THUPHUANG 12:11 - Bawm Common Language Bible Version

¹¹ Kan unau tla nih chun Dawrâ Fa thisen zârah leh thih ngamh rê hen thudik an phuangnâk zârah anih chu an neh rawh;

THUPHUANG 12:11 ပူးပေါင်းရင်းမြစ်များ

LUK 14:26

“Âuzawng ka sinah hawng kaltu nih chun a pa le, a nu le, a nupi le, a fa le, a unau le, a farnu le, amah nungnâk khawm a hua lo chun ka ṭhiruai asi kho lai lo.

JOHAN 16:33

Hi bang thu hi nan sinah ka sim rawh hi; keimah lak hin nan lungngamnâk ding hen. Laikulh ah hin hamh hen nan um tâwn; sikhawmsele, lungngam tak hen um u, laikulh ka neh rawh,” a ti.

THILTI 20:24

Sikhawmsele, ka tekzuamnâk lampi ka mabân lîm ding leh Pathian zângfahnâk Thâwngthâng Ṭha theihtir ding hen, Lalpa Jisu sinah kha bang rianṭuannâk rian ka tawng mi kha ṭuan dih tâ sele ka nungnâk khawm unh tlâk ah ka ruat lo.

THILTI 21:13

Chun, Pawl nih a sâng le, “Zei rangah nan ṭap le, nan ka ngaihsia tir? Lalpa Jisu min ruangah chun Jerusalem khua ah phuar cho tâwk ka ti lo le, thih khawm ka iam asi,” a ti.

ROM 16:20

Chun, remnâk Pathian nih chun nan kêzaphah tangah Setan chu a nan lamhbêktir sawm na lai. Kan Lalpa Jisu Krist zângfahnâk chu nan sinah um seh.

1 KORIN 15:57

Sikhawmsele, kan Lalpa Jisu Krist zârah nehnâk hawng kan pêktu Pathian sinah chun lâwmthu um seh.

1 JOHAN 4:4

Sikhawmsele, fa le tla, Pathian sinah mi nan si le, khuavâng telê chu nan neh rawh, laikulh lakah mi thlarau neitu ngâk hen nanmah lakah a um mi Thlarau chu a chak dauh ruangah.

1 JOHAN 5:5

“Jisu chu Pathian Fapa asi” titu cho lo nih chun âunih me laikulh a neh kho?

THUPHUANG 1:2

chu Johan nih chun Pathian thu leh Jisu Krist theihtirnâk thu leh a thilmuh tla chu a theihtir.

THUPHUANG 1:9

Kei, Johan nan unaupa. Jisu ah hamhnâk tla, a ram leh a tuarnâk ah an bâwmpi natu hi, Pathian thu ruang leh Jisu theihtirnâk thu ruangah Patmos tikulh ti mi ah chun siah hen ka um le,

THUPHUANG 11:7

Chun, an theihtirnâk thu chu an sim dih tikah Sarâng khurtawdawnglo thawk hen a hawng suak mi nih khan a do na lai le, a neh na lai le, a thah na lai.

THUPHUANG 12:17

Chun, Rûlrêu chu nunau tlûnah a thinthawk le, a thlak tla an um rih mi, Pathian thupêk tla zâwt hen Jisu theihtirnâk thu pawmtu tla chu do ding hen a suak rawh.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 2:13

Setan tophah umnâk ah na um mi kha ka nan theih; ka min na kil thlir le, Setan umnâk ah hawng ka theihpitu zumhkâi tak Antipa an thah liau khawm khan ka rangah na dik hen na lungnâk na thlâu lo asi.

THUPHUANG 2:17

“Thlarau nih kawhmi tla sinah thu a sim mi hi nâ a nei mi nih chun theih na seh! “A nehtu zawng sinah manna thuh mi chu ka pêk lai, lungvâr khawm ka pêk chiau na lai, chu lung tlûnah min thar â rîn mi hen, chu chu a tingtu cho lo nih chun âukhawm nih an theih lo, a ti” ti hen.

THUPHUANG 2:26

A dawngh tiang hen ka duhzia hâwi hen zumhkâi tak hen ṭuantu leh nehtu chu ka Pa sinah thuneihnâk ka tawng mi hâwi hen phun tla tlûnah thuneihnâk ka pêk na lai.

THUPHUANG 2:7

“Thlarau nih kawhmi tla sinah thu a sim mi hi nâ a nei mi nih chun theih na seh. “A nehtu vial sinah chun Pathian Dûm ah mi nungnâk thing rah ei ding hen thu ka pêk lai a ti,” ti hen.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.

THUPHUANG 3:12

A nehtu vial chu ka Pathian Biakin ah chun intung ah ka siam lai le, chu thawk chun an suak lai lo rawh. Chun, anmah lakah chun, ka Pathian min leh, ka Pathian khuapi Jerusalem thar, ka Pathian sinah mi vân thawk hen a hawng ṭum ding mi min chu ka rîn lai le, ka min thar khawm ka rîn lai.

THUPHUANG 3:21

A nehtu vial chu ka laltophah ah ka sinah ka totir lai le, kei khawm nih ka neh le, ka Pa sinah a laltophah ah ka to hâwi hen.

THUPHUANG 3:5

A nehtu vial chu hâwi hen puanvâr aihtir an si lai le, Nungnâk lasuibu ah mi an min chu ka râwk rîimâl lai lo, ka Pa mâika ah leh a vânmifial tla mâika ah an min ka phuang dauh lai.

THUPHUANG 6:9

Chun, Dawrâ Fa nih chun singsiahnâk panganâk chu a samh kâ hen mâichâm tangah chun theihtirnâk thu zumhkâi tak hen an pawm mi ruangah leh Pathian ruangah an thah na mi thlarau tla ka muh.