THUPHUANG 14:8 - Bawm Common Language Bible Version

⁸ Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 14:8 ပူးပေါင်းရင်းမြစ်များ

ISAI 13:1

Hi hi Babulon thu Amoz fapa Isai nih Pathian sin thawk hen a theih mi chu asi.

ISAI 21:9

Mawhsareh hen hinah rang tlûnah chuan hen minung panih vima hen an hawng. Râl vêngtu nih, “Babulon chu a tlû rawh! Milem an sawnh mi zawzawng tla chu tual ah an tlû ver rawh,” ti hen thâwng a hawng thanh.

JEREMIA 50:1

Hi hi Babulon khuapi leh a mi tla thu ah LALPA nih thuchah a hawng ka pêk mi chu asi:

JEREMIA 51:64

‘Hi hi Babulon mi tla tlûnah a hawng tlung ding mi chu asi, LALPA nih a tlûnah siatnâk a hawng tlungtir ding mi ruangah a pil lai le, a thawk nawlh lai lo rawh ti,’ ti hen ka simh. Jeremia thu chu hi rî hen a dawng rawh.

DANIAL 4:30

“Babulon hi a rokual châwk a! Ka thiltikhonâk leh ka chaknâk, ka rokualnâk leh ka lalnâk a langnâk ding hen ka khuapi rangah ka siam mi asi,” a ti.

NAHUM 3:19

Na nganfâk ṭhatnâk ding zeikhawm a um lo, nâ liam mi khawm damh kho asi lai lo. Na siat leh râwknâk thu theihtu zawng chu anna lâwm tukah zâ an bengh rê lai. Dawng ti umlo hen ṭhatlo na rawt mi thu ah suahtu an um ma?

THUPHUANG 11:8

Chun, an ruak chu an Lalpa an khenhbêk mi khua rokual zâwllâi ah an siah lai le, chu khua rokual zauhtirnâk ah chun Sodom, mawh Aigupta ti asi.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 17:18

Chun, “Nunau na muh mi kha khua rokual tak, tual ah lal tla tlûnah lâirêltu chu a si,” a ti.

THUPHUANG 19:2

a lâirêlnâk tla chu a dik hen â rep asi, anih nih chun nunau â zuar mi rokual tak, a hurnâk ruangah tual râwktu chu a thu a chek piak rawh, a to-aw tla a thah na mi phû chu a lam piak rawh,” a ti mi ka theih.