THUPHUANG 13:16 - Bawm Common Language Bible Version

¹⁶ Chun, mi zawzawng, a lian a mê hen, a nei a pâm, to-aw leh to-aw lo tla khawm, an kut vawrhlei ah mawh, an chal ah mawh singsiahnâk a neitir na.

THUPHUANG 13:16 ပူးပေါင်းရင်းမြစ်များ

2 CHRONICLES 15:13

Âuzawng, upa ngâksia, nunau mawh mipa sawnh lotu zawng chu thah ding asi.

JOB LASUIBU 34:19

Lâirêltu lei khawm â ṭângṭawm lo, mipâm hua hen minei a sunhsak lêm lo le, mikip chu amah siam mi an si ruangah.

SAM 115:13

Amah zahtu tla, a lian a mê hen mal a sâwm chiau na lai.

SAM 49:2

a lian a mê, a nei a pâm mi khawm ngâi khap u.

EXODUS 13:9

Hi ulhnâk hi nan kut lakah mawh nan chal ah mawh theihkumzanâk ding hen khimh mi hâwi hen theih u; LALPA nih a thiltikhonâk hen Aigupta ram ah mi a nan suakpi na ruangah LALPA dân chu theih nawlh ding hen nanna sîn hen nan sim kumza ding asi.

EZEKIEL 9:4

LALPA nih puannêm aihtu chu a kawh le, “Jerusalem khuapi chu ṭawl le khuapi sungah thil fihnungkâi zawzawng an ti mi ruangah hamh hen lawksawng mi zawng chu an chal lakah singsiahnâk siam piak khap na,” a ti.

ZEKARIA 13:6

Mi âunih mawh, ‘Na thinmakâ ah na liam mi mâ kha zei zia mesi? ti hen an deih lai le, anih nih a sâng lai le, ‘Ka hâwipa in ah ka liam mi asi,’” a ti lai.

THILTI 26:22

Sikhawmsele, Pathian sinah thawk hen ṭangpinâk ka tawng ruangah tusûn tiang hen nâuta leh mi lian tla sinah thu theihtir hen ka um ko rih le, khuavâng tla leh Mosi nih thil hawng tlung ding mi an sim mi thu cho lo chu thudang ka sim lo.

1 KORIN 12:13

Kan ektê hen, Juda mawh, Phundang mawh, sal mawh, sal lo mawh taksa pumkhat a um ding hen Thlarau pumkhat cho ah baptis hen kan um chiau le, Thlarau pakhat cho hawng kan dintir chiau fâwn.

GALATIA 3:28

Chunah chun Juda mi a um kho lo le, Greek mi khawm a um kho ber lo, chunah chun to-aw a um kho lo le, to-aw lo khawm a um kho ber lo, chunah chun mipa leh nunau khawm a um kho ber lo; Krist Jisu lakah nan ektê hen pakhat nan si ruangah.

GALATIA 6:17

Tu thawk hen âukhawm nih hawng ka nawktir lah seh; ka taksa ah hin Jisu singsiahnâk tla ka put ruangah.

EPHESI 6:8

to-aw khawm si seh, to-aw lo khawm si seh, mikip nih thil ṭha an ti mi vial chu Lalpa sinah mi a lîlâ an tawng nawlh lai ti theih hen, taksa ah nan hotu tla thu zâwt u.

DEUTERONOMY 11:18

“Hi bang thupêk tla hi theihkumza hen nan thinlung tharhnâk ah mang u. Nan bân ah a khimh ule, nan chal ah khimh u, thinlung ah theihkumzanâk ding ah.

DEUTERONOMY 6:8

Nan bân ah khih ule, nan chal ah a khimh u, theih nawlh lemang ding hen.

KOLOSA 3:11

chu lak chun Greek mi leh Juda mi, fêmtan leh tan lo phundang tla, Skuthia mi tla, sal tla, sal lo tla khawm a um lo; Krist chu zeizawng si dauh hen zeizawng ah a um ber asi.

2 TIMOTHE 3:8

chun, Jani leh Jambre nih Mosi an do hâwi khan chubang tla nih chun thudik hi an do tâwn; thinlung râwk rawh mi, lungnâk leikâng ah chun Pathian duh lo leikâng mi an si.

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 15:2

Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.

THUPHUANG 19:18

“Lal sa tla, kawrsen hotu sa tla, mi chak sa tla, rang leh a tlûnah chuantu tla, mi zawzawng, to-aw leh to-aw lo, mi lian leh mi mê tla sa nan ei khonâk ding hen, Pathian puai rokual tak tuahnâk ah hawng a pum u,” ti hen a âu.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 19:5

Chun, laltophah thawk hen aw-hâu a hawng suak le, ‘Nannih a to-aw tla leh amah zahtu mi lian leh mi mê tla, kan Pathian chu sawr u,” a ti.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 6:15

Chun, tual ah lal tla, lâirêltu tla, kawrsen hotu tla, minei tla, mi chak tla, sal leh sal lo tla chu pûk ah leh tlângah lungpi tangah tla anna thup.

THUPHUANG 7:3

“Kan Pathian to-aw tla chu an chal ah kan singsiah na lânlo chu mual leh tisumsumriat leh thing tla chu râwk lah rih u,’ ti hen a âu.