarih hen ka pungtir lai.

THUPHUANG 10:3

chun, chakeibaknei hûk hâwi hen hâu fâk tak hen a hûk rawh, chun a hûk dih rawh chun (chu mi rual hen khuarît hâu pasarih nih a zulh) khuarît pasarih tla nih a aw-hâu chu an sang bâk rawh.

THUPHUANG 11:14

Chun, tlûnpitnâk panihnâk chu a reh rawh le, ngâinik! tlûnpitnâk pathumnâk chu a um tuan awt rawh.

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.

THUPHUANG 14:19

Chun, vânmifial nih chun a favah chu tual ah a thlâk le, tual mi grep rah chu a ât le, grep sûrnâk khur kâu tak, Pathian thinthawknâk grep sûrnâk khur ah a lawnh rawh.

THUPHUANG 16:1

Chun, Pathian biakin thawk hen hâu fâk tak hen vânmifial pasarih tla sinah, “Kal ule, Pathian thinthawknâk berhbu tla chu tual ah thlêt u,” a ti mi ka theih.

THUPHUANG 17:1

Chun, vânmifial pasarih, berhbu pasarih puttu lakah pakhat chu ka sinah a hawng le, “Hawng le, nunau â zuar mi minthang tak rêp ding mi, tiva tam tak kiangah khuapi rokual tak chu ka nan zauhtir lai.

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.

THUPHUANG 21:9

Chun, vânmifial pasarih tla lakah pakhat, berhbu pasarih khat phak hen rêpnâk pasarih puttu chu ka sinah a hawng le, “Hawng le, Mo, Dawrâ Fa nupi chu ka nan muhtir lai,” a ti.

THUPHUANG 8:13

Chun, ka zauh le, mupi vân lâiah a zuang mi nih, aw-hâu fâk tak hen “Vânmifial pathum an tâwtawrâwt tum hâu hawng um ding mi ruangah, tual ah an um mi tla tlûn a pit! a pit! a pit!” a ti mi ka theih.

THUPHUANG 8:2

Chun, Pathian mâika ah vânmifial pasarih an dîr mi ka muh le, an sinah chun tâwtawrâwt pasarih an pêk na.

THUPHUANG 8:6

Chun, vânmifial pasarih tâwtawrâwt pasarih puttu tla chu tum ding hen anna timhtuah rawh.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.