THUPHUANG 12:9 - Bawm Common Language Bible Version

⁹ Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 12:9 ပူးပေါင်းရင်းမြစ်များ

GENESIS 3:1

LALPA Pathian siam mi lakah rûl chu a fing perpê chem. Rûl nih nunau sinah, “Pathian nih dûm lakah mi thing rah zeikhawm hi nan ei ding asi lo a nan ti tak na ma?” a ti

GENESIS 3:13

LALPA Pathian nih nunau sinah, “Zei rangah na ti êu?” a ti. Nunau nih chun, “Rûl nih ei ding hen hawng ka perpet mi chu a,” ti hen a sâng.

1 CHRONICLES 21:1

Setan nih Israel mi tla lakah nawknâk tlungtir ding a duh le, David chu minung rêl ding duhnâk thinlung a pêk.

2 CHRONICLES 18:21

Thlarau nih a sâng le, ‘Ka va kal lai le, Ahab khuavâng tla âwkrâwl thu ka simtir na awt,’ a ti. LALPA nih, ‘Kal le va perpet, na ti kho lai,’ ” a ti.

SAM 109:6

Ka mêlma tla lakah siatnâk hen lâirêl piak na, amah leikâng mi minung pakhat amah phiar ding hen ruat.

ISAI 14:12

“Nang Babulon lalchem, deirêl ârfi chêu tak, vân ah mi chu na tlâ rawh! A lân chun phun tla na neh le, tu lam chun tual ah lawnh hen na um rawh.

ISAI 27:1

Chu ni ah chun LALPA nih Leviathan, rûlpi kual nuai leh ngerh tul hen um mi rêp ding leh tipi ah um mi sarâng thah ding hen a thiltikhonâk leh thihnâk nâmsâu a mang awt.

ISAI 65:25

Chingngia leh dawrâ fa tla munkhat hen râwl an ei lai. Chakeibaknei tla nih ran hâwi hen fapawn an ei lai le, rûl tla khawm ṭihnung an kâi lai lo rawh. Ka tlâng thenhlimh Zion ah nganfâk leh sualnâk zeikhawm a um lai lo rawh,” a ti.

EZEKIEL 28:16

Châwk leh zuar ah na nawk le, chu nih chun vei ding leh sual ding hen an tlûtir. Churuangah ka tlâng thenhlimh chu kaltâk ding hen ka nan nar le, a nan vêngtu vânmifial nih lungsung chêu nâwngah mi chu a nan nar ving.

MATHAI 13:39

Mêlma, a vawrhtu chu Diabol asi; fâng ât chu laikulh dawnghnâk ding asi; fâng âttu tla chu vânmifial tla an si.

MATHAI 24:24

Mesia telê leh khuavâng telê tla an hawng suak awt ruangah; chu tla nih chun ti kho sele thîm tla men an perpet khonâk ding hen singsiahnâk leh thilchê rokual tak tla an ti lai.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

MATHAI 4:1

Churawhchun, Jisu chu Diabol nih lêm ding hen ramkaro ah Thlarau Thenhlimh nih put hen a um rawh.

MATHAI 4:10

Chu ka hen Jisu nih a sinah, “Setan, kal ving! ‘Lalpa na Pathian sawnh le, amah rian cho ṭuan rawh,’ ti rîn asi,” a ti.

MATHAI 4:5

Churawhchun, Diabol nih Khua Thenhlimh ah chun a lûtpi le, Pathian Biakin tlûn sîp zum ah a siah le,

MATHAI 4:8

Chun, Diabol nih chun tlâng sâng tak ah a kalpi nawlh le, laikulh ram zawzawng leh an rokualnâk a zauhtir.

LUK 10:18

Chun, anih nih chun an sinah, “Mîmthlalek hâwi hen Setan chu vân thawk hen a hawng tlâ mi kha ka muh.

LUK 13:16

Hi nunau hi Abraham fanu asi mi, Setan nih kum leiriat a phuar kumza mi hi Dinhni ah hi minung phuarnâk hi sût piak lo zia masi?” a ti le, a sâng.

LUK 22:3

Chun, leinih tla lakah mi Juda Iskariot an ti mi sungah chun Setan a lût.

LUK 22:31

“Simon, Simon, ngâinik, Setan nih fâng khei hâwi hen an khei khonâk ding hen nannih tla hi a nan deih na asi.

LUK 8:12

Chun, lam vâu ah chî a tlâ mi chu, thu theih rawh mi tla hi an si; chun Diabol chu a hawng kal le, an lung lo ding hen ruangsuah an si kho lonâk ding hen an thinlung ah mi thu a lâk piak na tâwn.

JOHAN 12:31

Tuah hi laikulh hi lâirêl asi; tuah hi laikulh lal hi lawnh asi lai.

JOHAN 14:30

Nan sinah thu tam ka sim awtlo rawh, laikulh lal a hawng kal awt ruangah. Anih chu keimah lakah zeikhawm thu a nei lo.

JOHAN 16:11

lâirêl thu ah an mawh ti a theihtir lai, hi laikulh lal hi mawh hen a tlû rawh ruangah.

JOHAN 8:44

Nannih chu nan pa diabol sin thawk hen suak nan si le, nan pa duhzia ti nan duh. Anih chu a tîr thawk hen mi thahtu asi, thutak ah a um lo, a sung ah thutak a um lo ruangah. Âwkrâwl thu a sim chun amah lakah mi a sim tâwn; mi âwkrâwl asi, âwkrâwlpa khawm asi.

THILTI 26:18

an mit deitir ding hen an sinah ka nan fial hi, chun mûi chu chêu leiah an hawng hertâk lai le, Setan thuneihnâk chu Pathian leiah an hertâk lai, sual ngaihzia thiamnâk an tawngnâk ding leh an hawng ka lung ruangah thenhlimh rawh mi le tla lakah ro anna ting khonâk ding hen,’ ” a ti.

THILTI 5:3

Sikhawmsele, Peter nih, “Anania, Thlarau Thenhlimh sinah âwkrâwl thu sim ding hen leh thil man zeimaw zat pheh ding hen zei rangah Setan nih na thinlung a khattir?

ROM 16:18

Chu hâwi mi tla nih chun kan Lalpa Krist rian an ṭuan lo le, anmah paw rian an ṭuan dauh tâwn; an kâ ṭhatnâk leh an hawlh thiamnâk hen mi fing lo tla thinlung an perpet tâwn.

ROM 16:20

Chun, remnâk Pathian nih chun nan kêzaphah tangah Setan chu a nan lamhbêktir sawm na lai. Kan Lalpa Jisu Krist zângfahnâk chu nan sinah um seh.

2 KORIN 11:14

Chu chu a chê lo, Setan men chêu mifial ah â siam sawm tâwn.

2 KORIN 11:3

Sikhawmsele, rûl nih chun ngamlêmnâk hen Evi chu a bum hâwi khan, Krist leiah taknâk leh thenhlimhnâk lakah mi chu zeitin hen mawh nan thinlung chu an râwk na lebang lai ti ka lâu asi.

2 KORIN 12:7

Chun, theihtirnâk tla chu thungâi a fâk ruangah ka sung-û tir tuk lonâk ding hen taksa ah ling hawng ka pêk asi. Setan mifial, kut nurnâk ah hawng ka mangtu ding mi chu; chu lo chun ka sung-û tir tuk lebang lai.

2 KORIN 2:11

kei khawm nih ka ngaihdam chia chu zeizawng ka ngaihdam rawh chun nanmah tla ruangah Krist mâika ah chun ka ngaihdam asi; chu lo chun Setan nih hawng kan sawhkhalh lebang lai; a ngamlêmnâk chu kan palh lêm lo dangâiah.

2 KORIN 4:4

Krist Pathian banghpi hen a rokual zia Thâwngthâng Ṭha chêu nih chun anmah a cherh kho lonâk ding hen, chubang lakah chun hi laikulh pathian nih hin lunglo tla thinlung a châwtir rawh

EPHESI 4:14

fing perpet a minung perpet bû hen, sîntirnâk thli kip nih khatlei khatlei ah vawrh leh ranh mi ngâksia kan si lai lo rawh le,

2 THESALONIKA 2:3

Âukhawm nih zeitin kâng khawm ah an perpet lah na seh, tlûknâk chu a hawng tlung masa ta hen, Dân Buartupa, tlâuveihtu fapa chu a hawng lang lo chun chu Ni chu a hawng tlung lai loh,

1 TIMOTHE 2:14

Chun, Adam chu perpet hen a um lo le, nunau lam chu perpet hen a um le, buarnâk ah a tlû rawh.

2 TIMOTHE 3:13

Misual leh perpettu tla lam chu mi perpet leh mah khawm mi perpet a um hen an sual dadauh lai.

HEBRAI 2:14

Chun, ngâksia tla hi taksa leh thisen nei mi tla an si ruangah Jisu ngelchel khawm anmah hâwi minung taksa put asi bâk. A thihnâk ruangah

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

1 JOHAN 5:19

Chun Pathian lakah mi kan si ti leh, laikulh pumpi hi Misual thu thu hen a um ti kan theih.

JUD 1:9

Mikael vânmifial chungnungchem men kha, Mosi ruak thu ah anna êl liau khan, Diabol tlûnah thu rêl piak hen mawh a phurhtir ngam lo le, “Lalpa nih a nan fâi dauh seh” a ti.

THUPHUANG 12:12

chun, vân tla leh a sungah um mi tla a lâwm u, sikhawmsele, tual leh tisumsumriat tlûn chu a pit! Diabol nih chun tik tâwmtê cho a nei rawh ti a theih ruangah a thinthawk bû hen nan sinah a hawng ṭum rawh,” a ti.

THUPHUANG 12:3

Chun, thilchê dang vân ah a hawng lang nawlh le, rûlrêu sen lianpi, lû pasarih leh ki parâ a nei mi, lallukhuh pasarih â khuh mi a hawng um.

THUPHUANG 12:7

Chun, vân ah chun tuknâk a hawng um le, Mikael leh a vânmifial tla nih rûlrêu chu an do le, rûlrêu leh a mifial tla khawm nih an hawng do na bâk.

THUPHUANG 12:8

Sikhawmsele, rûlrêu chu an neh le, amah leh a mifial tla chu vân ah um siang asi lo rawh.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 16:14

Chun, chu tla chu khuri thlarau thilche titu tla an si. Hi thlarau pathum tla hi Zeizawng tikho Pathian ni rokual ah râltuknâk ah kalpi na ding leh laikulh lal zawzawng tla pumh na ding hen an suak rawh.

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;

THUPHUANG 18:23

khâwnvâr khawm na sungah a chêu lai lo rawh le, pasal leh mo hâu khawm na sungah an theih nawlh lai lo, na sawlehtu tla chu tual ah mi lian tla an si le, na dâwi hen phun zawzawng na perpet na kha.

THUPHUANG 19:20

Chun, sarâng chu an tleih le, khuavâng telê, sarâng singsiahnâk nei mi leh a lem maimûktu tla, an perpet na tâwnnâk thilchê a mitmuh ah titu tla kha an tleih sih le, an panih hen kât hen a kâng mi meizur ah a nung hen an lawnh na.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:24

“Sikhawmsele nannih Thiatira ah mi zeimaw mi chu Setan thilthup thûk an ti mi tla leh sîntirnâk diklo thu pawm lotu tla tlûnah chun thilrit dang kan phurhtir na awtlo ti ka sim asi.

THUPHUANG 2:9

Nâ hamh zia tla, na pâm zia tla ka theih le, sikhawmsele, na nei ṭung fâwn! Juda tak silo hen, Juda kan si titu, Setan murui lakah mi tla nih a nan simsâwi mi chu ka theih.

THUPHUANG 20:10

Chun, anmah perpettu Diabol chu, sarâng leh khuavâng telê umnâk mei leh kât zur ah an lawnh rawh, chun, zungzâl hen sûn leh zân hen rêp hen an um lai rawh.

THUPHUANG 20:8

tual ah phun tla, Gog leh Magog chu perpet ding leh râltuk ding ah pumh na ding hen a suak lai, chubang tla tam zia chu tisumsumriat kapah sep hâwi an si.

THUPHUANG 3:9

Ngâinik, Setan pumhnâk in tla lakah mi, Juda tak silo hen Juda anna ti mi tla chu ka hawng fial lai le, na kê bul ah kan mâimûktir lai le, âuzawng nih ka nan zângfah ti an theih lai rawh.

THUPHUANG 9:1

Chun, vânmifial panganâk nih chun a tâwtawrâwt a tum le, ârfi pakhat vân thawk hen tual ah a tlâ mi ka muh le, vânmifial sinah chun khurtawdawnglo renh chu an pêk rawh.

THUPHUANG 9:20

Chun, chubang rêpnâk nih a thah bang minung tla nih chun, an thil siam sawnhnâk tla chu bângtâk lo hen, khuri tla leh ngûn milem tla, tangka milem tla, dâr milem tla, lung milem tla, thing milem tla, zeikhawm muh kho lo, theih kho lo, kal kho lo tla chu an sawnh le an rim lêm lo.