THUPHUANG 13:6 - Bawm Common Language Bible Version

⁶ Pathian leh, a min leh, vân ah a umnâk mun leh vân ah an um mi zawzawng simsiat chu a dawmh rawh.

THUPHUANG 13:6 ပူးပေါင်းရင်းမြစ်များ

JOB LASUIBU 3:1

A dawnghnâk ah chun Job chu a dâisip châwklo le, a suaknâk ni chu a simsiat. Job nih,

SAM 73:9

Vân Pathian chu an sâwi le, tual ah minung rangah zauhnawmhnâk thupêk tla an pêk.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 7:25

Anih nih Pathian rokual kalh hen thu a sim lai le, Pathian mi tla a nehsawh na lai. Anih nih an phung dân leh kût ni tla dangtîr a tum lai le, kum thum leh a khing chu Pathian mi tla chu amah thuneihnâk tangah an um lai.

DANIAL 7:8

Chu ki tla chu ka ngiat liauah, chu ki tla thawk hen a kitê a hawng chawrh, chu ki tla lakah mi ki thum chu a khiak rel, chu ki nih chun minung mit leh kâ a nei le, puar tak hen â khâwng.

MATHAI 12:34

Rûl thlâk tla, nannih sual ko bû hen zeitin me thu ṭha nan sim kho lai? Thinlung ah khat hen a liam mi chu kâ nih a sim tâwn asi.

MATHAI 15:19

Thinlung ah hin dawnnâk sual tla, mi thahnâk tla, ṭângdang pawmnâk, duhnâk, fîrnâk, phiarnâk, simsiatnâk tla a hawng suak tâwn.

JOHAN 1:14

Thu chu minung ah a hawng a chang le, kan lakah a um rawh. A rokual zia kan muh. Zângfahnâk leh thudik hen a khat. Hi hi rokualnâk chu asi, Pa, Fapa neihlem hâwi a sinâk chu.

ROM 3:13

An kâ suak nâwmtâm nih chun thihnâk a tlunh tâwn, an lei nih perpetnâk thu a sim. An kâ sung chu rûl tûr hen a khat.

KOLOSA 1:19

Pathian rangtlingnâk kip chu amah Fapa lakah a um kumza le, a kraws thisen nih chun remnâk siam hen, amah lakah chun zeizawng amah hen remtir hi, Pathian lungsi kâng tak asi; amah lakah chun tual ah thil um tla khawm, vân a thil um tla khawm amah hen remtir hi.

KOLOSA 2:9

Amah lakah chun Pathian rangtlingnâk zeizawng chu taksa nei hen a um kumza.

HEBRAI 9:2

Sawnhnâk puanin an siam le, tawngtîr chem chu meichêu siahnâk, dawhkân tla, sang siahnâk tla asi, chu chu mun thenhlimh an ti.

HEBRAI 9:24

Krist chu kut hen sak mi mun thenhlimh, a tak banghtu ah chun a lût lo le; tu ah Pathian mâika ah kan ruangrûl ah dîr ding hen vân ngelchel ah a lût dauh rawh.

THUPHUANG 11:12

Chun, khuavâng panih tla nih chun, vân thawk hen aw-hâu fâk tak hen, “Hinah hawng kâi u,” ti hen an theih, chun, an leido tla nih an muh na ko bû hen vân ah sûm lakah an kâi rawh.

THUPHUANG 12:12

chun, vân tla leh a sungah um mi tla a lâwm u, sikhawmsele, tual leh tisumsumriat tlûn chu a pit! Diabol nih chun tik tâwmtê cho a nei rawh ti a theih ruangah a thinthawk bû hen nan sinah a hawng ṭum rawh,” a ti.

THUPHUANG 15:5

Chu nûn chun vân ah biakin â awng le, a sungah Pathian umnâk Puanin Thenhlimh ka muh.

THUPHUANG 18:20

“Aw vân tla, Pathian mi tla, mifial tla, khuavâng tla a lâwm u, amah thilti hâwitê hen Pathian nih a tlûnah lâi a rêl rawh.’’ a ti.

THUPHUANG 21:3

Chun, laltophah thawk hen aw-hâu fâk tak hen, “Ngâinik, Pathian bâsâ chu minung lakah a hawng um rawh, anih chu an sinah a um lai le, annih tla chu a mi le an si lai le, Pathian ngelchel chu an sinah a um lai le; an Pathian asi lai.

THUPHUANG 4:1

Chu nûnah chun langhtirnâk dang ka nei le, vân ah kawtkâ â awng mi chu ka muh. Chun, aw-hâu ka theih masa mi, tâwtawrâwt âwn hâu hâwi mi nih a hawng ka sawnh le, “Hinah hawng kâi rawh, hi nûnah thil a hawng um ding mi tla chu ka nan zauhtir lai,” a ti.

THUPHUANG 4:4

Chun, laltophah chu laltophah dang kul leh pali nih an kulh, laltophah ah chun upa kul leh pali chu puanvâr aih leh ngûn lallukhuh khuh hen an to.

THUPHUANG 5:13

Chun, vân leh tual tlûnah leh tual tang leh tisumsumriat sungah thilsiam chikip leh laikulh sungah an um mi zawzawng tla nih, “Laltophah ah a to mi leh Dawrâ Fa sinah chun, malsâwmnâk leh chawnglawmhnâk tla rokualnâk tla leh lârêlnâk tla zungzâl hen um seh” ti hen an la sak ka theih.

THUPHUANG 7:15

churuangah, Pathian laltophah mâika ah dîr hen a sûn a zân hen a rian an ṭuan asi; chun, laltophah ah a to mi nih chun a vêng na lai.

THUPHUANG 7:9

Chun, chu nûnah chun ka zauh le, mi zapi cherkhet, âukhawm rêlchâwklo, phun kip lakah mi tla, chi kip lakah mi tla, mikip lakah mi tla, hawlh kip lakah mi tla, puanvâr aih hen, leh tûmkâu put hen, laltophah mâika ah leh, Dawrâ Fa mâika ah an dîr mi ka muh.