THUPHUANG 10:5 - Bawm Common Language Bible Version

⁵ Chun, vânmifial tisumsumriat ah leh tlângah a dîr mi ka muh mi nih khan a kut vawrhlei vân leiah a phar le, vân, a sungah thil zeizawng siamtu, tual, a sungah thil zeizawng leh tisumsumriat a sungah thil zeizawng siamtu,

THUPHUANG 10:5 ပူးပေါင်းရင်းမြစ်များ

GENESIS 14:22

Abram nih a sinah, “LALPA Pathian Chungnungchem, tual leh vân Siamtu sinah,

NEHEMIAH 9:6

Churawhchun, Israel mi tla nih hi hâwi hen thla an cham: “LALPA, nangmah cho chu LALPA na si; vân tla leh vân ah mi ârfi tla na siam na. Ram leh tisumsumriat leh a sungah thil zeizawng na siam le, an ektê rangah nungnâk na pêk na. Vân thiltikhonâk tla chu kûn hen, nangmah an sawnh.

SAM 146:5

Amah ṭangpi ding hen Jakob Pathian neitu leh Pathian lakah a ngauh mi chu a thaw a suak.

EXODUS 20:11

Ni ruk sungah, Kei, LALPA nih tual leh vân, tisumsumriat leh a sungah thil zeizawng ka siam le, a ni sarihnâk ah ka dîn rawh. Churuangah asi Kei, LALPA nih Dinhni chu mal ka sâwm le, ka thenhlimh mi chu.

EXODUS 6:8

Abraham, Isak leh Jakob sinah ka tiamh thlir mi ram ah ka nan kalpi na lai le; Kei, LALPA nih nanmah tâ si rawh ding hen ka nan pêk na lai,” a ti.

EZEKIEL 20:15

Churawhchun, anmah rangah ka pêk na mi neihnâk leh ram ṭha, ram zawzawngah ram ṭha chem leiah kalpi na lo ding hen ramkaro ah thu ka tiam.

EZEKIEL 20:23

Churawhchun, ramkaro ah thutiamnâk dang ka siam. Laikulh pumpi ah rekrâwitir na ding hen thu ka tiamh.

EZEKIEL 20:28

Pêk ding hen ka tiamh na mi ram ah ka kalpi na. Tlâng sâng tla leh thing ring tla an muh rawh chun chu lakah bâwlnâk an ap. Bâwlnâk an duah mi leh uain an ap mi hen ka thin an ka thawktir.

EZEKIEL 20:42

Israel ram, a nan thlâktu tla sinah pêk ding hen ka tiamh na mi mun ah ka nan kîrpi na tikah chun, kei, LALPA kasi ti nan theih lai.

EZEKIEL 20:5

Thu ka sim mi simh na. Israel ka thîm liauah thu ka tiamh na. Aigupta ah keimah ngelchel an sinah ka langh le, kei, LALPA nan Pathian kasi ti hen ka simh na.

EZEKIEL 36:7

A kiangkam ah mi phun tla chu nâutir hen an um lai ti hen, kei, LALPA Zahkâi nih bir tak hen thu ka tiamh asi.

EZEKIEL 47:14

Nan thlâktu tla chu hi ram hi ting ding ah anmah pêk na ding hen bir tak hen thu ka tiamh na mi asi; churuangah tuah bang rang hen a ṭhen u.

DANIAL 12:7

Chu vânmifial nih chun a kut vân leiah zangh bû hen zungzâl Pathian min hen thu bir tak hen a tiam. A thusim ka theih mi chu, “Kum thum leh a khing asi lai. Pathian mi tla nehsawhnâk a dawng tikah chubang thil zawzawng tla hi a hawng tlung lai,” a ti.

THILTI 14:15

“Pu le tla, hi bang thil hi zei rangah nan ti? Kannih khawm nan thinlung hâwi put minung kan si; hi bang thil mang tlâklo tla nan hertâk hen vân le, tual le, tisumsumriat le, an sungah um mi zawzawng siamtu Pathian nung sinah chun nan hawng a her khonâk ding hen Thâwngthâng Ṭha kan tlunh na asi.

THILTI 17:23

Ka tawih pah hen nan sawnh mi tla ka zauh liauah, mâichâm pakhat tlûnah, “Theih loh Pathian sinah,” ti hen, rîn ka muh asi. Chun, theihlo hen nan sawnh tâwn mi kha, chu thu chu ka nan simh na hi.

ROM 1:20

A thil muh kho lo tla, a zungzâl thiltikhonâk leh a Pathian zia chu laikulh siamtir thawk hen fiang tak hen muh hen a um le, thilsiam ah chun a lang asi. Churuang chun phelhsawlhnâk ding reng an nei lo!

DEUTERONOMY 32:40

Kei, Pathian nung kasi kar vial chu ka kut phar hen thu ka tiamh.

HEBRAI 6:13

Pathian nih Abraham sinah thu a tiamh liau khan ti ngelchel ding hen siatsirh hen thu a tiamh. Amah ngâk hen rokual dauh a um lo ruangah thu a tiamh liauah amah min sâl hen siat a sirh.

THUPHUANG 1:18

a nung mi chu kasi, ka thi le, sikhawmsele, ngâinik, zungzâl rangah ka nung nawlh rawh asi. Thihnâk leh mithi khua tlûnah thuneihnâk chu ka nei ber asi.

THUPHUANG 10:2

Chun, a kut ah chun lasuibuzual samh chia a put le, a kê vawrhlei hen tisumsumriat a lamh le, a kehlei hen tlâng a lamh;

THUPHUANG 14:7

Chun, anih nih chun, hâu fâk tak hen, “A lâirêl tik chu a tlung rawh ruangah Pathian ṭih ule, chawnglawmh u, tual leh vân, tisumsumriat leh tinungva tla siamtu chu mâimûk u,” a ti.

THUPHUANG 16:17

Chun, vânmifial pasarihnâk nih chun a berhbu chu boruak ah a thlêt le, chun, Pathian biakin ah laltophah thawk hen, “Â lîm rawh,” ti hen aw-hâu fâk tak a hawng suak.

THUPHUANG 4:11

“Nang kan Lalpa leh kan Pathian, rokualnâk tla, chawnglawmhnâk tla, thiltikhonâk tla tawng tlâk na si. Nangnih zeizawng na siam le, nangmah duh thu hen nungnâk na pêk na asi,” an ti.

THUPHUANG 4:9

Chun, thilnung pali tla nih chun laltophah ah a to mi, zungzâl hen a nung kumza mi chu la rokual tak hen an chawnglawmh hen lâwmthu an sim kip ah,