THUPHUANG 11:13 - Bawm Common Language Bible Version

¹³ Chun, chu liau tak chun, lî thungâi thlâk â nîn le, khua chu munrâ ṭhen hen mun khat a chim rawh, lînîn lak chun mi sâng sarih an thi le, an thibang tla chu thungâi an lâu le, Pathian vân ah a um mi chu an chawnglawmh rawh.

THUPHUANG 11:13 ပူးပေါင်းရင်းမြစ်များ

GENESIS 6:4

Chubang liau leh a nehnûn tla ah chun tual tlûnah milian tla nunau thlâk tla leh tlûnlei minung tla lakah an thlâk na mi an um. A lânah chun chubang mi tla chu an râlṭha hen an min thungâi a thang.

ISAI 29:6

Lâkkhatko ah ruatlo hâwi tak hen LALPA Zeizawng tikho nih ruah tukpi lakah khua a rî mi leh linîn hen ruang a nan suah na lai. Thlipi leh meialh a hawng fial lai le;

JEREMIA 13:16

LALPA nan Pathian nih, mûinâk a tlungtir lânah leh tlâng tlûnah nan tlû lânah, chêu nan lungum mi chu mûinâk sah chem asi lânah amah chu zah u.

MALAKI 2:2

Nan thilti hen keimah nan hawng ka zah ding asi. Ka thusim nan ngâilo chun nan tlûnah siat ka tlungtir awt. Nanmah ṭangpinâk ding ah thil nan tawng mi chu siat ka lawh awt. Ka thupêk tla nan zûl tatak lo ruang takah tu khawm ah siat ka barh rawh.

JOHAN 9:24

Chun, mitchâw chu an kawh nawlh le, a sinah, “Pathian sawr rawh, kha minung lam kha chu misual asi ti kan theih,” an ti.

THILTI 1:15

Chun, chubang ni tla ah chun unau tla lakah Peter chu a dîr le, an ektê hen zâ leh kul ding an si.

JOSUA 7:19

Josua nih a sinah, “Ka fapa, LALPA mâika ah thudik sim rawh, Israel Pathian sinah na sual phuang rawh. Thil na ti mi tuah hawng ka simh. Ka sinah zei thu khawm pheh lah,” a ti.

THUPHUANG 11:11

Chun, ni thum leh sûnlân nûnah chun Pathian nungnâk thaw chu an sungah a lût le, an dîr rawh, chun, a muhtu tla nih chun an ṭih na rawh.

THUPHUANG 11:19

Chun, vân ah Pathian biakin chu â awng le, chun, a biakin sungah Thudântuk Bâwm chu a hawng lang rawh; chun, mîmthlalek tla, aw-hâu tla, khuarît tla, lînîn tla, rial chawp tak tla thungâi a hawng um rawh.

THUPHUANG 14:7

Chun, anih nih chun, hâu fâk tak hen, “A lâirêl tik chu a tlung rawh ruangah Pathian ṭih ule, chawnglawmh u, tual leh vân, tisumsumriat leh tinungva tla siamtu chu mâimûk u,” a ti.

THUPHUANG 15:4

Lalpa, âunih nang a nan ṭih lo lai! Na rokualnâk phuang lotu âu a um lai? Nangmah lâwng na thenhlimh asi! Na thilti rep tla chu mi kip nih an muh rawh, phun kip an hawng lai le a nan sawnh lai,” an ti.

THUPHUANG 19:7

lâwptlo tak hen kan um lai le, amah kan chawnglawmh lai, Dawrâ Fa nupi neih chu a zâ rawh le, a nupi khawm â tîm zet rawh,” a ti mi kha ka theih.

THUPHUANG 3:4

Sikhawmsele, Sardis khua ah an nipuan thiang mi tâwmtê nan um. Chu hâwi ti tlâk mi nan si ruangah, puanvâr aih hen ka sinah nan hawng lai.

THUPHUANG 6:12

Chun, Dawrâ Fa nih singsiahnâk paruknâk chu a samh mi ka zauh le, chun lî thungâi a hawng a nîn le, nî chu samul puandum hâwi hen a hawng dum le, thlâ khawm thisen hâwi hen a hawng sen.

THUPHUANG 8:5

Chun, vânmifial nih chun zeilo rimthâw duahnâk bâwm chu a lâk le, mâichâm mi mei hen a khattir le, tual ah a lawnh rawh. Chun, khuarît tla, aw-hâu dang tla, mîmthlalek tla, lînîn tla a hawng um sawm rawh.

1 SAMUEL 6:5

Chu a ngawr mi lem leh châichîm lem chu siam ule, Israel tla Pathian chu nan chawnglawmh ding asi. Chu tikah nan pathian tla leh nan ram a rêp na mi chu a bâng lai dahmawh.