THUPHUANG 14:4 - Bawm Common Language Bible Version

⁴ Chubang tla chu nunau lakah â nawmh lo mi tla an si; nungâk thenhlimh hâwi an si, Dawrâ Fa kalnâk kip ah zûltu tla an si, Pathian rangah leh Dawrâ Fa rangah rah masa chem siding hen minung tla lakah mi tlanh an si.

THUPHUANG 14:4 ပူးပေါင်းရင်းမြစ်များ

SAM 45:14

A nipuan ṭial dawh kawrfual hen lal sinah an kalpi le, a hâwi tla nih an zûl, annih khawm lal sinah kalpi an si.

SAM 74:2

Hun sâwt tak na tâ siding hen na thîm na mi tla leh nangmah mi siding hen sal na suah na mi chu theihkumza. Veikhat na umnâk Zion Tlâng chu theihkumza.

LA TLA LA 1:3

Sariak rimthâw hâwi na si le; na min duhkâi tak chu theihkumza asi. Ka nan dâwtnâk lakah zei nunau khawm nih lungiam sak kho asi lo.

LA TLA LA 6:8

Lalchem nih lalnu sâwmruk nei sele, nupisûn sâwmriat nei seh. Nungâk tla rêl lo hen!

JEREMIA 2:3

Israel, keimah tâ cho na si; keimah neih thenhlimh na si. Nangmah nganfâk an pêktu tlûn kip ah tuarnâk leh siatnâk ka tlungtir. Kei, LALPA nih ka sim mi asi,” a ti.

AMOS 6:1

Nannih Zion ah nuamchenhtu tla leh Samaria ah him tak a um ding hen ruattu Israel phun lakah mi rokual rangah ṭihnung a kâi awt chiam e, nannih chubang tla sinah ṭangpi deih hen kaltu tla!

MATHAI 19:12

Mi tilkhei an nu paw sung thawk hen chu hâwi a suak mi rêng khawm an um le, mi tilkhei, minung kut hen khei mi khawm an um; mi tilkhei, Vân Ram ruangah tilkhei hen anna siam mi khawm an um. Âuzawng a zâwt kho mi vial nih zawt seh,” a ti.

MATHAI 25:1

Chu tik chun Vân Ram chu nungâk thenhlimh parâ an khâwnvâr put hen mo dâwngpu dawng ding hen suak mi tla hen tahṭhimh asi rawh lai.

MATHAI 8:19

Chun, Dân sîntirtu pakhat a hawng kal le, a sinah, “Sîntirtu, na kalnâk kip ah ka nan zûl lai,” a ti.

JOHAN 10:27

Ka dawrâ tla nih ka aw an theih tâwn, kei khawm nih annih chu ka theih na le, annih nih chun an hawng ka zûl tâwn;

JOHAN 12:26

Âuzawng nih ka rian a ṭuan chun hawng ka zûl seh; ka umnâk ah ka to-aw khawm a um lai. Âuzawng nih ka rian a ṭuan chun anih chu Pa nih a chawnglawmh lai.

JOHAN 13:37

Peter nih a sinah, “Lalpa, zei rangah tu khawm ah ka nan zûl kho awtlo zia? Nangmah ruangah ka nungnâk ka pêk lai,” a ti.

JOHAN 8:12

Chun, Jisu nih an sinah thu a sim nawlh le, “Kei laikulh chêu kasi; âuzawng hawng ka zûltu chu mûi ah a kal lai lo, nungnâk chêu a nei dauh lai,” a ti.

THILTI 20:28

Pathian kawhmi tla amah thisen hen a châwk mi tla chu châwm ding hen nanmah tla leh nan ho na mi tla zawzawng tlûnah a thiamthih u, Thlarau Thenhlimh nih an tlûnah hotu ah a nan siam na asi.

1 KORIN 16:15

Unau le tla, Stephan leh a dâwngsung le tla chu Akai ram ah lungtu masa an si le, Pathian mi tla rianṭuan ding hen anna pêk ti nan theih;

1 KORIN 6:20

Churuangah, nan taksa hen Pathian chawnglawmh u.

1 KORIN 7:28

Sikhawmsele nupi na nei chun thil na ti sual lo, nungâk thenhlimh khawm nih pasal a nei chun thil a ti sual lo. Sikhawmsele, chu hâwi mi tla nih chun taksa lakah chun hamhnâk an tuar lai; sikhawmsele, kei lam nih chun an tuartir na lo ka duh asi.

2 KORIN 11:2

Pathian thîknâk hen asi ka nan thîk na; Krist sinah chun nungâk thenhlimh hâwi hen ka nan pêk kho na bâk ding hen, mi pakhat, Krist chu kan hual piak na ko asi.

EPHESI 1:14

Chu chu Pathian rokual zia sawrnâk ding ah amah tâ ngelchel tlanhnâk ding hen kan ro tingnâk ding ah tiamhnâk asi.

EPHESI 5:27

chun, kawhmi tla chu nâwm kawplo leh thurh lo leh chu hâwi thu rerêng put lo hen, thenhlimh leh simsâwi kawplo a um dauh hen amah sinah kawhmi tla rokual tak hen â pêk chawlh kho lai.

1 TIMOTHE 4:3

nupa umh an khap tâwn le, zei lo ei ding tla, thudik theih hen lungtu tla nih lâwmthu sim hen ting ding hen Pathian nih a siam mi tla chu ei lo ding an ti tâwn.

HEBRAI 12:23

Vân ah an min rîn hen an um mi Pathian fa tîr tla pumhnâk lawmhkâi takah nan hawng tleng rawh. Mi zawzawng lâirêltu leh mirep thlarau tla rangtling hen siamtu Pathian sinah nan hawng tleng rawh.

JEM 1:18

Amah duhzia hâwi hen thudik ah hawng kan ring le, a thilsiam zawzawngah mun masa chem kan luah khonâk ding hen.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 21:22

Lalpa Pathian Zeizawng tikho leh Dawrâ Fa chu biakin asi ruangah chun ah chun biakin rerêng ka muh lo.

THUPHUANG 21:23

Chun, chu khua nih chun a cherhtu ding hen nî a herh lo, thlâ khawm a herh lo; Pathian rokualnâk nih a cherh le, an meichêu chu Dawrâ Fa asi.

THUPHUANG 3:4

Sikhawmsele, Sardis khua ah an nipuan thiang mi tâwmtê nan um. Chu hâwi ti tlâk mi nan si ruangah, puanvâr aih hen ka sinah nan hawng lai.

THUPHUANG 5:9

Chun, “Nang lasuibu chu lâk hen, a singsiahnâk tla samh tlâk na si; Thah hen na um rawh le, chikip a mi tla, hawlh kip a mi tla, mikip a mi tla, phun kip a mi tla, Pathian rangah na thisen hen na châwk na.