THUPHUANG 13:4 - Bawm Common Language Bible Version

⁴ Chun, sarâng sinah rûlrêu nih a thuneihnâk a pêk ruangah rûlrêu chu mi zapi nih an sawnh rawh, “Sarâng hâwi hi âu an um? Âu a do khotu um?” ti hen sarâng khawm chu an mâimûk.

THUPHUANG 13:4 ပူးပေါင်းရင်းမြစ်များ

EXODUS 15:11

LALPA, pathian tla lakah nang hâwi âu me um? Thenhlimhnâk leikângah chê tak mi nang hâwi âu me um? ‘Nangmah hâwi hen mi chak leh thilchê tikho âu me um?

ISAI 46:5

LALPA nih, “Âu hen na hawng ka tahthimh awt?” a ti. “Keimah hâwi midang a um ma?

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

DEUTERONOMY 9:2

An minung tla khawm an sâng hen an chak le; milian tla an si le, âukhawm nih do na kho an silo ti nan theih.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

THUPHUANG 12:3

Chun, thilchê dang vân ah a hawng lang nawlh le, rûlrêu sen lianpi, lû pasarih leh ki parâ a nei mi, lallukhuh pasarih â khuh mi a hawng um.

THUPHUANG 12:4

A mei hen chun vân ârfi tla mun thum ṭhen hen mun khat a nûk le, tual ah a thlâk rawh, chun, nunau nih fa a ring ding mi chu a ring kâ hen a dawlh khonâk ding hen a mâika ah a dîr ko.

THUPHUANG 13:11

Chun, sarâng dang tual ah a hawng suak mi ka muh le, dawrâ hâwi hen ki panih a nei le, rûlrêu hawlh hâwi hen a hawlh.

THUPHUANG 13:15

Chun, sarâng masa chem lem chu hawlh kho ding hen leh amah sawnh lotu vial thah kho ding hen sarâng panihnâk nih nungnâk thaw pêk ding hen siang asi.

THUPHUANG 13:2

Chun, sarâng ka muh mi chu keitê hâwi asi le, a kê tla chu vawm kê hâwi asi le, a kâ chu chakeibaknei hâwi asi; chun, rûlrêu nih sarâng chu amah thiltikhonâk leh a laltophah leh amah thuneihnâk fâk tak a pêk.

THUPHUANG 17:14

Chu tla nih chun Dawrâ Fa chu an do lai le, sikhawmsele, Dawrâ Fa chu hotu tla Hotu, lal tla Lal asi ruangah, amah kawh mi tla, thîm mi tla leh amah zûltu zumhkâi tla nih chun an neh na lai,” a ti.

THUPHUANG 18:18

a kâng mi khû chu an muh le “Hi hâwi tluk hen khua rokual chu a um nawlh lai lo rawh,” ti hen an âu.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.

1 SAMUEL 17:24

Israel tla nih Goliath chu an muh rawh chun lâu bû hen an tek.