THUPHUANG 12:2 - Bawm Common Language Bible Version

² Chu nih chun nâu a pâwi le, nâu neih nganfâk tuar hen a râk rawh.

THUPHUANG 12:2 ပူးပေါင်းရင်းမြစ်များ

ISAI 26:17

LALPA, nangnih nunau nganfâk tuar a râk mi hâwi hen na kan râktir.

ISAI 53:11

A tuar thluh nûnah, lâwmnâk a nei nawlh lai le; a tuarnâk chu a thawt asi lo zia a theih lai rawh. Ka sunhsak tak mi to-aw, ka lawmh tak mi nih chun mi tam tak rêp ding mi rûlah a tuar lai le, amah ruangah ka ngaihdam na lai.

ISAI 54:1

Jerusalem, nang chu nunau fa nei lo hâwi na si le, sikhawmsele tu lam chu lâwm ruangah la sak hen âu kho na si rawh. Tu chun nunau, a pasal nih a umpi kumza mi ngâk hen fa tam dauh na nei lai.

ISAI 66:6

Khuapi ah rihâu fâk tak, Biakin ah mi rihâu, LALPA nih a mêlma tla a rêp na mi hâu chu ngâinik u!

MIKAH 4:9

Zei rangah fâk tak hen na ṭap? Nunau nganfâk tuar hâwi hen zei rangah na tuar? Lal nei lo hen remruattu tla an thi ruangah ma?

MIKAH 5:3

Churuangah LALPA nih a mi tla chu fapa ring lânlo chu an mêlma sinah a mi chu a kaltâk awt rih. Churawhchun, ram sungah a hâwi tla sal ah an um mi tla chu anmah minung tla hen anna fawnh nawlh lai.

MATHAI 24:8

Chubang zawzawng chu nunau nganfâk dawmhnâk asi.

JOHAN 16:21

Nunau a nganfâk liauah a ngaihsia tâwn, amah tik a tlung rawh ruangah; sikhawmsele, nau a nei rawh chun a lawksawngnâk chu a theih nawlh lo rawh; laikulh ah minung a hawng suak mi chu a lawmh ruangah.

GALATIA 4:19

Ka fa duhtak le tla! Krist chu nanmah lakah siam rangtling hen a um lânlo chun fa ring nganfâk hâwi hen kan lungkham nawlh na.

GALATIA 4:27

Pathian lasui thu nih, “Nang, ching, fa ring dahlo, a lâwm rawh! Nang, fa ring hen nganfâk tuar dahlo, âu rawh! Pasal nei mi ngâk chun um harnu nih chun fa le a nei tam dauh asi,” ti hen a sim hâwi khan.

THUPHUANG 12:4

A mei hen chun vân ârfi tla mun thum ṭhen hen mun khat a nûk le, tual ah a thlâk rawh, chun, nunau nih fa a ring ding mi chu a ring kâ hen a dawlh khonâk ding hen a mâika ah a dîr ko.