THUPHUANG 14:7 - Bawm Common Language Bible Version

⁷ Chun, anih nih chun, hâu fâk tak hen, “A lâirêl tik chu a tlung rawh ruangah Pathian ṭih ule, chawnglawmh u, tual leh vân, tisumsumriat leh tinungva tla siamtu chu mâimûk u,” a ti.

THUPHUANG 14:7 ပူးပေါင်းရင်းမြစ်များ

GENESIS 22:12

“Ngâksia chu nganfâk pêk lah le, zeitin khawm ti lah” a ti. “Pathian na ṭih zia leh a lakah na fapa neihlem na ûi lo zia tuah ka theih rawh,” a ti.

NEHEMIAH 9:6

Churawhchun, Israel mi tla nih hi hâwi hen thla an cham: “LALPA, nangmah cho chu LALPA na si; vân tla leh vân ah mi ârfi tla na siam na. Ram leh tisumsumriat leh a sungah thil zeizawng na siam le, an ektê rangah nungnâk na pêk na. Vân thiltikhonâk tla chu kûn hen, nangmah an sawnh.

SAM 115:15

Tual leh vân siamtu LALPA nih mal a nan sâwm seh!

SAM 124:8

Hawng kan ṭangpinâk chu LALPA tual leh vân siamtu thawk hen a hawng.

SAM 33:6

LALPA nih a thupêk hen vân chu a siam le; nî, thlâ leh ârfi tla chu a thu hen a siam.

SAM 36:1

Sualnâk nih chun misual thinlung thûk takah thu a sim le, Pathian a nawng le, a zahnâk a nei lo.

SAM 89:7

Mi thenhlimh lâirêlnâk ah chun zah na kâi le; nangmah zah hen an ektê hen an dîr.

SAM 95:5

Amah ngelchel nih a siam mi tipi leh ram tlûnah lâi a rêl.

EXODUS 20:11

Ni ruk sungah, Kei, LALPA nih tual leh vân, tisumsumriat leh a sungah thil zeizawng ka siam le, a ni sarihnâk ah ka dîn rawh. Churuangah asi Kei, LALPA nih Dinhni chu mal ka sâwm le, ka thenhlimh mi chu.

ISAI 40:3

Âu hâu a hawng suak le, “Ramkaro ah LALPA rangah lampi siam u! Kan Pathian rangah ramkaro ah lampi sial u!

ISAI 40:6

Âu hâu a hawng suak le, “Thuchah sim!” ti hen. Kei nih, “Zei thuchah ka sim lai?” ti hen ka deih. Anih nih, “Minung tla chu belh hâwi an si; mâng ah mi chawmpâr ngâk hen an sân a sâu dauh lêm lo.

ISAI 40:9

Jerusalem, tlâng sâng tak ah kâi le, thâwngthâng ṭha sim rawh. Zion, hâu fâk tak hen âu le, thâwngthâng ṭha chu sim rawh. Thu sim le ṭih lah. Juda khuapi tla chu nan Pathian a hawng ti hen simh na!

ISAI 42:12

Ram lât tak ah um mi tla nih LALPA sinah sawrnâk leh rokualnâk pêk na seh.

ISAI 44:23

Vân tla, lâwm hen âu u! Tual mun thûk takah mi âu u! Tlâng sâng leh tumun ah thing tla lâwm hen âu u! LALPA nih a mi Israel tla ruangsuahnâk hen a rokual zia a langh.

ISAI 58:1

LALPA nih, “A fâk kho rirî hen âu le, ka mi Israel tla an sual thu simh na.

JEREMIA 10:10

Sikhawmsele, LALPA, nang lam chu Pathian dik tak, Pathian nung, Zungzâl lalchem na si. Na thin a thawk liauah laikulh a thir, phun tla nih na thinthawknâk an tuar lo.

EZEKIEL 7:2

“Thikho mi minung, hi hi Israel ram ah kei LALPA Zahkâi nih thu ka sim mi chu asi: Hi hi ram pumpi dawnghnâk chu asi!

EZEKIEL 7:6

A ektê hen a lîm ver rawh. Hi hi a dawnghnâk asi. Na lîm rawh.

DANIAL 8:19

ka sinah, “Pathian thinthawknâk um ding mi ka nan zauhtir mi asi. Hi langhnâk nih hun dawnghnâk leikâng a zauhtir.

HOSEA 8:1

LALPA nih, “Mêlma chu ka ram ah mupi hâwi hen a hawng a thlûr! Râlringnâk hâu âwntir u! Ka mi tla nih an sinah thudân ka tuk mi an buar le, ka sîntir na mi lakah an hel.

MALAKI 2:2

Nan thilti hen keimah nan hawng ka zah ding asi. Ka thusim nan ngâilo chun nan tlûnah siat ka tlungtir awt. Nanmah ṭangpinâk ding ah thil nan tawng mi chu siat ka lawh awt. Ka thupêk tla nan zûl tatak lo ruang takah tu khawm ah siat ka barh rawh.

MATHAI 25:13

Chuvachun, ringrâwn hen um u, a ni leh a tik chu nan theih lo ruangah.

LUK 17:18

Pathian sawr ding hen hawng kîr nawlh mi lakah, hi ram dang mi cho lo hi, âukhawm nih an tawng lo masi?” a ti.

THILTI 14:15

“Pu le tla, hi bang thil hi zei rangah nan ti? Kannih khawm nan thinlung hâwi put minung kan si; hi bang thil mang tlâklo tla nan hertâk hen vân le, tual le, tisumsumriat le, an sungah um mi zawzawng siamtu Pathian nung sinah chun nan hawng a her khonâk ding hen Thâwngthâng Ṭha kan tlunh na asi.

JOSUA 7:19

Josua nih a sinah, “Ka fapa, LALPA mâika ah thudik sim rawh, Israel Pathian sinah na sual phuang rawh. Thil na ti mi tuah hawng ka simh. Ka sinah zei thu khawm pheh lah,” a ti.

1 PETER 4:7

Thil zawzawng dawnghnâk chu a nâi rawh. Thla nan cham khonâk ding hen mah lakah sûm leh ringrâwn hen nan um ding asi.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 16:9

Chun, chu minung tla chu nî nih ût rê hen emh na khawmsele, nî tlûnah thuneitu Pathian chu sawr leh chawnglawmh ngâk hen hawlhsiat an barh le, an sualnâk chu an rim lêm lo.

THUPHUANG 18:10

a rêpnâk ṭih ruangah lât takah an dîr mi tla nih chun, “Babulon khua rokual tak chu ṭihnung a kâi hen a tlûn a pit! Dârkar khat lak ko ah hi Babulon khua rokual tlûnah hin rêpnâk a hawng tlung ngâk chu!” an ti.

THUPHUANG 18:17

“Dârkar khat ko ah chu zawng neih leh siah a thlâu rawh,” ti hen amah sûn hen an ṭap rawh. Chun, lawng hotu tla, lawng ah kal tâwntu tla, lawng ah mi tla leh tisumsumriat ah rianṭuantu tla chu lâtpi ah dîr hen,

THUPHUANG 18:19

Chun, an lû ah valeidip an phulh le, ngaihsia tak a ṭap bû hen, “Khuapi rokual tak chu a tlûn a pit! A neihnâk ruangah minei si mi tla leh tisumsumriat ah lawng neitu tla chu dârkar khat lak ko ah a tlâu rawh hi,” an ti.

THUPHUANG 19:5

Chun, laltophah thawk hen aw-hâu a hawng suak le, ‘Nannih a to-aw tla leh amah zahtu mi lian leh mi mê tla, kan Pathian chu sawr u,” a ti.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.

THUPHUANG 4:9

Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,

THUPHUANG 8:10

Chun, vânmifial pathumnâk nih chun a tum le, ârfi lianpi, meifâr hâwi hen a alh mi vân thawk hen a hawng tlâ le, tiva tla leh tinungva tla chu mun thum ṭhen hen mun khat a denh rawh.

1 SAMUEL 6:5

Chu a ngawr mi lem leh châichîm lem chu siam ule, Israel tla Pathian chu nan chawnglawmh ding asi. Chu tikah nan pathian tla leh nan ram a rêp na mi chu a bâng lai dahmawh.