THUPHUANG 11:19 - Bawm Common Language Bible Version

¹⁹ Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 11:19 ပူးပေါင်းရင်းမြစ်များ

SAM 105:32

Ruah sûrtir lo hen ṭêk leh rial a tlâktir.

SAM 18:12

A mâilei mi mîmthlalek thawk hen mei leh rial a hawng um le, sûm sah tak chu a lanh zar.

ISAI 28:2

LALPA nih âumawh mi chak leh thiltikho tla anmah do ding hen tîm chia zet a nei le, zeimaw mi chu thli leh ruahpi lakah rial hâwi, a zeimaw mi chu ruah tukpi hâwi, a zeimaw mi chu tîlian fek tak hâwi hen an hawng kal lai le, chu tla chu ram an khat zat lai.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

ISAI 30:30

LALPA nih a lâirêl diknâk chu mikip rangah a theihtir lai le, a thinthawknâk fâk tak a theihtir na lai. Chunah chun, meialh tla, sûmpi tla, rial tla, ruah tukpi tla a hawng um lai.

ISAI 32:19

(Sikhawmsele thing mun ah rial a tlâ lai le, khuapi chu a chim lai.)

EZEKIEL 13:11

Khuavâng tla chu an kulh a tlû ding mi simh na. Tî a tlê mi hâwi hen ruah ka sûrtir awt. Rial tla a tlûnah a tlâ lai le, thli chawp tak a lakah a râng lai.

EZEKIEL 13:13

Tuah hi hi LALPA Zahkâi nih a sim mi asi: “Ka thinthawk ruangah thli chawp tak, ruah tukpi leh rial tla kulh râwktu ding hen ka hawng fial awt.

EZEKIEL 38:22

Râi leh thisen suahnâk hen ka rêp lai. Ruah tukpi leh rial, mei leh kât hen amah leh a kawrsen tla leh amah lei ṭângṭawmtu phun tam tak tlûnah ka sûrtir lai.

NUMBER 10:33

Zapi tla nih Sinai tlâng thenhlimh chu an kaltâk rawh le, ni thum ding an kal. LALPA Thudântuk Bâwm chu an riaknâk mun hâwltu si hen an mâilei ah a kal.

NUMBER 4:15

Chun, riakmun chu an lâwm tikah, Aron leh a fapa tla nih a thuamthil zawzawng chu an khuh thluh rawh chun Kohat thlâk tla chu thil thenhlimh zawnh ding hen an hawng ding asi. Kohat thlâk tla nih thil thenhlimh tla chu an tawngh ding asi lo, an tawngh chun an thi lai. Hi hi zeiliau zawng ah Puanin an ṭhial kip ah Kohat thlâk tla mawhphurhnâk asi.

NUMBER 4:5

LALPA nih Mosi sinah hi bang hâwi sîntirnâk tla hi a pêk. Um mun ṭhial tikah Aron leh a fapa tla chu Puanin sungah an va lût lai le, Thudântuk Bâwm mâika mi puanzâr chu an lâwm lai le, chu hen chun Bâwm chu an khuh lai.

JOSUA 10:11

Amor tla Israel kawrsen lakah thawk hen an tek hen tlâng an liam liauah chun LALPA nih rial lian tak lampi tluan hen Azekah tiang hen a tlâktir. Israel tla nih an thah na mi ngâk hen rial nih a thah na mi an tam dauh.

THUPHUANG 11:13

Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 11:15

Chun, vânmifial pasarihnâk nih chun a tâwtawrâwt chu a tum le, “Laikulh ram chu kan Lalpa leh Mesia ram a hawng si rawh, anih nih chun zungzâl hen lâi a rêl lai,” ti hen vân thawk hen aw-hâu a hawng suak.

THUPHUANG 12:1

Chun, thilchê rokual tak vân ah a hawng lang le, nunau nî hen â thuam le, a kê tangah thlâpa a um mi, ârfi leinih hen siam mi lallukhuh â khuh mi a um.

THUPHUANG 16:1

Chun, Pathian biakin thawk hen hâu fâk tak hen vânmifial pasarih tla sinah, “Kal ule, Pathian thinthawknâk berhbu tla chu tual ah thlêt u,” a ti mi ka theih.

THUPHUANG 16:18

Chun, mîmthlalek tla, aw-hâu tla, khuari tla, lî fâk tak â nîn le, tual ah minung siam tîr thawk hen chu hâwi hen lînîn fâk chu a um dahlo.

THUPHUANG 16:21

Chun, rialpi lian tak, khîng sâwmnga rit chiau vân thawk hen minung tla tlûnah a tlâ, chun, chu hâwi rêpnâk ruangah minung tla nih chun Pathian hawlhsiat an barh rawh.

THUPHUANG 19:11

Chun, vân â awng mi ka muh le, chun, rang ngo leh a tlûnah â chuan mi, Zumhkâi leh Diktak, an ti mi chu ka muh le, anih nih chun rep tak hen lâi a rêl le, ral a do tâwn.

THUPHUANG 4:1

Chu nûnah chun langhtirnâk dang ka nei le, vân ah kawtkâ â awng mi chu ka muh. Chun, aw-hâu ka theih masa mi, tâwtawrâwt âwn hâu hâwi mi nih a hawng ka sawnh le, “Hinah hawng kâi rawh, hi nûnah thil a hawng um ding mi tla chu ka nan zauhtir lai,” a ti.

THUPHUANG 4:5

Chun laltophah thawk hen chun, mîmthlalek tla, aw-hâu tla, khuari tla chu ri urmar hen a hawng suak. Chun, meifâr pasarih laltophah mâika ah chun a alh le, chu tla chu Pathian thlarau pasarih tla chu an si.

THUPHUANG 7:15

churuangah, Pathian laltophah mâika ah dîr hen a sûn a zân hen a rian an ṭuan asi; chun, laltophah ah a to mi nih chun a vêng na lai.

THUPHUANG 8:5

Chun, vânmifial nih chun zeilo rimthâw duahnâk bâwm chu a lâk le, mâichâm mi mei hen a khattir le, tual ah a lawnh rawh. Chun, khuarît tla, aw-hâu dang tla, mîmthlalek tla, lînîn tla a hawng um sawm rawh.

THUPHUANG 8:7

Chun, a masa chem mi nih chun a tum le, rial leh mei, thisen hen chawmh mi, a hawng um sawm le, chubang tla chu tual ah lawnh asi rawh. Chun, tual mun thum ṭhen hen mun khat leh thing mun thum ṭhen hen mun khat chu a kâng hep, chun, belh ring zawzawng khawm a kâng ver.