THUPHUANG 13:11 - Bawm Common Language Bible Version

¹¹ Chun, sarâng dang tual ah a hawng suak mi ka muh le, dawrâ hâwi hen ki panih a nei le, rûlrêu hawlh hâwi hen a hawlh.

THUPHUANG 13:11 ပူးပေါင်းရင်းမြစ်များ

DANIAL 7:8

Chu ki tla chu ka ngiat liauah, chu ki tla thawk hen a kitê a hawng chawrh, chu ki tla lakah mi ki thum chu a khiak rel, chu ki nih chun minung mit leh kâ a nei le, puar tak hen â khâwng.

DANIAL 8:3

chu tiva kapah chun dawrâ chal ka muh le, chu dawrâ chal nih ki sâu tak panih a nei, pakhat chu pakhat dang ngâk hen a sâu dauh hen a thar dauh.

MATHAI 7:15

“Khuavâng telê lakah a thiamthih u; chu tla chu dawrâ vun aih hen nan sinah an hawng kal tâwn le, an sung leiah lam chun chingngia râwlṭâm an si ruangah.

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

2 THESALONIKA 2:4

anih nih chun Pathian an ti mi leh an sawnh mi zawzawng do hen, an tlûnah um ding tum hen thang a ṭhattir lai: chun Pathian Biakin ah to hen Pathian hâwi rê hen â phuang lai.

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 12:17

Chun, Rûlrêu chu nunau tlûnah a thinthawk le, a thlak tla an um rih mi, Pathian thupêk tla zâwt hen Jisu theihtirnâk thu pawmtu tla chu do ding hen a suak rawh.

THUPHUANG 13:1

Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

THUPHUANG 13:17

Singsiahnâk sarâng min mawh, a min nambar mawh neitu tla cho lo nih chun âukhawm nih an châwk hen an zuar kho lo rawh.

THUPHUANG 13:4

Chun, sarâng sinah rûlrêu nih a thuneihnâk a pêk ruangah rûlrêu chu mi zapi nih an sawnh rawh, “Sarâng hâwi hi âu an um? Âu a do khotu um?” ti hen sarâng khawm chu an mâimûk.

THUPHUANG 16:13

Chun, rûlrêu leh sarâng leh khuavâng telê kâ thawk hen thlarau nâwmtâm pathum chu-uh hâwi an hawng suak mi ka muh.

THUPHUANG 17:6

Chun, chu nunau chu mi thenhlimh tla thisen leh Jisu lakah zumh an kâi ruangah thah hen an um mi tla thisen hen a rî mi ka muh le, ka muh ka hen thungai chê ka ti.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.