THUPHUANG 13:1 - Bawm Common Language Bible Version

¹ Chun, sarâng, ki parâ leh lû pasarih a nei mi, tisumsumriat thawk hen a hawng suak mi ka muh le, a ki kip ah lallukhuh a um le, a lû kip ah simsiatnâk min â rîn asi.

THUPHUANG 13:1 ပူးပေါင်းရင်းမြစ်များ

JEREMIA 5:22

Kei, LALPA kasi; zei rangah nan ka ṭih zah lo zia? Zei rangah ka mâika ah nan thir lo zia? Tipi â rînâk rangah sep ka siah le, um kumza mi ramri kanh kho lo mi asi. Tipi chu tlingtlawk khawmsele, a pîn leiah a kal kho lo; tî tlingtlawk chu a hâu a suah kho, sikhawmsele a tâwn kho lo.

DANIAL 11:36

“Siria lal nih amah thu thu hen thil a ti lai. Zei pathian zawng, Pathian rokual chem khawm, Pathian rokual tak ngâk khawm hen lian dauh a ruat hen â khâwng lai. Pathian nih a rêpnâk tik a tlung lânlo chu, chubang chu a tikho lai. Pathian nih a thiltum mi hâwitê a ti lai.

DANIAL 2:41

A kezaphah a khing thîr a khing valei khawm na muh ber, chu umzia chu ram ṭhen dip hen a um ding mi asi, a zeimaw mi nih thîr chak nei mi asi lai, thîr hen valei chawmh mi asi ruangah.

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 12:3

Chun, thilchê dang vân ah a hawng lang nawlh le, rûlrêu sen lianpi, lû pasarih leh ki parâ a nei mi, lallukhuh pasarih â khuh mi a hawng um.

THUPHUANG 13:11

Chun, sarâng dang tual ah a hawng suak mi ka muh le, dawrâ hâwi hen ki panih a nei le, rûlrêu hawlh hâwi hen a hawlh.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 13:15

Chun, sarâng masa chem lem chu hawlh kho ding hen leh amah sawnh lotu vial thah kho ding hen sarâng panihnâk nih nungnâk thaw pêk ding hen siang asi.

THUPHUANG 15:2

Chun, tisumsumriat thlalang hâwi mi, mei hen a chawmh mi ka muh le, sarâng leh a lêm leh a min nambar nehtu tla chu an hawng suak le, Pathian nih ṭingṭang a pêk na mi chu put hen tisumsumriat thlalang hâwi mi kap ah an dîr mi ka muh ber.

THUPHUANG 16:13

Chun, rûlrêu leh sarâng leh khuavâng telê kâ thawk hen thlarau nâwmtâm pathum chu-uh hâwi an hawng suak mi ka muh.

THUPHUANG 17:16

Chun, ki parâ leh sarâng na muh mi nih khan nunau â zuar mi chu an hua lai le, a thilneih tla an lâk piak lai le, takkaro hen an mâk lai le, a sa khawm an ei lai le, mei hen an duah hep lai.

THUPHUANG 17:3

Thlarau hen ka hawng um le, vânmifial nih ramkaro ah a hawng ka kalpi. Chun, sualnâk min hen a khat mi sarâng sen lû pasarih leh ki parâ a nei mi tlûnah nunau a to mi ka muh.

THUPHUANG 17:5

A chal ah thuthup, “Babulon khua rokual, â zuar mi zawzawng tla nu leh laikulh ruisualtu,” ti hen a min â rîn.

THUPHUANG 19:19

Chun, sarâng tla, tual a lal tla, an kawrsen tla chu, rang ngo tlûnah â chuan mi leh a kawrsen tla do ding hen anna pûm mi ka muh.