THUPHUANG 14:2 - Bawm Common Language Bible Version

² chun, vân thawk hen zeilo hâu, tî tam tak sâitâr ah â khâwk mi hâu hâwi leh khuarît fâk tak hâu hâwi ka theih le, chun, ka hâu theih chu ṭingṭang tumtu tla nih an ṭingṭang an tum mi hâu hâwi asi.

THUPHUANG 14:2 ပူးပေါင်းရင်းမြစ်များ

2 SAMUEL 6:5

David leh Israel mi zawzawng chu LALPA chawnglawmh hen an chelhri hen lasak hen an lâm. Ṭingṭang tla, khuang tla, khuangtê tla, chêngchêng tla an tum.

2 CHRONICLES 20:28

Khuapi an tlung rawh chun Biakin ah tumphung tumtu ṭingṭang leh tâwtawrâwt tumtu lei an fûk na.

SAM 147:7

LALPA sawr hen la sak u; kan Pathian sinah ṭingṭang tum u.

SAM 149:3

Lâm hen a min chu sawr u; amah sawrnâk ding hen khuang leh ṭingṭang tum u.

SAM 33:2

Ṭingṭang hen LALPA sinah lâwmthu sim ule, tumphung ri nei hen a sinah la sak u.

SAM 43:4

Pathian, nang chu ka lâwptlonâk phûr na si, na mâichâm leiah ka hawng lai. Pathian, ka Pathian, ka ṭingṭang ka tum lai le, nangmah sawrnâk la ka sak lai.

SAM 57:8

Ka thlarau, a ṭhangh! Ka ṭingṭang leh tumphung tla a ṭhangh u! Nî chu ka ṭhangh awt!

SAM 92:3

tumphung ri tam tak leh ṭingṭang hâu dawh tak hen phuang chu thungâi a ṭha.

SAM 93:4

LALPA chu vân ah lâirêltu lian asi le, tisumsumriat a rûm mi leh tipi tlingtlawk mi ngâk hen a rokual dauh.

SAM 98:5

LALPA chu sawr hen la sak u! ṭingṭang tum u!

EXODUS 19:16

A ni thum ni zîng ah chun, khuarît leh mîmthlalek a hawng um le, sûm sah tak tlâng tlûnah a hawng lang, tâwtawrâwt hâu fâk tak tum mi chu theih asi. An umnâk mun ah mi zapi tla chu thungâi an ṭih le, an thir rawh.

EXODUS 20:18

Chun, mi zapi tla nih khuarît hâu leh tâwtawrâwt tum hâu an theih hen mîmthlalek leh tlângah meikhû tla an muh rawh chun an ṭih le an thir rawh, râl lât takah an dîr.

ISAI 17:13

Phun tla chu tîlian a tlung mi hâwi hen an hawng le, sikhawmsele Pathian nih nun a simh na le, dunglei an kîr le, pangdâr mi valeidip leh fapawn thli nih a ranh mi hâwi an si.

EZEKIEL 43:2

chunah chun Israel Pathian umpinâk chêu chu mitser rê mi saklei thawk hen a hawng kal mi ka muh. Pathian hâu chu tipi hâu hâwi hen a suak le, mit ser rê mi chêu nih tual chu a cherh.

ZEKARIA 9:14

LALPA chu a mi le tla tlûnah a hawng a langh lai le, mîmthlalek hâwi hen a thalzum tla chu a kah lai. LALPA Zahkâi nih tâwtawrâwt a tum lai le, simlei thawk hen thlipi lakah a kal lai.

1 KORIN 13:1

Minung hawlh leh vânmifial hawlh hen thu sim khawmsele dâwtnâk ka nei ṭung lo chun dâr ri hâu salam mawh, chêngchêng ri hâu salam mawh ka hawng si lai.

THUPHUANG 1:10

Lalpa ni ah chun Thlarau hen ka hawng um le, ka dunglei ah tâwtawrâwt hâu hâwi hen hâu fâk tak hen,

THUPHUANG 1:15

a kezaphah tla chu dâr a tlêu mi hâwi asi le, mei ah êr mi hâwi asi, a hâu chu tî tam tak khâwk hâu hâwi asi.

THUPHUANG 11:12

Chun, khuavâng panih tla nih chun, vân thawk hen aw-hâu fâk tak hen, “Hinah hawng kâi u,” ti hen an theih, chun, an leido tla nih an muh na ko bû hen vân ah sûm lakah an kâi rawh.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 15:2

Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.

THUPHUANG 18:22

Chun, ṭingṭang tumtu tla, zeilo tum thiam tla, theikhang tumtu tla, tâwtawrâwt tumtu tla nih an tum mi, rihâu khawm nâ lakah an theih lai lo rawh; zungthiam rerêng na lakah an muh lai lo rawh, fângrialnâk rihâu khawm na sungah an theih lai lo rawh;

THUPHUANG 5:8

Chun, lasuibu chu a lâk kâ hen thilnung pali tla leh upa kul leh pali tla chu ṭingṭang leh ngûn berhbu rimthâw hen a khat mi put chiau hen Dawrâ Fa mâika ah chun an bawkbukhup rawh; chubang rimthâw tla chu Pathian mi tla thlachamnâk asi.

THUPHUANG 6:1

Chun, Dawrâ Fa nih chun singsiahnâk pasarih lakah pakhat chu a samh liau ka muh le, chun thilnung pali lakah pakhat nih chun khuari mi hâu hâwi hen, “Hawng rawh,” a ti mi ka theih.

THUPHUANG 8:7

Chun, a masa chem mi nih chun a tum le, rial leh mei, thisen hen chawmh mi, a hawng um sawm le, chubang tla chu tual ah lawnh asi rawh. Chun, tual mun thum ṭhen hen mun khat leh thing mun thum ṭhen hen mun khat chu a kâng hep, chun, belh ring zawzawng khawm a kâng ver.