THUPHUANG 13:2 - Bawm Common Language Bible Version

² Chun, sarâng ka muh mi chu keitê hâwi asi le, a kê tla chu vawm kê hâwi asi le, a kâ chu chakeibaknei hâwi asi; chun, rûlrêu nih sarâng chu amah thiltikhonâk leh a laltophah leh amah thuneihnâk fâk tak a pêk.

THUPHUANG 13:2 ပူးပေါင်းရင်းမြစ်များ

2 Lal 2:24

Elisa chu â her le, a mit sen hen a zauh na le, LALPA min hen siat a barh na. Churawhchun, vawm nunau panih tumun thawk hen an hawng suak le, mipa ngâksia murui lakah mi sâwmli leh panih an sâm dip na.

SAM 22:21

Hi bang chakeibaknei tla lakah mi ruang hawng ka suah le; chawchal râng tla lakah hin ṭangpitu ka nei lo.

THUFING LASUIBU 17:12

Mi mâwl, thil salam lakah a nawk mi hen va tawng ngâk hen chun vawm nunau fa lâk piak mi hen tawng a ṭha dauh.

THUFING LASUIBU 28:15

Mipâm tla chu lâirêltu sual lakah ṭangpi an herh le, chakeibaknei a hûk mi leh vawm â sawk mi hâwi hen ṭihnung a kâi.

ISAI 5:29

An kawrsen tla chu chakeibaknei nih sa a seh mi âukhawm nih suh kholonâk ah a kalpi ving le, a hûk mi hâwi hen hâu an suah.

JEREMIA 13:23

Mi dum nih a vun a dangtir kho hen keitê nih a ṭial a veih kho mazei? Chu hâwi an ti kho asi chun, nang thilsual cho lo chu zeikhawm tilotu nih thil dik ti ding na theih kho lai.

JEREMIA 5:6

Churuang chun tumun ah mi chakeibaknei nih a thah na lai le, ramkaro ah mi chingngia nih a sâm dip na lai le, keitê nih an khuapi tla ah seh ding hâwl hen a ṭawl lai. Chubang minung tla chu an suak chun, an sual a tam ruangah leh zeiliau zawng ah Pathian an hawitâk lemang ruangah sâm ver hen an um lai.

HOSEA 11:10

“An mêlma tla lakah chakeibaknei hâwi hen ka hûk tikah chun ka mi tla nih an hawng ka zûl lai rawh. Thlanglei thawk hen khulrang hen ka sinah an hawng lai.

AMOS 3:12

LALPA nih, “Chakeibaknei nih dawrâ a seh mi chu dawrâpu nih a kê panih leh nakhaw cho â ting mi hâwi hen, tuah nuam ti tak hen êltu Samaria mi tla chu tâwmtê cho an âwl lai.

AMOS 5:19

Mi, chakeibaknei thawk hen a tek le, vawm hen anna tawng mi hâwi mawh, mi in leiah a tlung le, vâm a tham le, rûl nih a chuk mi hâwi bang hen!

HABAKUK 1:8

“An rang tla chu keitê ngâk hen an chak dauh le, chingngia sungvâng ngâk hen an rât dauh. Rang tlûnah anna chuan mi tla chu ram lât tak ah thawk hen an hawng le, an rang tla nih tual ah an kê an thlik. Mû nih sa a châwi ding mi a thlûr mi hâwi hen an hawng kal.

2 TIMOTHE 4:17

Thâwngthâng Ṭha keimah ruangah simh chiau hen a um khonâk ding hen, Phundang tla zawng nih an theih khonâk ding hen, Lalpa nih chun a ka ṭanh le, a ka chaktir lehlam asi; chun chakeibaknei kâ ah mi kha suah hen ka um rawh asi.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

THUPHUANG 12:13

Rûlrêu nih chun tual ah lawnh asi ti a theih ka hen fapa ringtu nunau chu a râl rawh.

THUPHUANG 12:15

Chun, rûlpi nih chun chu nunau chu fenhtir ding hen tiva hâwi hen a kâ lâk mi tî chu a suah rawh.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:12

Sarâng masa dauh thuneihnâk zawzawng kha a mitmuh ah a mang rawh, tual leh a tlûnah a um mi zawzawng tla chu sarâng masa thih phah rê ding hen â liam le, a dam nawlh mi chu sawnh ding hen thu a pêk na.

THUPHUANG 13:4

Chun, sarâng sinah rûlrêu nih a thuneihnâk a pêk ruangah rûlrêu chu mi zapi nih an sawnh rawh, “Sarâng hâwi hi âu an um? Âu a do khotu um?” ti hen sarâng khawm chu an mâimûk.

THUPHUANG 16:10

Chun, vânmifial panganâk nih a berhbu chu sarâng laltophah ah a thlêt le, sarang ram zawzawng chu a hawng mui hep le, an nganfâk tuk ruangah an lei tla an seh le,

THUPHUANG 17:12

“Chun, ki parâ na muh mi tla kha lal parâ ram a nei lo rih mi tla an si le, sikhawmsele, dârkar khat ding cho sarâng hen lal hâwi hen lâi an rêl lai.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 20:2

Chun, rûlrêu, rûlpi tar, chu chu Diabol mawh, Setan chu a tleih le, kum sâng khat rang ding hen a phuar rawh.