THUPHUANG 13:14 - Bawm Common Language Bible Version

¹⁴ Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 13:14 ပူးပေါင်းရင်းမြစ်များ

2 Lal 20:7

Churawhchun, Isai nih lal bulsântu tla sinah, “Theipi rah nêng a khuailumâ lakah buaih piak ule, churawhchun a dam ko lai,” ti hen a simh na.

2 Lal 22:20

Sikhawmsele, na thlacham hâu ka theih le, Jerusalem lakah rêpnâk lam chu na thih nûnah asi lai rawh. Nang lam chu thlangam tak hen kan thihtir awt,” a ti. Hi thuchah tla hen mifial tla chu lalchem Josiah sinah an kîr rawh.

2 CHRONICLES 18:21

Thlarau nih a sâng le, ‘Ka va kal lai le, Ahab khuavâng tla âwkrâwl thu ka simtir na awt,’ a ti. LALPA nih, ‘Kal le va perpet, na ti kho lai,’ ” a ti.

JOB LASUIBU 12:16

Pathian chu a chak le, nehtu asi kumza; a thiltikhonâk lakah chun perpetnâk leh perpettu a um.

EXODUS 7:11

Churawhchun, lalchem nih mi fing leh dâwithiam tla a kawh na le, an dâwithiamnâk hen chu hâwitê hen an ti bâk.

ISAI 44:20

Vachâm ei mi hen a finghnâk â bang cho. A thinlung âtnâk nih amah chu ṭangpi kho lo rê hen diklonâk leiah a kalpi. A kut ah a tleih mi milem chu pathian asi lo thlo ti a theih lo.

EZEKIEL 14:9

“Khuavâng chu sângnâk diklo hen perpet hen a um chun, kei LALPA nih ka perpet ruangah mi asi. Israel lakah mi ka lawnh awt.

EZEKIEL 16:17

Ngûn leh tangka leh lungmantam ka nan pêk mi chu na lâk le mipa lem ah na siam le, chu tla lakah chun ṭângdang na ka pawmtâk.

EZEKIEL 8:10

Churawhchun, ka va lût le, ka zauh. Vâm lakah rûl lem an rîn mi tla leh ran thianglo tla leh thil dang Israel tla nih an sawnh ding ah an rîn mi tla ka muh.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:1

Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

THUPHUANG 13:15

Chun, sarâng masa chem lem chu hawlh kho ding hen leh amah sawnh lotu vial thah kho ding hen sarâng panihnâk nih nungnâk thaw pêk ding hen siang asi.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 14:11

Chu minung tla rêpnâk meikhû chu zungzâl hen a kâi lai le, sarâng leh a lem mâimûktu tla, a min singsiahnâk neitu tla vial chu anmah rêpnâk, a sûn a zân hen dinh ni an nei lai lo,” ti hen a âu.

THUPHUANG 14:9

Chun, vânmifial pathumnâk nih chun hâu fâk tak hen, “Âuzawng nih sarâng leh a lem mâimûk hen an chal ah mawh an kut ah mawh singsiahnâk an nei chun,

THUPHUANG 15:2

Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.

THUPHUANG 16:13

Chun, rûlrêu leh sarâng leh khuavâng telê kâ thawk hen thlarau nâwmtâm pathum chu-uh hâwi an hawng suak mi ka muh.

THUPHUANG 16:2

Chun, vânmifial pakhatnâk chu a kal le, a berhbu chu tual ah a thlêt le, chun sarâng singsiahnâk neitu leh a lem mâimûktu tla tlûnah chun masia fâk tak a hawng tlung rawh.

THUPHUANG 18:23

khâwnvâr khawm na sungah a chêu lai lo rawh le, pasal leh mo hâu khawm na sungah an theih nawlh lai lo, na sawlehtu tla chu tual ah mi lian tla an si le, na dâwi hen phun zawzawng na perpet na kha.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 2:10

Nâ tuar ding tla hi ṭih lah, ngâinik, Diabol nih niknâk ah a nan siah lai le, nan lakah mi zeimaw mi rêngin ah a nan khumh na awt asi, chun, ni râ hamh nan tuar lai. Thih tiang hen zumhkâi hen um rawh, chuvachun nungnâk lallukhuh ka nan pêk lai.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.