THUPHUANG 11:1 - Bawm Common Language Bible Version

¹ Chun, tahnâk fung, ṭhianṭhunh hâwi mi an hawng ka pêk le, “Thawk le, Pathian Biakin leh mâichâm chu tah le, a sungah sawnhtu tla khawm rêl na.

THUPHUANG 11:1 ပူးပေါင်းရင်းမြစ်များ

ISAI 28:17

Diknâk chu lungphûm rangah tahnâk asi lai le, zumhkâinâk chu a thûk zia tahnâk asi,” a ti. Thli leh ruah lakah mi rial nih nanna ngauhsan âwkrâwl tla chu a hûi peng lai le, nanna humnâk chu tîlian nih a veih lai.

DANIAL 7:27

Tual tlûnah lalram zawzawng rokualnâk leh thiltikhonâk chu Pathian mi rokual tla sinah pêk asi lai rawh. Lal thiltikhonâk anna ting mi chu a dawng lai lo rawh le, tual tlûnah lâirêltu zawzawng nih an rian an ṭuan piak na hen an thu an ngâi lai rawh,” a ti.

2 KORIN 6:16

Pathian Biakin leh ruk khawm nih zei me remnâk an nei? Kannih lam chu Pathian nung Biakin kan si; Pathian nih, “Anmah lakah ka um lai le, anmah lakah ka tâwi ber lai; chun, an Pathian kasi lai le, annih khawm ka mi tla an si lai,” a ti hâwi khan.

1 PETER 2:5

Lung nung tla hâwi hen amah sinah hawng u, chun thlarau lei in saknâk ah mang ding hen a pêk u. Jisu Krist zârah Pathian sinah thlarau lei bâwlnâk pawmtlâk ap ding hen chunah chun, bâwlpu thenhlimh nan si lai.

1 PETER 2:9

Sikhawmsele, mûi ah mi suak hen, a chêu chê tak ah lût ding hen a nan kawh natu Pathian thilchê ti tla nan langhtir khonâk ding hen, nannih chu phun thîm, Lalchem bâwlpu tla, phun thenhlimh, Pathian mi tak nan si.

THUPHUANG 10:11

Chun, “Mi tam tak tla, phun tam tak tla, hawlh tam tak tla, lal tam tak tla sinah Pathian thuchah na phuang nawlh ding asi,” a hawng ka ti.

THUPHUANG 21:15

Chun, a hawng ka sawnhtu nih, khua leh a kawtkâ leh a kulh chu, tah ding hen ngûn fung a put le,