THUPHUANG 11:3 - Bawm Common Language Bible Version

³ Chun, ka thu theihpitu mi panih chu ka fial lai le, salâpuan aih hen ni sâng khat zanih leh sâwmruk Pathian thu an sim lai,” a ti.

THUPHUANG 11:3 ပူးပေါင်းရင်းမြစ်များ

GENESIS 37:34

Jakob chu a lung a fâk tuktarâi le, a puan a thlêk le, salâ â aih. Sâwt tak hen a fapa chu a ulh.

2 SAMUEL 3:31

Churawhchun, David nih Joab leh a mi tla chu an puan thlêk hen Abner sûnnâk salâ aih ding hen thu a pêk na. A vûi nâkah lalchem David khawm lâng dung leiah a kal bâk.

1 Lal 21:27

Elija nih thu a sim thluh rawh chun Ahab nih a puan a thlêk le, a lawnh ving le, salâpuan â aih; buh khawm ei lo hen salâpuan aih hen a it le, lawksawng leh zûr hen â sawk mang.

2 Lal 19:1

Lalchem Hezekiah nih chu thu chu a theih kâ hen a puan a thlêk, salâpuan â aih le, LALPA Biakin ah a kal.

1 CHRONICLES 21:16

David nih vânmifial a nâmsâu put hen Jerusalem râwk ding sek hen vân lâi ah dîr mi a muh. Churawhchun, David leh zapi tla ruitu zawzawng nih salâpuan anna aih le; an mêl tual tawngh khet hen an kûn.

NEHEMIAH 9:1

Chu thla lîlâ ni kul leh ni li ni ah Israel tla chu an sual anna sîr ti theihnâk ding hen buhngei hen anna pûm.

JOB LASUIBU 16:15

Salâpuan aih hen zûn ka ulh. Valeidip lakah ka to le, neh kasi rawh.

SAM 69:11

Ulhnâk puan hen ka thuam le, an hawng ka nihsanh.

ISAI 22:12

LAPA zahkâi, Zeizawng tikho nih chun, ṭap ding leh ulh ding hen nan lû mêt ding leh salâpuan aih ding hen a nan kawh na.

JEREMIA 1:10

Tusûn ni ah hin, phun tla leh, lalram phâwi leh siat ding hen, râwk leh lawnh ding hen, dirh leh phun ding hen thuneihnâk ka nan pêk asi,” a ti.

LUNGFÂKNÂK 2:10

Jerusalem ah tarpa tla chu dâisip hen tual ah an to le, An lû ah valeidip an phulh le, an tak lakah salâpuan anna aih, Nungâk tla khawm tual leiah an buk.

EZEKIEL 4:6

Chu chu na lîm rawh chun na vawrhlei kâng denh hen a her le, Juda tla sualnâk ruangah rêpnâk chu kum khat rûlah ni khat vima hen ni sâwmli na tuar lai.

DANIAL 12:7

Chu vânmifial nih chun a kut vân leiah zangh bû hen zungzâl Pathian min hen thu bir tak hen a tiam. A thusim ka theih mi chu, “Kum thum leh a khing asi lai. Pathian mi tla nehsawhnâk a dawng tikah chubang thil zawzawng tla hi a hawng tlung lai,” a ti.

DANIAL 7:25

Anih nih Pathian rokual kalh hen thu a sim lai le, Pathian mi tla a nehsawh na lai. Anih nih an phung dân leh kût ni tla dangtîr a tum lai le, kum thum leh a khing chu Pathian mi tla chu amah thuneihnâk tangah an um lai.

DANIAL 8:14

Vânmifial dang nih a hawng sâng mi ka theih le, “Zînglei leh zânlei bâwlnâk ap lo hen a um kar ni sâng khat leh zâ leh sâwmnga kar vial chu a hawng um lai. Chu tikah Biakin chu dirh nawlh asi lai,” a ti.

JOEL 1:13

Nannih bâwlpu, mâichâm rianṭuantu tla, salâpuan a aih ule, ṭap u. Nan Pathian sinah ap ding hen fâng leh uain a um lo rawh.

JONA 3:5

Ninevi khua mi tla nih Pathian thuchah chu an lung rawh. Churawhchun, mikip nih buh ngei ding hen thu an thlûk le, mi zawzawng a lianchem thawk hen a mêchem tiang nih an rim ti theihnâk ding hen salâpuan anna aih.

JONA 3:8

Minung leh ran zawzawng khawm nih salâpuan aih hep ding asi. Mikip nih thinlung tak hen thlacham chiau hen thilsual ti duhnâk leh thilsual ti mi tla lêt hep ding asi.

NUMBER 11:26

Ruitu sâwmsarih lakah mi panih, Eldad leh Medad chu riakmun ah an um ko, suak hen Puanin leiah an va kal lo. Chu riakmun ah annih sin khawm thlarau a hawng tlung le, khuavâng hâwi hen an âu.

MATHAI 11:21

“Korazin, na tlûn a pit, Betsaida, na tlûn a pit, nan lakah thilchê ti mi tla kha Tura leh Sidon ah ti si sele, salâpuan aih hen valeidip nâwngah to hen an rim ving lai rawh.

MATHAI 18:16

A nan ngâi piak lo lam chun, midang pakhat mawh panih mawh na sinah put le, chuvachun thu zeizawng chu theihtu panih mawh pathum mawh kâ lakah birhtir hen a um khonâk ding hen.

LUK 10:13

“Korazin, na tlûn a pit! Betsaida, na tlûn a pit! Nan lakah thilchê tak ti hen a um mi tla kha Tura leh Sidon khua ah ti mi si sele, salâpuan aih hen vachâm lakah to hen an rim ving lai rawh.

LUK 24:48

Chubang thil zawzawng chu a theihtu nan si.

JOHAN 15:27

Nannih khawm nih nan theihtir bâk lai, a tîr thawk hen ka sinah nan um ruangah.

JOHAN 3:27

Johan nih a sâng le, “Minung nih zeikhawm a nei kho lo, vân ah mi pêk asi lo chun.

THILTI 1:8

Sikhawmsele, Thlarau Thenhlimh chu nan tlûnah a hawng tlung tikah thiltikhonâk nan nei lai. Chun, Jerusalem ah, Juda leh Samaria ram khua kip ah leh kâwlkil tiang khawm hen ka thu theihpitu tla nan si lai,” a ti.

THILTI 13:31

chun, Galili ram thawk hen Jerusalem ah amah rual hen an kal bâk mi tla sinah chun ni sâwt tak kar chu â langh tâwn; chubang mi tla chu tuhin mi sinah a thu theihpitu tla an si.

THILTI 2:32

Jisu chu Pathian nih a thawh nawlh asi, chu chu a theihtu kan ektê hen kan si ver asi.

THILTI 3:15

Chun, Nungnâk Siamtu chu nan thah asi. Sikhawmsele, Pathian nih anih chu mithi lakah mi a thawh nawlh-- chu chu a theihtu tla kan si.

1 KORIN 12:28

Chun, Pathian nih zeimaw mi tla chu kawhmi le tla lakah a siah le, a pakhatnâk ah chun mifial tla, a panihnâk ah chun khuavâng tla, a pathumnâk ah chun sîntirtu tla a siah le; chu mi nûnah chun thilchê ti tla a um le, chu mi nûnah chun damtir khonâk thilpêk tla, ṭangpi khonâk thilpêk tla, lâirêl thiamnâk thilpêk tla, hawlh chi dang dang hen thusim khonâk thilpêk tla chu a um nawlh.

2 KORIN 13:1

Hi hi nan sinah ka hawng kal veithumnâk ding asi. Theihtu tla panih mawh pathum mawh kâ ah chun thu kip birhtir hen a um lai.

EPHESI 4:11

Chun, lungnâk leh Pathian Fapa theihnâk leikângah chun thuruat hen, upa si hen, Krist rangtlingnâk lianh zia tluk hen kan ektê hen kan um lan lo chu,

DEUTERONOMY 17:6

Chu hâwi chu a mawh ti minung panih mawh chu ngâk a tam mawh theihpitu a um tik cho ah thah asi lai le; theihpitu minung pakhat cho asi chun thah ding asi lo.

DEUTERONOMY 19:15

“Mi nih thilsual a ti mi lakah theihtu pakhat ko chu a tam tâwk lo; mi a mawh asi ti theih ding hen a tâwm leiah theihpitu panih a herh.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.

THUPHUANG 11:6

Chubang tla nih chun thu an sim kar vial chu ruah sûr lo ding hen vân pingtir khonâk an nei, an duh tik zawng ah thisen ah changtir ding hen tiva tla tlûnah thuneihnâk an nei le, laikulh hi rêpnâk râi chi kip hen rêp ding hen thu an nei.

THUPHUANG 12:6

Chun, nunau chu ramkaro ah Pathian nih amah rangah mun a ruat piak mi ah chun a tek rawh, chunah ni sâng khat zanih leh sâwmruk an châwm khonâk ding hen.

THUPHUANG 13:5

Chun, sarâng chu sual thu ṭihnungkâi tak sim ding leh thla sâwmli leh thla nih thuneihnâk pêk asi.

THUPHUANG 19:10

Chun, amah chu sawnh ding hen a kebul ah ka kûn le, sikhawmsele, anih nih ka sinah, “Kha hâwi hen ti lah, kei chu nangmah unau leh Jisu thusim zâwttu tla hâwi hen to-aw kasi, Pathian lam sawnh rawh,’ a ti. Jisu nih thudik a sim mi chu khuavâng tla lakah thaw khumh hen thu sim asi.

THUPHUANG 20:4

Chun, laltophah tla ka muh le, a tlûnah mi an to le, an sinah lâirêlnâk an pêk na le, chun, Jisu theihtirnâk thu ruangah leh Pathian thu ruangah lû tan hen an thi mi thlarau tla leh sarâng leh a lem mâimûk lo hen, an chal ah mawh, an kut ah mawh singsiahnâk neilotu tla thlarau khawm ka muh le, chubang tla chu an nung le, Jisu Krist hen kum sâng khat lâi an rêl.