THUPHUANG 13:13 - Bawm Common Language Bible Version

¹³ Chun, hi sarâng panihnâk nih hin mi zawzawng mitmuh ah vân thawk hen tual ah mei tlâktir kho rê hen thilchê ti khonâk a nei.

THUPHUANG 13:13 ပူးပေါင်းရင်းမြစ်များ

1 Lal 18:38

LALPA nih mei a hawng thlâk le, bâwlnâk chu thing tla, lung tla a kâng hep le, tualchâr fêk hen a kâng hep le, a kiangkam ah chawh mi lakah tî khawm a kâng hep.

EXODUS 7:22

Churawhchun, lalchem dâwithiam tla nih an dâwi hen chu hâwitê hen an ti bâk le, lalchem chu a lân hâwi hen a lung a khung nget rih. LALPA nih a sim hâwi hen lalchem nih Aron leh Mosi thu chu a ngâi duh lo nget rih.

EXODUS 8:7

Sikhawmsele, dâwithiam tla nih an dâwi an mang le, annih khawm nih chu-uh chu an suaktir le, ram lakah an umtir bâk.

EXODUS 9:11

Dâwithiam tla chu Mosi mâika ah an hawng lang kho lo rawh, Aigupta ram mi zawzawng tla hâwi hen annih khawm khuailumâ nih a tuam pang na ruangah.

NUMBER 16:35

Churawh chun, LALPA nih mei a hawng fial le, rimthâw pêktu minung 250 chu a khangh hep na.

MATHAI 16:1

Chun, Farisai tla leh Sadukai tla an hawng kal le, amah niknâk ding hen vân thawk hen singsiahnâk anmah zauhtir ding hen an deih.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MARK 13:22

Mesia telê tla leh khuavâng telê tla an hawng suak awt dangâiah. Chu tla nih chun singsiahnâk leh thilchê tla an ti lai; tikho sele, thîm tla men an perpet khonâk ding hen.

2 TIMOTHE 3:8

chun, Jani leh Jambre nih Mosi an do hâwi khan chubang tla nih chun thudik hi an do tâwn; thinlung râwk rawh mi, lungnâk leikâng ah chun Pathian duh lo leikâng mi an si.

THUPHUANG 11:5

Chun, annih chu âuzawng nih nganfâk pêk an tum chun an kâ thawk hen mei a hawng suak le, an leido tla chu an veih na asi. Annih tla chu âuzawng nih thah ding awttu chu thah an si lai.

THUPHUANG 16:14

Chun, chu tla chu khuri thlarau thilche titu tla an si. Hi thlarau pathum tla hi Zeizawng tikho Pathian ni rokual ah râltuknâk ah kalpi na ding leh laikulh lal zawzawng tla pumh na ding hen an suak rawh.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 20:9

Chun, tual tlûn khat zat hen an kal le, Pathian mi le umnâk leh Pathian nih a dâwt mi khua chu an hual le, chun, vân thawk hen mei a hawng tla le, a khangh hep na rawh.