THUPHUANG 11:8 - Bawm Common Language Bible Version

⁸ Chun, an ruak chu an Lalpa an khenhbêk mi khua rokual zâwllâi ah an siah lai le, chu khua rokual zauhtirnâk ah chun Sodom, mawh Aigupta ti asi.

THUPHUANG 11:8 ပူးပေါင်းရင်းမြစ်များ

GENESIS 13:13

Chunah minung tla chu LALPA tlûnah an sual le, an ṭhalo.

GENESIS 19:24

Lâkkhatko ah LALPA nih Sodom leh Gomorah khuapi tlûnah chun kât alh a sûrtir le, tivakuam tla,

EXODUS 20:2

“Kei, LALPA nan Pathian, Aigupta ram ah mi sal nan sinâk lakah mi an suakpi natu chu kasi.

EXODUS 3:7

Churawhchun, LALPA nih a sinah, “Ka mi tla Aigupta ram ah an nehsawh na zia ka muh le, anmah rangah Aigupta sal vêngtu tla lakah mi ruangsuah na ding hen an âu hâu khawm ka theih. An tuar zia tla ka theih le,

ISAI 3:9

An thinlung ruat chu anmah lakah a tlâ lai. Sodom mi tla hâwi hen langngân hen thilsual an ti. Anna râwk le, anmah tlûnah an tlungtir.

JEREMIA 23:14

Sikhawmsele, Jerusalem khuavâng bilik nih an sual khun mi ka muh: ṭângdang pawmtâk hen âwkrâwl thu tla an sim; thil diklo ti ding hen mi tla an ṭangpi na, Mi âukhawm nih thilsual ti an bâng lonâk ding hen. Kei rangah an ṭhatlo zia chu an ektê hen Sodom leh Gomorah mi tla hâwi hen an ṭhalo.

JEREMIA 26:23

Lalchem Jehoiakim sinah an hawngpi le, anih nih chun a thah le, zatlâng vûinâk mun ah a ruak chu an lawnh.)

EZEKIEL 16:46

Na unu chu Samaria, a khua tla hen marlei ah um mi asi. Na naunu chu Sodom, a khua tla hen simlei kângah um mi asi.

EZEKIEL 16:49

Ei ding tam tak nei hen thlangam tak hen dâi riang an um ruangah amah leh a fanu tla chu anna zûm phah, sikhawmsele mipâm tla an zauhkhenh lo hen thawsuak hen an siam na lo.

EZEKIEL 23:19

A lân ngâk hen â zuar dân a fâk dadauh le, Aigupta ram ah a nungâk liauah â zuar mi nunau asi liau hâwitê hen thil a ti.

EZEKIEL 23:27

Aigupta ram ah na umnâk ah thil nâwmtâm na ti mi leh na hurnâk tla ka bângtir lai rawh. Milem tla khawm na zauh lai lo rawh le, Aigupta lei khawm na dawn lai lo rawh,” a ti.

EZEKIEL 23:3

An nungâk liauah Aigupta ah an um le, an nungâk thenhlimh sinâk an thlâu le, â zuar mi nunau ah anna chang.

EZEKIEL 23:8

Aigupta ah a nungâk thenhlimh sinâk thlâu hen nunau â zuar mi asi vima. Seinotê asi liauah mipa nih an ihpi le, nunau â zuar mi hâwi hen an ti kumza.

EZEKIEL 37:11

Pathian nih ka sinah, “Thikho mi minung, Israel tla chu hi ruh karo hâwi an si. ‘Mâilei ah lungumnâk zeikhawm umlo hen kan châr fêk rawh,’ a ti.

AMOS 4:11

“Nan lakah mi zeimaw mi chu Sodom leh Gomorah mi hâwitê hen ka veih na. Nan lakah a thibang tla chu ṭhianṭhunh mei nih a khangh mi lakah thuak mi hâwi nan si. Chu khawm ah ka sinah nan hawng kîr lo nget rih,” LALPA nih a ti.

MATHAI 10:15

Thungâi tak hen ka nan simh na, lâirêl ni ah chun chu khua tla tuar ngâk chun Sodom leh Gomorah ram tuar ding chu a ziachâng a um dauh lai.

THILTI 9:4

chun tual ah a tlû le, a sinah, “Sawl, Sawl, nangnih zei rangah na hawng ka nehsawh?” ti hen, hâu a theih.

HEBRAI 13:12

Chun, Jisu khawm nih amah thisen tak hen sual lakah mi zapi thenhimhtir na ding hen kulh lênglei ah a tuar rawh.

HEBRAI 6:6

chun chu nûnah chun an tlû rawh! Chubang hâwi mi tla chu rim nawlh ding hen kîrtir nawlh kho an si loh, Pathian Fapa chu Kraws ah khenhbêk nawlh leh zatlâng lakah an mualphoh ruangah.

2 PETER 2:6

Pathian nih Sodom leh Gomorah khua tla chu Pathian sunhsaklotu tla tlûnah thil a hawng lang ding mi zauhtirnâk ah siam hen mei ah veih hen an um rawh.

JUD 1:7

Sodom leh Gomorah leh a kiangkam mi khua ah an um mi tla nih, vânmifial tla hâwi hen hurnâk leikâng thil ti hen kalsualtu tla chu fiang tak hen simh an si hâwi hen zungzâl mei lakah rêp an si mi kha theihkumza u.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 11:9

Chun, mi zapi lakah phun zawzawng tla, phun kip leh hawlh kip nih, ni thum leh sûnlân an ruak tla chu an zauh lai le, a vûi ding an siang lai lo.

THUPHUANG 14:20

Chun, grep rah tla chu khuapi lênglei ah grep sûrnâk ah an chîl le, chun, grep sûrnâk khur thawk hen chun, thisên a hawng suak le, mêl zanih tiang a luang le, feet nga tiang a thûk.

THUPHUANG 14:8

Chun, vânmifial panihnâk nih chun, “Babulon khua rokual ah mi pungmang nâk uain hâi, phun zawzawng dintirtu chu a tlû rawh, a tlû rawh,” a ti.

THUPHUANG 16:19

Chun, khua rokual chu mun thum hen â ṭhen le, ram kip mi khuapi zawzawng chu â râwk ver rawh. Chun, Pathian nih Babulon khua rokual tak chu a theihkumza le, a thinthawknâk fâk tak uain hâi chu a dintir rawh.

THUPHUANG 17:1

Chun, vânmifial pasarih, berhbu pasarih puttu lakah pakhat chu ka sinah a hawng le, “Hawng le, nunau â zuar mi minthang tak rêp ding mi, tiva tam tak kiangah khuapi rokual tak chu ka nan zauhtir lai.

THUPHUANG 17:18

Chun, “Nunau na muh mi kha khua rokual tak, tual ah lal tla tlûnah lâirêltu chu a si,” a ti.

THUPHUANG 17:5

A chal ah thuthup, “Babulon khua rokual, â zuar mi zawzawng tla nu leh laikulh ruisualtu,” ti hen a min â rîn.

THUPHUANG 18:10

a rêpnâk ṭih ruangah lât takah an dîr mi tla nih chun, “Babulon khua rokual tak chu ṭihnung a kâi hen a tlûn a pit! Dârkar khat lak ko ah hi Babulon khua rokual tlûnah hin rêpnâk a hawng tlung ngâk chu!” an ti.

THUPHUANG 18:18

a kâng mi khû chu an muh le “Hi hâwi tluk hen khua rokual chu a um nawlh lai lo rawh,” ti hen an âu.

THUPHUANG 18:2

Vânmifial nih chun hâu fâk tak hen, “Babulon khua rokual tak, khuri tla, thlarau nâwmtâm tla, nâwmtâm kip leh vâ nâwmtâm tla umnâk chu a tlû rawh;

THUPHUANG 18:21

Chun, vânmifial rokual tak nih lung lianpi, fângrialnâk tî ah mi a sar le, tisumsumriat ah a lawnh le “Babulon khua rokual chu hi hâwi hen fâk tak hen lawnh asi lai le, âukhawm nih an muh nawlh lai lo rawh,” a ti.

THUPHUANG 18:24

Khuapi sungah khuavâng tla leh Pathian mithenhlimh tla thah hen an um mi thisen zawzawng chu muh asi ruangah Babulon chu rêp asi rawh,” a ti.