THUPHUANG 11:18 - Bawm Common Language Bible Version

¹⁸ Lunglotu tla chu an thinthawk le, nang thinthawknâk khawm a hawng tlung bâk rawh. Mithi tla lâirêl piak tik leh na to-aw khuavâng tla sinah leh, mi thenhlimh tla sinah, na min zahtu mi lian leh mi mê tla sinah lâwmman na pêk ding tik leh tual râwktu tla chu râwk bâk na ding tik chu a hawng tlung rawh,” an ti.

THUPHUANG 11:18 ပူးပေါင်းရင်းမြစ်များ

SAM 103:11

Tual tlûn leiah vân a sâng mi hâwi hen, amah zahtu rangah a dâwtnâk a rokual.

SAM 110:5

LALPA chu na kiangah a um lai le; a thinrun tikah lal tla chu a neh na lai.

SAM 147:11

sikhawmsele, amah zahtu tla leh a dâwtnâk dawnglo ngauhsantu tla chu a lawmh na.

SAM 2:5

An sinah thinthawk hen thu a sim le, a thinrunhnâk hen a ṭhih na.

SAM 85:9

Amah zahtu tla chu hum ding hen â tîm kumza, kan ram ah hin ruangsuah ding hen hawng kan umpi kumza lai.

THUSIMTU 12:13

Hi bang tla nûnah hin, thil pakhat cho sim ding a um: Pathian ṭih rawh, a thupêk zûl, hi bang tla zawng hi minung a siam na mi tla rang ding asi ruangah.

THUSIMTU 8:12

Misual nih vei zâ thil sual a ti khawm ah a dam nget kho rih. Asi, thu an sim mi lakah: “Pathian thu na ngâi chun, thil zeizawng a dik lai.

DANIAL 11:44

Churawhchun, saklei thawk leh marlei thu a hawng tlung mi nih lâunâk a pêk lai le, thinthawk tak bû a do hen minung tam tak a thah na lai.

DANIAL 7:26

Churawhchun, vân ah mi lâirêlnâk a hawng um lai le, chu nih chun a thiltikhonâk chu a lâk piak lai le, a veih dep lai.

DANIAL 8:25

Krai thiam tak asi ruangah a perpetnâk ah chun a dingchang vima lai, thungâi hen â zûm lai le, zeikhawm simhkannâk umlo hen mi tam tak a veih na lai, lal zawzawng lakah a lianchem mi men a zuam lai le, sikhawmsele minung thiltikhonâk manglo hen veih hen a um.

MATHAI 5:12

Lâwm ule, lâwptlo hen um u; vân ah nan lâwmman a tam ruangah. Chu hâwi ber hen nanmah lânah khuavâng um tla khawm an nehsawh na tâwn.

LUK 1:50

A ṭihtu tla chu san nûnah san nawlh tiang hen, khua a ruat vima tâwn.

HEBRAI 9:27

Chun mikip rangah veikhat thih ruat asi, chu nûnah Pathian lâirêlnâk a um lai.

THUPHUANG 10:7

sikhawmsele, vânmifial pasarihnâk nih a tâwtawrâwt chu a tum tikah Pathian thuthup chu a tling lai rawh, a to-aw khuavâng tla sinah a phuang rawh hâwi khan,” a ti.

THUPHUANG 11:2

Sikhawmsele, biakin lênglei kulhsung lam chu tah sih lah, chu chu phun dang sinah pêk asi rawh, annih nih chun Khua Thenhlimh chu thla sâwmli leh thlanih an lamhbêk lai.

THUPHUANG 13:10

Âuzawng tleih tumtu chu tleih hen an um lai le, nâmsâu hen thah tumtu chu nâmsâu hen thah hen a um bâk lai. Chu chu mi thenhlimh tla felfênâk leh zumhkâinâk chu asi.

THUPHUANG 13:16

Chun, mi zawzawng, a lian a mê hen, a nei a pâm, to-aw leh to-aw lo tla khawm, an kut vawrhlei ah mawh, an chal ah mawh singsiahnâk a neitir na.

THUPHUANG 14:10

chu tla chu Pathian thinthawknâk uain, a thinthawknâk hâi ah khat dil a tleng mi dintu an si lai le, vânmifial thenhlimh tla leh Dawrâ Fa mitmuh ah mei leh kât hen rêp an si lai.

THUPHUANG 15:1

Chun vân ah chun singsiahnâk dang rokual tak leh chê tak ka muh le, vânmifial pasarih, rêpnâk pasarih puttu tla chu, chu chu rêpnâk madung chem chu asi, chu ri rawh chun Pathian thinthawknâk chu a dawng rawh.

THUPHUANG 15:7

Chun, thilnung pali lakah pakhat nih chun, vânmifial pasarih tla sinah, zungzâl hen a nung kumza mi Pathian thinthawknâk hen a khat mi ngûn berhbu pasarih a pêk na.

THUPHUANG 18:6

Amah nih a nan ti na mi hâwi hen va tirûl bâk u, amah thilti lehnih hen rulh bâk u. A nan dintir na mi lehnih ngâk a chak hen, a hâi lakah tleng piak bâk u.

THUPHUANG 19:15

Chun, a kâ thawk hen namsâu hâr tak a suak le, chu hen chun phun kip a neh lai, thîr ṭhianṭhunh hen lâi a rêl lai le, Pathian Zeizawng tikho thinrunhnâk fâk tak grep sûrnâk khur ah an sûr lai.

THUPHUANG 19:18

“Lal sa tla, kawrsen hotu sa tla, mi chak sa tla, rang leh a tlûnah chuantu tla, mi zawzawng, to-aw leh to-aw lo, mi lian leh mi mê tla sa nan ei khonâk ding hen, Pathian puai rokual tak tuahnâk ah hawng a pum u,” ti hen a âu.

THUPHUANG 19:5

Chun, laltophah thawk hen aw-hâu a hawng suak le, ‘Nannih a to-aw tla leh amah zahtu mi lian leh mi mê tla, kan Pathian chu sawr u,” a ti.

THUPHUANG 20:12

Chun, mithi tla, a lian a mê hen, laltophah mâika ah an dîr mi ka muh le, chun lasuibu tla chu a kêu le, chun, lasuibu dang, nungnâk lasuibu khawm a kêu le, chun, mithi tla chu an thilti lasuibu tla ah â rîn hâwitê hen lâirêl piak hen an um rawh.

THUPHUANG 20:15

Âuzawng nungnâk lasuibu ah a min rîn hen a um lo mi chu meizur ah an lawnh rawh.

THUPHUANG 22:12

Chun, Jisu nih, “Ngâinik!’’ ‘’Ka hawng kal tuan awt hi! Mi kip an thilti hâwi vima hen pêk na ding hen ka lâwmman ka hawng put awt asi.