THUPHUANG 10:4 - Bawm Common Language Bible Version

⁴ Chun, khuarît pasarih tla nih an aw-hâu an suah kâ hen, ka rîn awt le, sikhawmsele, “Khuarît pasarih thusim tla kha pheh thlir, rîn lah” ti hen vân thawk hen aw-hâu ka theih rawh.

THUPHUANG 10:4 ပူးပေါင်းရင်းမြစ်များ

ISAI 29:11

Khuavâng tla nih langhnâk an muh mi thu umzia chu nan lakah thuh asi lai; singsiahnâk lasui zual hâwi asi lai. Midang âumawh a rêl thiam mi sinah nan va kalpi hen an rêl piak na ding ngiar khawm ule, “singsiah mi asi ruangah ka ti kho lo,” a ti lai.

ISAI 8:1

LALPA nih ka sinah, “Rînnâk ding ah a rua lian ual lâk le, lasuiṭial lianpi hen a tlûnah rîn: ‘Râwk sawm le, Rang tak hen rûn.’

ISAI 8:16

Nannih ka ṭhiruai tla chu, Pathian nih thuchah hawng ka pêk mi vêngtu leh kiltu ding nan si.

DANIAL 12:4

Anih nih chun ka sinah, “Tuah, Danial, lasuibu kha zual le, laikulh dawngh tiang hen singsiahnâk siam. Chu liau chir chun mi tam tak nih thil hawng um mi theih ding hen anna ṭang lai le, sikhawmsele anna ṭangnâk chu a thawt asi lai,” a ti.

DANIAL 12:9

Anih nih hawng ka sâng le, “Danial, hi thu tla a thuptê hen kil hen, laikulh dawnghnâk a hawng tlung lânlo chu thuh thlir ding asi ruangah tu chun kal ko rih.

DANIAL 8:26

Zînglei leh zânlei bâwlnâk langhnâk ah na muh mi thu chu na sinah simhfiang hen a um mi chu a hawng tlung ngelchel lai. Sikhawmsele hun sâwt ual tikah a hawng tlung ding mi asi ruangah na thinlung ah a thuptê hen kil ziar ko,” a ti.

DEUTERONOMY 29:29

“LALPA kan Pathian nih a thuptê hen a kil mi thil zeimawh a um; sikhawmsele a dân chu a hawng langh le, kanmah leh kan thlâk tla nih kan zûl kumza ding mi chu asi.

THUPHUANG 1:11

“Na thil muh ding mi chu lasuibu ah rîn le, Kawhmi murui sarih tla: Ephesi, Smirna, Pergamos, Thiatira, Sardis, Philadelphia leh Laodikei khua ah kuat rawh,” a ti mi ka theih.

THUPHUANG 1:19

Chuvachun, na thil muh rawh mi tla leh thil um liau leh thil hawng um ding mi thu tla chu rîn rawh;

THUPHUANG 10:8

Chun, vân thawk hen aw-hâu ka theih mi nih khan a hawng ka sawnh nawlh le, “Tisumsumriat leh tlângah a dîr mi vânmifial kut a mi lasuibuzual samh chia kha lâk rawh,” a ti mi ka theih.

THUPHUANG 22:10

Chun, anih nih chun ka sinah, “Hi lasuibu ah khuavâng tla simkannâk thu tla hi pheh lah, hi bang thil tla a hawng tlung ding mi tik chu a nâi rawh hi.