THUPHUANG 12:10 - Bawm Common Language Bible Version

¹⁰ Chun, vân ah aw-hâu fâk tak ka theih mi nih chun, ‘Tuah chun kan Pathian ruangsuahnâk leh a thiltikhonâk leh Lal a sizia chu a langhtir le, tuah a Mesia thuneihnâk chu a langhtir rawh! Kan unau tla phiar hen Pathian mâika ah a sûn a zân hen a dîr tâwn mi chu vân thawk hen lawnh asi rawh,” a ti.

THUPHUANG 12:10 ပူးပေါင်းရင်းမြစ်များ

1 CHRONICLES 29:11

Nang chu na rokual hen thil na tikho, na rokual hen na chêu hen na lal. Tual leh vân ah mi thil zeizawng na tâ asi, nang chu lal zeizawng tlûnah lâirêltu sâng chem na si.

JOB LASUIBU 1:11

Sikhawmsele tuah a neih zawzawng lâk piak nik, na mâichâng ah an sâwi lai!” a ti.

JOB LASUIBU 1:9

Setan nih a sâng le, “Zeikhawm nei lo sele, Job nih an sawnh lai mazei?

JOB LASUIBU 2:5

Sikhawmsele, tuah a taksa lakah nganfâk pêk nik, na mâika ah a nan simsiat lai!”a ti.

SAM 22:28

LALPA chu lalchem asi, phun tla lâi a rêl.

SAM 45:6

Pathian nih a nan pêk mi lalram chu zungzâl hen a um lai. Na mi le tla chu repnâk hen lâi na rêl lai.

DANIAL 2:44

Chu liau lâirêltu san ah vân Pathian nih ram a hawng dirh lai. Dawngh ti a um lai lo rawh, neh hen a um lai lo rawh le, lalram zawzawng râwk hep hen a um lai le, zungzâl hen a um kumza lai rawh.

MATHAI 26:64

Jisu nih a sinah, “Si ta a. Sikhawmsele, ka nan simh, hi nûnah Minung Fapa hi thiltikhonâk vawrhlei ah to hen, a vân sûm tlûnah a hawng kal mi nan muh awt asi,” a ti.

MATHAI 28:18

Chun, Jisu chu an sinah a hawng kal le, annih tla chu a sawnh na, “Tual leh vân ah mi thuneihnâk zawzawng ka sinah pêk asi rawh.

MATHAI 6:10

Na Ram hawng tlung seh. Na duhzia vânah mi nih anti hâwi hen, tualah mi nih khawm ti seh.

LUK 11:2

Chun, anih nih chun an sinah, “Thla nan cham chun hi hâwi hen ti u: ‘Ka pa, Na min zahkâi seh, Na ram hawng tlung seh.

LUK 22:31

“Simon, Simon, ngâinik, Setan nih fâng khei hâwi hen an khei khonâk ding hen nannih tla hi a nan deih na asi.

1 KORIN 5:4

Nannih leh ka thlarau chu kan Lalpa Jisu thiltikhonâk ah a pûm hen,

2 KORIN 12:9

Chun, anih nih chun ka sinah, “Ka zângfahnâk na rangah â tâwk; ka thiltikhonâk hi chaklonâk ah asi rangtlingtir hen a um mi chu,” a ti rawh. Chun, Krist thiltikhonâk chu ka tlûnah a um khonâk ding hen lâwm tak hen ka chaklonâk tla hi ka putso dauh lai.

TITA 2:3

Tarnu tla khawm nih Pathian thu chu an simsiat lonâk ding hen, nunau kum no dauh tla chu an pasal zângfah ding leh fa zângfah ding leh thinlung rep tak hen um ding leh thenhlimh tak a um ding leh, mah in ah rianṭuantu ah um ding leh, vêlnei hen um ding leh, mah pasal tla thu thu a um ding hen nun an simh na kho ding hen an umdân lak khawm ah Pathian zah mi tla, phiartu tla leh zû duh mi tla silo hen, ṭhat leikângah sîntirtu siding hen fawrh rawh.

1 PETER 5:8

Ruat tet ule, a ringrâwn u: Nan leido Diabol chu chakeibaknei hâwi hen âumawh veih ding hâwl hen nan kiangkam ah a hûk asi.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 2:26

A dawngh tiang hen ka duhzia hâwi hen zumhkâi tak hen ṭuantu leh nehtu chu ka Pa sinah thuneihnâk ka tawng mi hâwi hen phun tla tlûnah thuneihnâk ka pêk na lai.

THUPHUANG 7:10

Chun, chubang tla nih chun, “Kan Pathian laltophah ah a to mi leh Dawrâ Fa thawk hen kan ruangsuahnâk a hawng tlung rawh,” ti hen fâk tak hen an âu.