THUPHUANG 14:6 - Bawm Common Language Bible Version

⁶ Chun, tual ah an um mi tla, phun kip tla, chi kip tla, hawlh kip tla, mi kip tla sinah zungzâl Thâwngthâng Ṭha thuchah sim ding hen vânmifial dang vân chung sâng ah a zuang mi ka muh.

THUPHUANG 14:6 ပူးပေါင်းရင်းမြစ်များ

GENESIS 1:6

“Tî ṭhentu ding hen boruak kâu tak hawng um sele, mun nih ah a dangtê hen um ding hen,” ti hen Pathian nih thu a pêk le, chu hâwi hen a hawng um rawh. Churawhchun, Pathian nih boruak a siam le, chu nih chun a tangah mi tî chu a tlûnah mi tî thawk hen a ṭhen rawh.

2 SAMUEL 23:5

Keimah hen zungzâl thudântuknâk a nei rawh ruangah asi, Pathian nih hi hâwi hen ka thlâk tla chu mal a sâwm awt; chu remnâk chu â râwk lai lo le, a thutiam khawm thlâkthleng asi lai loh. Chu zawng chu ka duh mi chu asi; ka nehnâk ding mi chu asi. Chu chu Pathian nih a langhtir lai.

SAM 119:142

Na repnâk chu san dawnglo asi, na dân thu chu a dik kumza.

SAM 139:24

Ka lakah sualnâk a um chun tawng ko hen hâwl le, zungzâl lampi ah hawng ka rui rawh.

SAM 145:13

Na dân chu zungzâl asi le, nang khawm zungzâl lal na si. LALPA chu a thutiam ah zumh a kâi le, thil a ti mi zawng chu a ṭha.

ISAI 40:8

Asi, belh chu a uai le, chawmpâr chu a chuai le, sikhawmsele kan Pathian thu chu zungzâl a um kumza lai,” a ti.

ISAI 45:17

Sikhawmsele Israel chu LALPA nih a hum le, zungzâl hen nehtu asi; a mi tla chu zei liau khawm ah an mualpho lai lo!’ ” a ti.

ISAI 51:6

Vânlei zauh le tual zauh! Vân chu meikhû hâwi hen a vei ving lai le tual chu puan li hâwi hen a ṭet lai. A minung tla chu thovâi hâwi hen an thi lai. Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu a dawnghnâk asi lai.

ISAI 51:8

Rulchawn nih puan a ei hep mi hâwi hen an vei dep lai! Sikhawmsele ruangsuahnâk ka hawng tlungtir ding mi chu zungzâl asi lai le, ka nehnâk chu zeiliau zawng a um kumza lai,” a ti.

ISAI 6:2

A kiangah chun thilsiam meialh hâwi mi an dîr le, thla paruk seng an nei. Seraphims (Thilsiam) kip nih an thla panih hen an mêl an huh le, panih hen an tak an khuh, thla panih hen an zuang.

EZEKIEL 1:14

Chu thilnung tla chu mîmthlalek lakah chun khatlei khatlei ah an per.

DANIAL 4:1

Lal Nebukadnezar nih laikulh ah phun kip leh chi kip leh hawlh kip sinah hi thuchah hi a thanh na: “Chibai!

DANIAL 9:21

Thla ka cham liau chirah a lânah langhnâk ah ka muh mi Gabriel chu, zuang hen ka umnâk ah a hawng. Zânlei bâwl tik asi.

MATHAI 10:27

Mûi lakah ka nan simh na mi hi chêu ah sim u; nâ ah nan theih mi hi in tlûnah a chuan hen âu u.

MARK 16:15

Chun, an sinah, “Laikulh zawzawng ah kal ule, thilsiam zawzawng sinah chun Thâwngthâng Ṭha hi sim u.

ROM 16:25

Ka Thâwngthâng Ṭha leh Jisu Krist thusim hâwi hen, thuthup phuangnâk hâwi hen, chu thuthup chu zungzâl thawk hen â thup tâwn.

KOLOSA 1:23

ngauhsan nei hen bir tak a um hen, Thâwngthâng Ṭha nan theih mi lungumnâk thawk hen a ṭhial lo hen, lungnâk lakah hin nan um thlir chun chu Thâwngthâng Ṭha chu vânrâng tangah thilsiam zawzawng tla lakah phuang asi kha; kei Pawl hi chu rianṭuantu ah siam kasi.

2 THESALONIKA 2:16

Chun, kan Lalpa Jisu Krist ngelchel leh Pathian kan Pa, hawng kan zângfahtu leh a siherhnâk hawng kan pêk mi thinlung dik lungumnâk ṭha pêktu nih chun nan thinlung tla chu an lungngamh na hen,

HEBRAI 13:20

Zungzâl thudântuk singsiah si mi nih a thihnâk ruangah Dawrâpu rokual tak Lalpa Jisu chu Pathian nih thihnâk lakah mi a thawh nawlh rawh.

1 PETER 1:25

sikhawmsele, Lalpa thu lam chu zungzâl hen a um kumza asi,” ti hen a sim hâwi khan. Thâwngthâng Ṭha an simh na mi chu hi thu hi asi.

THUPHUANG 10:11

Chun, “Mi tam tak tla, phun tam tak tla, hawlh tam tak tla, lal tam tak tla sinah Pathian thuchah na phuang nawlh ding asi,” a hawng ka ti.

THUPHUANG 10:7

sikhawmsele, vânmifial pasarihnâk nih a tâwtawrâwt chu a tum tikah Pathian thuthup chu a tling lai rawh, a to-aw khuavâng tla sinah a phuang rawh hâwi khan,” a ti.

THUPHUANG 13:7

Chun mi thenhlimh tla chu do hen neh siang an si le, chi kip tla, mikip tla, hawlh kip tla, phun kip tla tlûnah thuneihnâk pêk asi.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.

THUPHUANG 8:13

Chun, ka zauh le, mupi vân lâiah a zuang mi nih, aw-hâu fâk tak hen “Vânmifial pathum an tâwtawrâwt tum hâu hawng um ding mi ruangah, tual ah an um mi tla tlûn a pit! a pit! a pit!” a ti mi ka theih.