THUPHUANG 11:10 - Bawm Common Language Bible Version

¹⁰ Hi mi panih an thi ruangah, tual ah mi zapi tla chu anna lâwm lai le, lâwmnâk an siam lai le, thilpêk tla anna kuat lai, hi khuavâng panih tla nih tual ah mi zapi tla chu an hamhtir na ruangah.

THUPHUANG 11:10 ပူးပေါင်းရင်းမြစ်များ

1 Lal 18:17

Ahab nih a muh rawh chun a sinah, “Israel nawktirtu, na um ko mu!” a ti.

1 Lal 21:20

Ahab nih Elija a muh kâ hen a sinah, “Ka mêlmapa, ka sinah na hawng mu?” a ti. Elija nih a sâng le, “Asi, ka hawng mahi! LALPA mitmuh hen thilsual ti ding hen na pumpêk ual ma kha!

1 Lal 22:18

Ahab nih Jehosaphat sinah, “Kei rangah chun a ṭha leikâng hen zeikhawm a sim lo ka nan ti asi lo ma? Ṭhalo kumza hen a sim!” a ti.

1 Lal 22:8

Ahab nih a sâng le, “Pakhat a um rih, Imlah fapa Mikaiah, sikhawmsele anih chu ka hua asi; kei rangah a ṭha kâng hen zeikhawm a sim lo ruangah, a sia lei kumza hen a sim tâwn,” a ti. “Chu minung chu sim khawm sim lah,” ti hen Jehosaphat nih a sâng.

SAM 13:4

“Ka mêlma tla nih kan neh thlo” an hawng ka ti ding siang lah. Ka tlû mi hi hawng ka diriamhtir na lah.

SAM 35:19

Neh hen ka um mi lakah ka mêlma tla, mi âwkrâwl thusim tla nih hawng ka diriamh ding hen siang lah. A san lo hen an ka huatu tla nih ka lawksawngnâk lakah lâwm hen an ka imh ding siang lah.

SAM 89:42

A mêlma tla rangah nehtu sinâk na pêk le, lâwptlo tak hen na umtir na.

THUFING LASUIBU 24:17

Na mêlma siatnâk a tlung liauah a lâwm lah le, a tlû liau khawm ah a lâwm lah.

JEREMIA 38:4

Churawhchun, rianṭuantu tla chu lalchem sinah an va kal le, a sinah, “Hi minung hi thah ding mi asi. Hi hâwi thu a sim mi nih khuapi lakah kawrsen tla a zertir ver le, khuapi lakah um mi mikip sinah hi hâwi hen a ti. Midang rangah ṭangpi ding a awtlo le, nganfâk pêk na ding cho a duh,” an ti.

JEREMIA 50:11

LALPA nih, “Babulon mi tla, ka phun chu na rûn na. Na lâwm hen na lâwptlo le, chawpinu nih fâng a chîl mi mawh, rang a âwn le â sawk mi hâwi na si,

OBADIAH 1:12

Na unau Juda tla vânduainâk lakah na diriam ding asi lo. An siat ni ah na lâwm ding asi lo, an tuar liauah na nihsanh na ding asi lo.

MIKAH 7:8

Kan mêlma tla nih a san umlo hen hawng kan diriamh. Kan tlû le, sikhawmsele kan thawk nawlh lai. Tu chun mûi ah kan um le, sikhawmsele LALPA nih chêu hawng kan pêk teh lai.

MATHAI 10:22

Keimah min ruangah mi zawzawng huat nan si lai; sikhawmsele, a dawngh tiang hen tuar huamtu zawng chu, chu tak chu ruangsuah hen a um lai.

JOHAN 16:20

Thungâi tak hen ka nan simh na, nannih nan mitthli a tlâ lai le, nan ṭap chiam lai le, laikulh lam chu anna lâwm lai; nannih nan ngaihsia lai le, sikhawmsele nan ngaihsiatnâk chu lâwmnâk ah â chang lai.

JOHAN 7:7

Laikulh nih an hua kho na lo, kei lam chu a ka hua tâwn, a thilti tla a sual ti ka simhfiang ruangah.

THILTI 5:33

Chun, annih nih chun chubang thu chu an theih hen thungâi an thin a purh le, thah an tum na rawh.

1 KORIN 13:6

sual leikâng a dawn lo, replonâk ah â lâwm lo, thutak lam chu a lawmhpi tâwn.

THUPHUANG 12:13

Rûlrêu nih chun tual ah lawnh asi ti a theih ka hen fapa ringtu nunau chu a râl rawh.

THUPHUANG 13:14

Chun, sarâng masa chem mitmuh ah thilchê a ti mi hen khan tual tlûnah mi zawzawng chu a perpet na rawh. Chun, sarâng nih chun nâmsâu hen thih khawp rê hen liamh hen a um le, a dam nawlh mi sarâng chawnglawmhnâk ding hen mi zawzawng chu sarâng masa chem lem tuah ding hen thu a pêk na.

THUPHUANG 13:8

Chun, tual ah an um mi zawzawng lakah laikulh um lân thawk hen thah rawh mi Dawrâ Fa nungnâk lasuibu ah an min â rîn lo mi vial nih chun amah an mâimûk lai.

THUPHUANG 16:10

Chun, vânmifial panganâk nih a berhbu chu sarâng laltophah ah a thlêt le, sarang ram zawzawng chu a hawng mui hep le, an nganfâk tuk ruangah an lei tla an seh le,

THUPHUANG 3:10

Felfê tak hen ka thupêk tla na pawm ruang khan, tual ah mi zapi an um mi tla nik ding hen, laikulh zawzawng tlûnah tik hawng tlung ding mi lakah chun kei khawm nih ka nan hum lai.