THUPHUANG 13:10 - Bawm Common Language Bible Version

¹⁰ Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 13:10 ပူးပေါင်းရင်းမြစ်များ

ISAI 14:2

Phun tam tak nih Israel mi tla LALPA nih a pêk na mi ram leiah kîr ding hen an ṭangpi na lai le, chunah chun phundang tla nih sal hâwi hen Israel tla chu an rian an ṭuan piak na lai. Israel rangah nehtu tla chu, Israel nih an neh rûl bâk lai rawh le, anmah nehsawhtu tlûnah Israel tla nih lâi an rêl bâk lai rawh.

ISAI 26:21

LALPA chu vân ah a umnâk thawk hen tual ah mi tla an sual ruangah rêp ding hen a hawng kal. A thuptê hen tual tlûnah mi thahtu tla khawm a puang lai le, thah hen a um rawh mi tla khawm tual nih a thuh lai lo rawh.

ISAI 33:1

Kan mêlma tla chu an vânduai rawh! Âukhawm nih anmah rangah tleih na hen rawk na lo khawmsele, mi rangah an rawk na. Mi an rawknâk leh an tleihnâk chu a dawng lai le, anmah ngelchel chu mi rawkmang leh mi zumhkâilo an si lai.

JEREMIA 15:2

Zeiah kan kal lai ti hen a nan deih chun, keimah nih ka sim rawh mi kha simh na: A zeimaw mi chu râi lakah thi ding mi an um, chu chu an kalnâk ding mi asi. A zeimaw mi chu râltuknâk ah thi ding mi an um, chu chu an kalnâk ding mi asi! A zeimaw mi chu sungvâng hen thi ding mi an um, chu chu an kalnâk ding mi asi! A zeimaw mi chu sal ah put ding mi an um, chu chu an kalnâk ding mi asi!

JEREMIA 43:11

Nebukadnezar a hawng lai le, Aigupta chu a neh lai. Râi lakah thi ding mi chu râi lakah an thi lai le, sal ah put ding mi chu sal ah put hen an um lai, râltuknâk ah thah ding mi chu râltuknâk ah thah hen an um lai.

LUNGFÂKNÂK 3:26

Churuangah ruang hawng kan suah ding mi lakah felfê tak hen amah kan ngâk chun kan rangah a ṭha chem asi.

HABAKUK 2:3

Chu rîn mi chu a hun tak a tlung lo rih ruangah siah ziar. Sikhawmsele a tik chu khulrang hen a hawng tlung lai. Tlâi dauh khawm asi kho, ngâk ko rih le; a hawng um ngelchel lai, a tlâi tuk lai lo.

MATHAI 26:52

Chun, Jisu nih a sinah, “Na nâmsâu kha a siahnâk ah siah nawlh, nâmsâu lektu tla vial chu nâmsâu ber hen an thi awt asi.

MATHAI 7:2

Nan simsâwi na hâwi ber hen an simsâwi na lai; nan tahnâk tê hen an tah piak nawlh na lai.

LUK 21:19

Nan felfênâk nih nan nungnâk a hum lai.

HEBRAI 6:12

Nanna dâithlanh ding ka nan duh na loh, a lung mi tla leh felfê mi tla leh Pathian thutiam anna ting rawh mi tla hâwi hen nan um ding hen ka nan duh dauh na.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 11:18

Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 14:12

Hinah hin mi thenhlimh Pathian thupêk tla leh Jisu lungnâk thu zâwttu tla felfênâk chu a lang asi.

THUPHUANG 16:6

annih nih chun mi thenhlimh leh khuavâng tla thisen an suah le, an din ding ah thisen na pêk na mi hi anna dêng cho asi,” a ti mi ka theih.

THUPHUANG 17:11

Chun, sarâng a hawng um duak le, a um lo nawlh mi tak kha lal pariatnâk asi le, pasarih lakah pakhat kha a vei ding mi chu asi.

THUPHUANG 17:8

Sarâng na muh mi kha a hawng um duak le, a um lo nawlh fâwn, khurtawdawnglo thawk hen a hawng suak lai le, veih depnâk ah a kal lai. Chun, tual ah an um mi tla, tual umtîr thawk hen nungnâk lasuibu ah min â rîn lo mi tla nih chun sarâng chu an muh tikah, a hawng um duak le, a um lo nawlh fâwn mi, a hawng lang awt nawlh mi chu chê an ti lai.

THUPHUANG 2:19

Na thilti zia tla, na zângfahnâk tla, na zumhkâinâk tla, na rianṭuan zia tla leh na felfê zia tla ka theih, na thilti madung chem tla chu a tîr mi ngâk hen a fâk dauh ti ka theih.

THUPHUANG 2:2

Na thilti zia tla, na hamh zia leh na felfê zia tla, misual tla na sâithiam lo zia tla ka theih. Mifial si lêm lo hen mifial â ti mi tla chu na nik ber le, mi âwkrâwl an si ti na theih rawh le;

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.

THUPHUANG 3:3

Ê-aw ngâilo, na sual tla rim le, an sîntir mi tla leh na theih rawh mi tla kha theihkumza rawh. Na vêng lo chun mifîr hâwi hen zei tikah na sinah ka hawng awt ti na theih lai lo.