THUPHUANG 12:7 - Bawm Common Language Bible Version

⁷ Chun, vân ah chun tuknâk a hawng um le, Mikael leh a vânmifial tla nih rûlrêu chu an do le, rûlrêu leh a mifial tla khawm nih an hawng do na bâk.

THUPHUANG 12:7 ပူးပေါင်းရင်းမြစ်များ

SAM 78:49

A thinthawknâk leh a thinrunhnâk fâk tak a hawng fial mi nih chun hamhnâk fâk tak a pêk na.

ISAI 34:5

LALPA nih a nâmsâu chu vân ah a timhtuah le, tuah Edom mawhtir hen râwk a tum mi chu a vuak awt.

ISAI 55:4

Anih chu phun tla lakah ruitu ah leh thupêktu ah ka siam le, amah mang hen ka thiltikhonâk ka langh.

DANIAL 10:13

Persia ram vêngtu vânmifial nih ni kul leh ni khat kar hawng ka do, churawhchun Persia ram ah keimah lâwng siah hen ka um ruangah vânmifial lakah a lianchem mi Mikael keimah ṭangpi ding hen a hawng.

DANIAL 12:1

Puan nêm aih mi vânmifial nih, “Chu tik chun na mi tla vêngtu vânmifial rokual tak Mikael a hawng lang lai. Churawhchun, lawksawngnâk tik a hawng um lai le, phun tla a hawng um dawmhnâk hen a fâk chem mi asi. Chun hun chu a hawng tlung tik chun na mi tla Pathian lasuibu lakah an min rîn hen a um mi vial an him lai.

MATHAI 13:41

Minung Fapa nih hin a vânmifial tla chu a fial lai le, a ram thawk hen sualtirtu tla leh thilsual titu tla zawzawng chu a khawk na lai le,

MATHAI 16:27

Minung Fapa hi a vânmifial tla hen a Pa rokualnâk a thuam hen a hawng kal awt ruangah; chu tik chun mikip an thilti hâwi vima hen a rulh chiau lai.

MATHAI 24:31

Chun, a vânmifial tla chu tâwtawrâwt hâu fâk tak hen a fial na lai. Chun thîm mi tla chu kâwlkil li ah mi dawnghnâk thawk hen khatlei dawngh tiang hen an pumh lai.

MATHAI 25:41

“Chu thluh chun, a kehlei ah mi tla sinah khawm chun, ‘Siatbarh mi tla, zungzâl mei Diabol leh mifial tla rangah an timhtuah mi lakah chun hawng ka kaltâk u,

MATHAI 26:53

Tu khawm ah vânmifial sâng ruk mun leinih ngâk a tam dauh hawng ka fial piak ding hen ka Pa sinah ngiar kho lo hen ma na ka ruat?

2 KORIN 12:7

Chun, theihtirnâk tla chu thungâi a fâk ruangah ka sung-û tir tuk lonâk ding hen taksa ah ling hawng ka pêk asi. Setan mifial, kut nurnâk ah hawng ka mangtu ding mi chu; chu lo chun ka sung-û tir tuk lebang lai.

EPHESI 6:12

Kan paihpi mi tla hi taksa leh thisen an si lo, lalnâk leh thuneihnâk tla leh hi thim tlûnah lâirêltu tla leh vân mun tla ah thlarau sual um mi tla an si dauh.

HEBRAI 2:10

Pathian thil zeizawng siamtu leh kiltu nih chun fa tam tak a rokualnâk ting ding hen a hawng put kim na ding hen a tuarnâk ruangah Jisu siam rangtling chu a dik asi. Jisu chu ruangsuahnâk ding hen anmah tla rui natu pakhat asi ruangah.

2 PETER 2:4

Vânmifial tla nih thil an sual liau khan Pathian nih a zuah lo le, rêpmun ah a lawnh le, lâirêl piak ding ni ngâk hen khur mûi ah a khumh rawh.

JUD 1:9

Mikael vânmifial chungnungchem men kha, Mosi ruak thu ah anna êl liau khan, Diabol tlûnah thu rêl piak hen mawh a phurhtir ngam lo le, “Lalpa nih a nan fâi dauh seh” a ti.

THUPHUANG 12:8

Sikhawmsele, rûlrêu chu an neh le, amah leh a mifial tla chu vân ah um siang asi lo rawh.

THUPHUANG 12:9

Chun, rûlrêu lianpi, Diabol mawh, Setan an ti mi, laikulh zawzawng perpettu chu tual ah an lawnh rawh, a mifial tla khawm an lawnh sih.

THUPHUANG 13:7

Chun mi thenhlimh tla chu do hen neh siang an si le, chi kip tla, mikip tla, hawlh kip tla, phun kip tla tlûnah thuneihnâk pêk asi.

THUPHUANG 20:2

Chun, rûlrêu, rûlpi tar, chu chu Diabol mawh, Setan chu a tleih le, kum sâng khat rang ding hen a phuar rawh.