THUPHUANG 13:18 - Bawm Common Language Bible Version

¹⁸ Hinah hin finghnâk langh khonâk a um. Theih khonâk nei mi nih chun sarâng nambar chu zâwt set seh; chu nambar chu minung ruangrûl ah asi le, chu chu zaruk leh sâwmruk leh paruk asi.

THUPHUANG 13:18 ပူးပေါင်းရင်းမြစ်များ

SAM 107:43

Mi fing tla nih chun hi bang thil tla hi dawn na seh; LALPA dâwtnâk chu theihtir nawlh na seh.

DANIAL 12:10

Mi tam tak anna thianh lai. Misual tla nih an theihthiam lai lo le, sual leiah an kal vima lai; a fing mi tla cho nih an theihthiam lai.

HOSEA 14:9

Hinah rîn mi tla hi fing tak hen theihthiam mi nih chun thinlung ah kil na seh. LALPA lampi tla chu a dik le, mirep tla nih chu chu an zûl le, an nung. Sikhawinsele misual tla nih an siarlo ruangah an bah le, an tlû.

MARK 13:14

“Sikhawmsele, ‘Ṭhiautu Fihnungkâi’ chu a dîr lonâk ding mun ah dîr nan muh tikah, (a rêltu zawng nih a umzia theih seh), chu tikah chun Judai ram ah um tla chu tlâng ah tek seh.

ROM 3:5

Sikhawmsele, kan a replonâk nih hin Pathian repnâk chu dawh khun hen a langhtir chun zeise kan sim lai? Pathian nih mi a rêp hen mi replo asi mazei? Minung ti dân hâwi hen ka sim asi.

DEUTERONOMY 3:11

(Og lalchem chu Rephaim lal madung chem asi. A ruak siahnâk kuang chu lung hen siam mi asi; tahnâk dân hâwi hen feet leili hen a sâu le, feet ruk hen a lian. Amon khuapi Rabah ah muh kho asi nget rih.)

THUPHUANG 1:3

Hi simhkannâk thu rêltu leh ngâitu leh a sungah thu â rîn mi pawmtu tla chu an thaw a suak. Hi zawng thil a hawng um ding mi tik chu a nâi rawh ruangah.

THUPHUANG 15:2

Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.

THUPHUANG 17:9

“Hinah hin theihthiamnâk thinlung nei a herh asi. Lû pasarih chu nunau tonâk tlâng pasarih chu asi. Lal pasarih tla khawm kha an si;

THUPHUANG 21:17

Chun, vânmifial nih kulh khawm chu minung tah dân hâwi hen a tah le, dâwng zâ sâwmli leh dâwng li asi.